Սրվանեսի ամրոց
Սրվանեսի ամրոց կամ Սուրբ Հովհաննեսի ամրոց, ռազմական կառույց Հայաստանի Տավուշի մարզում, Թմբադիր ամրոցից 3 կմ հյուսիս-արևմուտք, քարքարոտ բլրի վրա, զբաղեցնում է մոտ երկու հեկտար տարածություն։
Տեսակ | ամրոց |
---|---|
Վարչական միավոր | Տավուշի մարզ |
Երկիր | Հայաստան |
Ճարտարապետություն խմբագրել
Աչաջրցիները կոչում են նաև սուրբ Հովհաննես։ Բլրի արևմտյան լանջերը ունեն մեծ թեքություն, այդ պատճառով էլ չեն ամրացվել, իսկ արևելյանը ամրացվել է մեկ մինչև 2 մետր հաստությամբ և 1 մետր բարձրությամբ պարսպապատով։ Ամրոցի հյուսիսային անկյունում պահպանվել է սուրբ Հովհաննես մատուռը, որի անունով էլ կոչվում է ամրոցը և տեղանքը։ Հավանական է, որ ամրոցի այդ մասում էլ եղել է մուտքը։ Այս ոչ մեծ ամրոցը ունեցել է պաշտպանական նշանակություն, այստեղ թաքցվել են անասունները, երբ զավթիչները հարձակվում էին բնակիչների վրա։
Գրականություն խմբագրել
- Ի.Բ. Էլլարյան, Աղստևի հովտի պատմության և կուլտուրայի հուշարձաններ, Երևան, «Հայաստան», 1980 — 37-38, էջեր 37-38 — 154 էջ։