Վարդան Նիկոյան

Վարդան Սամվելի Նիկոյան (հունվարի 31, 1985(1985-01-31), Երևան, Հայկական ԽՍՀ, ԽՍՀՄ), ՀՀ պետական գործիչ, ՀՀ Միջազգային տնտեսական ինտեգրման և բարեփոխումների նախարարության աշխատակազմի ղեկավար։

Վարդան Նիկոյան
Ծնվել է	հունվարի 31, 1985(1985-01-31) (39 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական համալսարան
Մասնագիտություն	քաղաքական գործիչ
Կուսակցություն	Հայաստանի Հանրապետական կուսակցություն

Կրթություն

• 2001-2005 թթ. - սովորել և ավարտել է Երևանի պետական համալսարանի ֆիզիկայի ֆակուլտետի բակալավրիատը։
• 2007-2009 թթ. - սովորել և ավարտել է ՀՀ Պետական կառավարման ակադեմիայի մագիստրատուրան՝ «Հանրային կառավարում» մասնագիտությամբ։
• 2011 թվականից - ԵՊՀ միջազգային հարաբերությունների ֆակուլտետի ասպիրանտ։
• 2012–2013 թթ. – սովորել և ավարտել է Պեկինի Ցինխուա համալսարանի հանրային քաղաքականության և կառավարման դպրոցի մագիստրատուրան։
• 2016թ. - սովորել է ԱՄՆ Մասսաչուսեթս նահանգի Թաֆթս համալսարանի Ֆլեթչեր միջազգային իրավունքի եւ դիվանագիտության դպրոցում։

Աշխատանքային գործունեություն

• 2005-2007 թթ. - ծառայել է Հայաստանի զինված ուժերում։ Ունի ավագի զինվորական կոչում։
• 2010 թ. ՀՀ վարչապետի որոշմամբ նշանակվել է ՀՀ վարչապետի օգնական։
• 2012 թվականից - ԵՊՀ միջազգային հարաբերությունների ֆակուլտետի դասախոս։
• 2014 թ. փետրվարի 18-ին ՀՀ վարչապետի որոշմամբ ազատվել է Հայաստանի վարչապետի օգնականի պաշտոնից՝ այլ աշխատանքի անցնելու կապակցությամբ։
• 2014 թ. փետրվարին ՀՀ Կառավարության որոշմամբ նշանակվել է ՀՀ քաղաքաշինության նախարարության աշխատակազմի ղեկավարի պաշտոնակատար։
• 2014 թ. դեկտեմբերին ՀՀ Կառավարության որոշմամբ նշանակվել է ՀՀ Միջազգային տնտեսական ինտեգրման և բարեփոխումների նախարարության աշխատակազմի ղեկավար։
• 2018 թ. ՀՀ Միջազգային տնտեսական ինտեգրման և բարեփոխումների նախարարության լուծարման արդյունքում ազատվել է զբաղեցրած պաշտոնից։

Ամուսնացած չէ։ Վարդան Նիկոյանը ՀՀ Ազգային ժողովի պատգամավոր Սամվել Նիկոյանի որդին է։

Հայաստանի Հանրապետական կուսակցության խորհրդի անդամ է։