Սուրեն Բոգդասարով
Սուրեն Պետրոսի Բոգդասարով (մայիսի 10, 1920, Տաշքենդ, Խորհրդային Ռուսաստան - սեպտեմբերի 13, 2009, Մոսկվա, Ռուսաստան), խորհրդային ծանրամարտիկ և մարզիչ, ԽՍՀՄ առաջնության բրոնզե մեդալակիր (1947)։ ԽՍՀՄ սպորտի վարպետ։ ԽՍՀՄ վաստակավոր մարզիչ (1957)։ «Կարմիր աստղի» շքանշանի ասպետ։
| Սուրեն Բոգդասարով | ||
|---|---|---|
| Անձնական տեղեկություն | ||
| Սեռ՝ | արական | |
| Մասնագիտացում՝ | մարզիչ | |
| Երկիր՝ |  ԽՍՀՄ և  Ռուսաստան | |
| Ծննդյան ամսաթիվ՝ | մայիսի 10, 1920 | |
| Ծննդավայր՝ | Տաշքենդ, Խորհրդային Ռուսաստան | |
| Մահվան ամսաթիվ՝ | սեպտեմբերի 13, 2009 (89 տարեկան) | |
| Մահվան վայր՝ | Մոսկվա, Ռուսաստան | |
Պարգևներ   և  | ||
Կենսագրություն խմբագրել
Սուրեն Բոգդասարովը ծնվել է 1920 թվականի մայիսի 13-ին Տաշքենդում։ Ծանրամարտով սկսել է զբաղվել 13 տարեկան հասակում։ 1947 թվականին դարձել է ԽՍՀՄ առաջնության բրոնզե մեդալակիր թեթև քաշային կարգում (մինչև 67,5 կիլոգրամմ)։
1954 թվականին տեղափոխվել է Մոսկվա, որտեղ զբաղվել է մարզչական գործունեությամբ Բանակի կենտրոնական մարզական ակումբում (ԲԿՄԱ)։ 1956-1966 թվականներին եղել է ԽՍՀՄ հավաքականի մարզչական շտաբի կազմում։ Սուրեն Բոգդասարովի ամենահայտնի աշակերտը Հռոմի Օլիմպիական խաղերի (1960) չեմպիոն, աշխարհի և Եվրոպայի բազմակի չեմպիոն Յուրի Վլասովն էր։
Հետագայում Սուրեն Բոգդասարովին ճանաչում է բերել նաև հրապարակախոսական և գրական գործունեությունը։ Տարիներ շարունակ նա վարել է հեղինակային սյունակ «Ֆիզկուլտուրա և սպորտ» ամսագրում, որտեղ քարոզել է առողջ ապրելակերպ և խորհուրդ տվել ֆիզիկական ուժի զարգացման համար իր կողմից մշակված վարժանքների համալիրներ[1]։ 2003 թվականին լույս է տեսել նրա «Ծեր մարզչի գրռումները» (ռուս.՝ «Записки старого тренера») ինքնակենսագրական գիրքը[2][3]։
Մահացել է 2009 թվականի սեպտեմբերի 13-ին Մոսկվայում։
Ծանոթագրություններ խմբագրել
- ↑ Сурен Богдасаров возобновляет свои уроки
- ↑ «Отрывки из книги «Записки старого тренера» (часть первая)». Արխիվացված է օրիգինալից 2016 թ․ հունվարի 24-ին. Վերցված է 2019 թ․ հուլիսի 7-ին.
- ↑ «Отрывки из книги «Записки старого тренера» (часть вторая)». Արխիվացված է օրիգինալից 2016 թ․ հունվարի 26-ին. Վերցված է 2015 թ․ սեպտեմբերի 26-ին.