Վահե Ահարոնյան (դաշնակահար)
- Վիքիպեդիայում կան հոդվածներ Ահարոնյան ազգանունով այլ մարդկանց մասին։
Վահե Գրիգորի Ահարոնյան (հոկտեմբերի 20, 1933, Սոֆիա, Բուլղարիա - սեպտեմբերի 18, 1994, Երևան, Հայաստան), հայ դաշնակահար, ՀԽՍՀ վաստակավոր արտիստ (1974)։
| Վահե Ահարոնյան | |
|---|---|
.jpg) | |
| Հիմնական տվյալներ | |
| Ծնվել է | հոկտեմբերի 20, 1933 Սոֆիա, Բուլղարիա |
| Երկիր |  Բուլղարիայի թագավորություն,  ԽՍՀՄ և  Հայաստան |
| Մահացել է | սեպտեմբերի 18, 1994 (60 տարեկան) Երևան, Հայաստան |
| Մասնագիտություն | դաշնակահար |
| Գործիքներ | դաշնամուր |
| Աշխատավայր | Երևանի Կոմիտասի անվան պետական կոնսերվատորիա |
| Կրթություն | Երևանի Կոմիտասի անվան պետական կոնսերվատորիա (1957) |
| Պարգևներ |  |
ՀԽՍՀ ժողովրդական նկարիչ, քանդակագործ Գրիգոր Ահարոնյանի որդին է։
Կենսագրություն խմբագրել
Վահե Ահարոնյանը ծնվել է Սոֆիայում։ 1946 թվականին հայրենադարձել է։ 1957 թվականին ավարտել է Երևանի Կոմիտասի անվան պետական կոնսերվատորիան։ 1960-1994 թվականներին դասավանդել է նույն կոնսերվատորիայում, 1987 թվականից՝ պրոֆեսոր, 1987-1994 թվականներին` ամբիոնի վարիչ։ Դասավանդել է նաև Վանաձորի, Երևանի երաժշտական ուսումնարաններում, դպրոցներում։
Համագործակցել է դիրիժորներ Դ. Խանջյանի, Գ. Օբերֆրանկի (Հունգարիա), մենակատարներ Ժան Տեր-Մերկերյանի, Սվետլանա Նավասարդյանի, Վ. Մոկացյանի, Ն. Նովիկի, Ռ. Խարաջանյանի և այլոց հետ։ Նվագացանկում` եվրոպական, հայկական դասական և ժամանակակից կոմպոզիտորների երկեր են եղել[1][2]։
Պարգևներ խմբագրել
- Հայաստանի երիտասարդների 1-ին փառատոնի ոսկե մեդալակիր
- Մոսկվայի Համամիութենական մրցույթի դափնեկիր, 1957
- Բաքվի Անդրկովկասյան մրցույթի դափնեկիր, 1960
- ՀԽՍՀ վաստակավոր արտիստ, 1974
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Վահե Ահարոնյան». Արխիվացված է օրիգինալից 2016 թ․ մայիսի 29-ին. Վերցված է 2015 թ․ փետրվարի 24-ին.