Սպորտային վերարկու
Սպորտային վերարկու, ինչպես նաև սպորտային բաճկոն, տղամարդու ամենօրյա պիջակ, որը մոդելավորել են, որպեսզի տղամարդիկ հագնեն՝ առանց համապատասխան տաբատի, հիմնականում սպորտային նպատակների համար։ Ոճը, կտորը, գույները և նախշերը ավելի տարբեր են, քան շատ այլ կոստյումներում․ սովորաբար օգտագործվում են ավելի ամուր և խիտ կտորներ, ինչպես օրինակ մանդուրը, թավիշը, ջինսը, կաշին և տվիդը։
Սկզբնական շրջանում սպորտային բաճկոնները հագել են բացօթյա որոշակի սպորտաձևերի մասնակցելու համար։ Ժամանակի ընթացքում դրանք սկսեցին ընդունվել նաև ավելի պաշտոնական առիթների համար, հաճախ նաև օգտագործվելով որպես դպրոցական համազգեստ։
Տեսակներ խմբագրել
Շութինգ բաճկոնը սպորտային պիջակների այն տեսակն է, որը, ինչպես անունն է հուշում, նախատեսված է հրաձգության կամ որսի սպորտաձևերի մասնակցության համար։ Սովորաբար այն ունենում է կաշվե կտոր ուսի հատվածում, որպեսզի կանխի կրակոցի ալիքը, այն հաճախ ունենում է նաև կաշվե մասեր արմունկների վրա[1]։
Հաքինգ բաճկոնը բրդյա սպորտային պիջակ է, որը նախատեսված է ձիավարության համար, հաճախ պատրաստվում է տվիդից՝ ավանդական երեք կոճակով և կափույրով։
Բլեյզերը նման է սպորտային պիջակին, որը սովորաբար կարում են մուգ և զոլավոր կտորից։ Բլեյզերները պատրաստվում են մետաղական կոճակներից՝ արտացոլելով իրենց ծագումը՝ բրիտանական նավատորմը և նավարկային սպորտաձևը, չնայած դա որոշիչ հատկանիշ չէ[2]։
Պիջակի մասին խոսվում է նաև 1957 թվականի Մարտին Ռոբինսի ռոքնռոլի հիթային «Սպիտակ սպորտային բաճկոն և Վարդագույն մեխակ» սինգլի վերնագրում․ վերնագիրը հետագայում օգտագործվել է նաև 1973 թվականի Ջիմմի Բուֆֆետի «Սպիտակ Բաճկոն և Վարդագույն Խեցգետին» ալբոմում[3]։
Կտոր խմբագրել
Սպորտային վերարկուն կամ սպորտային բաճկոնը պատրաստվում է տարբեր տեսակի կտորներից, ինչպես օրինակ բուրդ, տվիդ, մանդուր և բամբակ։ Սպորտային բաճկոնի ամենադասական տեսակը պատրաստվում է բրդից և հատուկ տվիդից։ Իռլանդիայում հայտնի Դոնեգալյան տվիդը պատրաստվում է իռլանդական Դոնեգալ շրջանում և օգտագործվում է սպորտային վերարկուներ և բաճկոններ պատրաստելու համար։ Կան մի քանի հայտնի արտադրողներ, ինչպիսիք են հինգերրորդ սերնդի ջուլհակ Մուլհերնը, Արդարա քաղաքի Տրիոնա Դիզայնից։
Ծանոթագրություններ խմբագրել
- ↑ «The Traditional Shooting Jacket». Michaelandrews (անգլերեն). 2017 թ․ նոյեմբերի 30. Վերցված է 2018 թ․ հուլիսի 30-ին.
- ↑ Sullivan, Nick (2015 թ․ մարտի 18). «How to Buy a Blazer the Right Way». Esquire (ամերիկյան անգլերեն). Վերցված է 2018 թ․ հուլիսի 30-ին.
- ↑ White, Ryan (2018). Jimmy Buffett: A Good Life All the Way (անգլերեն). Simon and Schuster. էջ 92. ISBN 9781501132568 – via Google Books.
Արտաքին հղումներ խմբագրել
- Ինչպես գնել Բլեյզեր, July 2009