Ալոպե

Ալոպե (հին հունարեն՝ Ἀλόπη), հին հունական դիցաբանության կերպար ատտիկյան շարքից, Պոսեյդոնի սիրելին և Հիպպոֆոոնի մայրը, որին սպանում է հայրը՝ Կերկիոնը։ Դարձել է մի շարք անտիկ ողբերգությունների գլխավոր հերոսուհին, այդ թվում Եվրիպիդեսի ողբերգություններից մեկի։

Դիցաբանության մեջ

Անտիկ հեղինակները Ալոպեին կոչել են Կերկիոնի՝ Ատտիկեի Էլեֆսիսի կայսեր դուստրը։ Նա աչքի է ընկել անսովոր գեղեցկությամբ, դրա համար էլ ծովային Պոսեյդոն աստվածը նրան դարձրել է իր սիրեցյալը։ Ալոպեն հղիացել է աստծուց և փորձել է դա թաքցնել հորից։ Ծնված երեխային նա տվել է ստնտուին, որպեսզի դեն նետի։ Կերկիոնն ամեն դեպքում իմանում է տեղի ունեցածի մասին։ Կեղծ Հիգինուսի խոսքերով՝ նա հրամայել է «կողպել և սպանել» դստերը։ Երեխան փրկվում է և ստանում Հիպպոֆոոն անունը, քանի որ նրան կերակրել էին ձիերը։ Պոսեյդոնը Ալոպեի մարմինը վերածում է աղբյուրի, որն ստանում է նրա անունը։

Աթենական հերոս Թեսևսը իր հետիոտն ճամփորդության ժամանակ սպանում է Կերկիոնին։ Պատմիչ Իստրոսը հաղորդում է, որ սպանվածի դստերը Թեսևսն առևանգում է, իսկ Պլուտարքոսը գրում է բռնաբարության մասին։ Նրանցից ոչ մեկը անուն չի տալիս, սակայն ենթադրաբար խոսքը հենց Ալոպեի մասին է։ Հիպպոֆոոնին Թեսևսը դարձնում է Էլեֆսիսի արքա։

Արտաքին հղումներ

• Aristophanes, Birds. The Complete Greek Drama. vol. 2. Eugene O'Neill, Jr. New York. Random House. 1938. Online version at the Perseus Digital Library.
• Aristophanes, Aristophanes Comoediae edited by F.W. Hall and W.M. Geldart, vol. 2. F.W. Hall and W.M. Geldart. Oxford. Clarendon Press, Oxford. 1907. Greek text available at the Perseus Digital Library.
• Gaius Julius Hyginus, Fabulae from The Myths of Hyginus translated and edited by Mary Grant. University of Kansas Publications in Humanistic Studies. Online version at the Topos Text Project.
• Pausanias, Description of Greece with an English Translation by W.H.S. Jones, Litt.D., and H.A. Ormerod, M.A., in 4 Volumes. Cambridge, MA, Harvard University Press; London, William Heinemann Ltd. 1918. Online version at the Perseus Digital Library
• Pausanias, Graeciae Descriptio. 3 vols. Leipzig, Teubner. 1903. Greek text available at the Perseus Digital Library.
• Smith, William, Dictionary of Greek and Roman Biography and Mythology, London (1873). Online version at the Perseus Digital Library.
• Stephanus of Byzantium, Stephani Byzantii Ethnicorum quae supersunt, edited by August Meineike (1790-1870), published 1849. A few entries from this important ancient handbook of place names have been translated by Brady Kiesling. Online version at the Topos Text Project.