Վահրամ Շահումյան
Վահրամ Հարությունի Շահումյան (1908[1], Դիլիջան, Երևանի նահանգ, Կովկասի փոխարքայություն, Ռուսական կայսրություն[1] - 1964[1], Մոսկվա, ԽՍՀՄ[1]), հիդրոտեխնիկայի և ոռոգման բնագավառի հայ խորհրդային գիտնական։ Տեխնիկական գիտությունների դոկտոր (1949), պրոֆեսոր (1949)։
Վահրամ Շահումյան | |
---|---|
Ծնվել է | 1908[1] Դիլիջան, Երևանի նահանգ, Կովկասի փոխարքայություն, Ռուսական կայսրություն[1] |
Մահացել է | 1964[1] Մոսկվա, ԽՍՀՄ[1] |
Քաղաքացիություն | Ռուսական կայսրություն և ԽՍՀՄ |
Ազգություն | հայ |
Մասնագիտություն | հիդրոտեխնիկ |
Հաստատություն(ներ) | Հիդրոտեխնիկայի և հողի մելիորացիայի համառուսական գիտահետազոտական ինստիտուտ[1] |
Ալմա մատեր | Մոսկվայի բնապահպանական կառավարման պետական համալսարան (1931)[1] |
Կոչում | պրոֆեսոր[1] |
Գիտական աստիճան | տեխնիկական գիտությունների դոկտոր[1] (1949) |
Պարգևներ |
Կենսագրություն խմբագրել
1931 թվականին ավարտել է Մոսկվայի ջրային տնտեսության ինստիտուտը։ 1931 թվականից աշխատել է Հիդրոտեխնիկայի և մելիորացիայի համամիութենական ԳՀԻ-ում (Մոսկվա)։ Մասնակցել է Ուզբեկական ԽՍՀ-ի, Ամուդարյա գետի ստորին հոսանքի և Սարդարապատի դաշտի ոռոգման համակարգերի, Արաքս գետի պոմպակայանների, Ռուբլևյան պատվարի (Մոսկվա գետի վրա) շինարարությանը։ Մշակել է Միջին Ասիայի, Անդրկովկասի, ՀԽՍՀ-ի, ՌԽՖՍՀ-ի ոռոգման համակարգերի շահագործումը բարելավելու միջոցառումներ, անպատվար ջրընդունիչի հանգույցի կոնստրուկցիան։
Պարգևներ խմբագրել
Պարգևատրվել է Աշխատանքային կարմիր դրոշի շքանշանով։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 435)։ |