Քեթրին Ռոլզ
Քեթրին Ռոլզ (անգլ.՝ Katherine Louise Rawls,հունիսի 14, 1917, Նաշվիլ, ԱՄՆ - ապրիլի 8, 1982, White Sulphur Springs, Գրինբրայեր շրջան, Արևմտյան Վիրջինիա, ԱՄՆ), ամերիկացի ջրասուզորդ և լողորդ, ամառային օլիմպիական խաղերի եռակի հաղթող, որպես օդաչու մասնակցել է Երկրորդ համաշխարհային պատերազմին[1][2]։
Քեթրին Ռոլզ անգլ.՝ Katherine Rawls | |
---|---|
Ծնվել է | հունիսի 14, 1917 |
Ծննդավայր | Նաշվիլ, ԱՄՆ |
Մահացել է | ապրիլի 8, 1982 (64 տարեկան) |
Մահվան վայր | White Sulphur Springs, Գրինբրայեր շրջան, Արևմտյան Վիրջինիա, ԱՄՆ |
Քաղաքացիություն | ԱՄՆ |
Մասնագիտություն | օդաչու, լողորդ և ջրացատկորդ |
Պարգևներ և մրցանակներ | |
Katherine Rawls Վիքիպահեստում |
Կենսագրություն խմբագրել
Քեթրին Ռոլզը ծնվել է 1917 թվականին Նեշվիլ քաղաքում։ Երկու տարեկանից սկսել է լողալ, յոթ տարեկանից զբաղվել է ջրացատկով։ Նրա քույրերը՝ Դորոթին, Էվելին և Պեգին և եղբայր Սոնին, նույնպես զբաղել են ջրացատկով և ելույթ են ունեցել հանդիսատեսի առջև, մասնակցել պատանեկան մրցումներին։
1931 թվականին Ռոլզը հաղթեող է ճանաչվել ԱՄՆ-ի լողի ազգային առաջնությունում։ 300 մետր անհատական վազքում նա իրենից ետ է թողել չեմպիոնուհի Էլեոնորա Հոլմին և սահմանել նոր համաշխարհային ռեկորդ։
1932 թվականի Լոս Անջելեսում տեղի ունեցած ամառային Օլիմպիական խաղերում Ռոլզը ջրացատկի երեք մետրանոց ցատկահարթակից զիջել է Ջորջիա Քոուլմենին և նվաճել արծաթե մեդալ։ Հետագա 200 մ բրասի որակավորման փուլից Քեթրին Ռոլզը դուրս է մնացել։
Ռոլզը կրկնել իր ձեռքբերումը 1936 թվականին Բեռլինում տեղի ունեցած ամառային օլիմպիական խաղերում։ Նա անսպասելիորեն զիջել է 13-ամյա Մարջորի Ջեսթրինգին և նորից զբաղեցրել երկրորդ տեղը։ Նույն ընթացքում նա 4×100 մետր ազատ ոճի մրցույթում զբաղեցրել է 3֊րդ տեղը և 7-րդ տեղը՝ 100 մետր ազատ ոճում[3]։
Քեթրին Ռոլզը ԱՄՆ֊ի սիրողական մարզական միության մրցումներում 33 անգամ զբաղեցրել է առաջին տեղը։ Նա 18 ազգային ռեկորդ է սահմանել խառը, բրաս և ազատ լողերի ոճերում։
Ասսոշեյթեդ պրես ԱՄՆ–ի խոշորագույն տեղեկատու գործակալութան կողմից 1937 թվականին Ռոլզը ճանաչվել է տարվա մարզիկ։
1939 թվականին Քեթրինը հեռացել է լողից, սակայն մասնակցել է 1948 թվականի ամառային օլիմպիական խաղերին և զբաղեցրել չորրորդ տեղը։ 1965 թվականին նրա անունն ընդգրկվել է Լողի համաշխարհային փառքի սրահում։
Անձնական կյանք խմբագրել
1938 թվականի մայիսի 18-ին Ռոլզն ամուսնացել է օդաչու Թեոդոր Հ. Թոմփսոնի հետ և ստացել օդաչուի կրթություն[4][5]։
Ռոլզը 20 տարի աշխատել է որպես լողի մարզիչ Արևմտյան Վիրջինիա նահանգի «Greenbrier» հյուրանոցում։ Նա մահացել է քաղցկեղից, 1982 թվականին[6]։
Գրականություն խմբագրել
- Nason, Jerry (1977) [1939]. «VII: Katherine Rawls: Little Miss Minnow». In Harold Kaese (ed.). Famous American Athletes of Today (Sixth Series ed.). Ayer. ISBN 0-8369-2233-6.
- Pieroth, Doris Hinson (1996). Their Day in the Sun: Women of the 1932 Olympics. University of Washington Press. ISBN 0-295-97554-7.
Ծանոթագրություններ խմբագրել
- ↑ «KATHERINE RAWLS (USA)» (անգլերեն). International Swimming Hall of Fame.
- ↑ «Katherine Rawls» (անգլերեն). SportsReference. Արխիվացված է օրիգինալից 2020 թ․ ապրիլի 17-ին. Վերցված է 2022 թ․ հուլիսի 15-ին.
- ↑ «Higgins and Miss Rawls Score With Records". New York Times. Associated Press. April 3, 1936. p. 31 (Sports). Retrieved September 5, 2007».
- ↑ «KATHERINE RAWLS WED». New York Times. 22.05/1938. էջ 40.
- ↑ Rickman, S. B. (2002 թ․ հոկտեմբերի 1). Flight From Fear. Disc Us Books. ISBN 1-58444-273-5. Արխիվացված է օրիգինալից 2008 թ․ օգոստոսի 20-ին. Վերցված է 2007 թ․ սեպտեմբերի 5-ին.
- ↑ «Obituary: Katherine Rawls, 64, Winner Of 33 U.S. Swimming Titles». New York Times. Associated Press. 1982 թ․ ապրիլի 9. Վերցված է 2007 թ․ սեպտեմբերի 5-ին.
Արտաքին հղումներ խմբագրել
- Քեթրին Ռոլզ Internet Movie Database կայքում
- Katherine Rawls (USA) – Honor Swimmer profile at International Swimming Hall of Fame
Վիքիպահեստն ունի նյութեր, որոնք վերաբերում են «Քեթրին Ռոլզ» հոդվածին։ |