Քառակող կոթող (Դսեղ)
Քառակող կոթող (Դսեղ)[1], գտնվում է Դսեղ գյուղի միջնադարյան գերեզմանատանը, կերտված է 7-րդ դարում[2]։
Քառակող կոթող (Դսեղ) | |
---|---|
Դսեղի քառակող կոթող | |
Տեսակ | մշակութային արժեք |
Ստեղծում | 7-րդ դար |
Երկիր | Հայաստան |
Բնակավայր | Դսեղ |
Շինության ձև | Քառակող |
Ներկա վիճակ | Կանգուն |
Կոթողի բարձրությունը 2 մետր է, կերտված է բաց դեղնավուն ֆելզիտից, կանգնեցված է տուֆի պատվանդանի վրա, որի վերին հատվաշում խաչապատկեր է, իսկ մյուս կողմում կա վիմագիր արձանագրություն։
Կոթողը վաղ միջնադարյան շրջանին է, իսկ պատվանդանը տեղում հավաքել է հայտնի խաչքարագործ Վահրամ Մամիկոնյանը։ Նույն տարածքում է գտնվում նաև վարպետի “Խաչելություն” խաչքարը` 1281 թվագրմամբ։ Կոթողի բոլոր կողմերը ունեն իրենց խորհրդանշական բովանդակությունները։
Կոթողի արևմտյան ճակատի վրա պատկերված ընդանհուր թվով 8 շրջանակները, որոնցից 6-ը միանման շրջանակներ են, 7-րդը մյուսներից տարբերվում է իր կրկնակի շրջագծով, 8-րդի կիսաշրջանը հպված է պատվանդանին (ամենայն հավանականությամբ շրջանակներում գոյություն են ունեցել պատկերներ, որոնք չեն պահպանվել)։ Քառակող կոթողի արևելյան հատվածում պատկերված են արմավենու տերևներ։ Իսկ կոթողի հյուսիսային ճակատին` ընձյուղագալարների միջև, պատկերված են վեր ու վար ուղղորդված արմավենու տերևներ, հարավային կողմում պատկերված է խաղողի որթատունկ։
Նմանատիպ կոթողներ կան նաև Օձունում, Արդվիում, Խոժոռնիում, Կողբում, Բրդաձորում, Շինուհայրում և Երևանում։
Ծանոթագրություններ խմբագրել
- ↑ hushardzantest. «ԿՈԹՈՂ». Պատմամշակութային արգելոց-թանգարանների և պատմական միջավայրի պահպանության ծառայության (ամհարերեն). Վերցված է 2021 թ․ հունիսի 14-ին.
- ↑ «Դսեղի 7-րդ դարի քառակող կոթողը կվերականգնվի». Hetq.am. Վերցված է 2021 թ․ հունիսի 14-ին.