Վլադիմիր Սահակյան (նկարիչ)

Վիքիպեդիայում կան հոդվածներ Սահակյան ազգանունով այլ մարդկանց մասին։

Անվան այլ կիրառումների համար տե՛ս՝ Վլադիմիր Սահակյան (այլ կիրառումներ)

Վլադիմիր Գուրգենի Սահակյան (փետրվարի 16, 1932(1932-02-16), Երևան, Հայկական ԽՍՀ, ԱԽՖՍՀ, ԽՍՀՄ - հունվարի 9, 2013(2013-01-09), Երևան, Հայաստան), հայ նկարիչ։ Բնության և Հասարակայնության միջազգային ակադեմիայի իսկական անդամ, ակադեմիկոս (2004), Եվրոպայի «Բնական գիտությունների» ակադեմիայի իսկական անդամ, ակադեմիկոս (Հաննովեր, Գերմանիա, 2007)։

Վլադիմիր Սահակյան
Ծնվել է	1932 փետրվարի 16
Ծննդավայր	Երևան
Վախճանվել է	հունվարի 9, 2013(2013-01-09) (տարիքը 80)
Մահվան վայր	Երևան
Ազգություն	հայ
Մասնագիտություն	նկարիչ
Անդամակցություն	Հայաստանի նկարիչների միություն

Կենսագրություն

1949 թվականին ավարտել է Շոթա Ռուսթավելու անվան միջնակարգ դպրոցը։ 1950-1958 թվականներին սովորել է Երևանի Փանոս Թերլեմեզյանի անվան գեղարվեստի ուսումնարանում, 1960-1965 թվականներին՝ Երևանի գեղարվեստա-թատերական ինստիտուտում։ 1970 թվականից եղել է Հայաստանի նկարիչների միության անդամ։ 1977 թվականից դասավանդել է Երևանի գեղարվեստա-թատերական ինստիտուտում, պրոֆեսոր՝ 1977 թվականից։

Վլադիմիր Սահակյանի ստեղծագործությունները գտնվում են Հայաստանի, Ռուսաստանի, Ուկրաինայի տարբեր թանգարաններում և ԱՄՆ-ի, Ճապոնիայի, Անգլիայի, Իտալիայի, Ֆրանսիայի, Գերմանիայի մասնավոր հավաքածուներում։

Ցուցահանդեսներ

1968 թվականից մասնակցել է հանրապետական, համամիութենական և արտասահմանյան ցուցահանդեսների։

• 1-ին անհատական ցուցահանդես, Երևանի Նկարիչների տան ցուցասրահ, 1983
• 2-րդ և 3-րդ անհատական ցուցահանդեսներ՝ Դոնեցկ, Մարիուպոլ (Ուկրաինա), 198
• Ջրաներկի 4-րդ անհատական ցուցահանդես, Նեպալ, 1988
• 6-րդ անհատական ցուցահանդես, Երևան, 2004

Պարգևներ

• ՀՀ Կրթության և գիտության նախարարության պատվոգիր, 2007