Վահե Հովակիմյան
- Վիքիպեդիայում կան հոդվածներ Հովակիմյան ազգանունով այլ մարդկանց մասին։
Վահե (Վլադիմիր) Կարապետի Հովակիմյան (1929 - 1995[1]), հայ բանաստեղծ, բանասիրական գիտությունների թեկնածու, ԽՍՀՄ գրողների միության անդամ (1963), ԽՄԿԿ անդամ (1971)։
Վահե Հովակիմյան | |
|---|---|
| Ծնվել է | 1929 |
| Վախճանվել է | 1995 |
| Մասնագիտություն | բանաստեղծ |
| Կրթություն | Հայկական պետական մանկավարժական համալսարան (1953) |
| Գիտական աստիճան | բանասիրական գիտությունների թեկնածու |
| Անդամակցություն | ԽՍՀՄ Գրողների միություն |
| Կուսակցություն | ԽՄԿԿ |
| Աշխատավայր | Հայկական պետական մանկավարժական համալսարան և ՎՊՀ |
| Վահե Հովակիմյան Վիքիդարանում | |
Կենսագրություն խմբագրել
Վահե Հովակիմյանը ծնվել է 1929 թվականին, Ադրբեջանական ԽՍՀ Շամխորի շրջանի Լեռնային Ջագիր գյուղում։ 1953 թվականին ավարտել է Երևանի Խաչատուր Աբովյանի անվան հայկական մանկավարժական ինստիտուտի հոգեբանության, տրամաբանության և լեզվի ֆակուլտետը։ 1953-1956 թվականներին ուսուցչություն է արել հայրենի գյուղում։ 1957 թվականին եղել է «Կարմիր Շամխոր» շրջանային թերթի (Ադրբեջանական ԽՍՀ Շամխորի շրջան) պատասխանատու քարտուղար, 1958-1968 թվականներին՝ Բաքվում լույս տեսնող «Գրական Ադրբեջան» հանդեսի պատասխանատու քարտուղարը։ 1968 թվականին փոխադրվել է Երևան։ 1968-1973 թվականներին եղել է Երևանի Խաչատուր Աբովյանի անվան հայկական մանկավարժական ինստիտուտի հրատարակչության տնօրեն։ 1975 թվականից աշխատել է նույն ինստիտուտի հոգեբանության պրոբլեմային լաբորատորիայում որպես ավագ գիտաշխատող էսթետիկայի գծով։ Միաժամանակ 1976 թվականից արտասահմանյան գրականություն է դասավանդել Կիրովականի մանկավարժական ինստիտուտում։ 1975 թվականին «Գևորգ Էմին և խորհրդային պոեզիայի մի քանի հարցեր» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան[2][3]։
Երկեր խմբագրել
- Վառվող անուրջներ, Բաքու, 1962, 50 էջ։
- Մի գիշեր առանց սրտի, Բաքու, 1965, 62 էջ։
- Եվ բացվում է աշխարհը, Բաքու, 1967, 94 էջ։
- Ներբող բարձունքի, Երևան, «Հայաստան», 1971, 93 էջ։
- Գրիգոր Նարեկացի, Երևան, Երևանի Խաչատուր Աբովյանի անվան մանկավարժական ինստիտուտի հրատարակչություն, 1980, 27 էջ։
Թարգմանություններ խմբագրել
|
Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում |
- Աշուղ Ալեսկեր։ Երգեր.- Երևան։ Հայաստան, 1972.- 107 էջ։
- Ասիայի և Աֆրիկայի բանաստեղծները.- Երևան։ Հայպետհրատ, 1958.- 217 էջ.- Բովանդ-ից՝ Որոշ ստեղծագործություններ։
- Խազարի երգը։ Ադրբեջանական քնարերգություն.- Երևան։ Սովետական գրող, 1982.- 296 էջ։
- Խազրի Նաբի։ Հովիտներ.- Երևան։ Հայաստան, 1974.- 135 էջ։
- Ղազախ բանաստեղծներ.- Երևան։ Հայաստան, 1968.- 255 էջ։
Ծանոթագրություններ խմբագրել
- ↑ Մահվան մասին տեղեկատվություն hush.am կայքում
- ↑ Գրական տեղեկատու։ Երևան։ «Սովետական գրող»։ 1986։ էջ 250-251
- ↑ Հովակիմյան, Վահե Կարապետի
 | Վիքիդարանն ունի նյութեր, որոնք վերաբերում են «Վահե Հովակիմյան» հոդվածին։ |