Սուլֆացետամիդ

Սուլֆացետամիդ (հն. Ալբուցիդ), հակամանրէային, բակտերիոստատիկ միջոց, սուլֆանիլամիդ։ Հանդիսանում է ստրեպտոցիդի սինթեզի միջանկյալ արտադրանք։

Սուլֆացետամիդ
Կլինիկական տվյալներ
ԱԹԴ կոդ	S01AB04 (WHO)
Ֆարմակոկինետիկ տվյալներ
Կիսատրոհման պարբերություն	7-ից մինչև 12.8 ժամ
Նույնացուցիչներ
IUPAC անվանում N-[(4-Ամինոֆենոլ) սուլֆոնիլ] ացետամիդ
CAS համար	144-80-9
PubChem CID	5320
DrugBank	APRD00452
CompTox Dashboard (EPA)	DTXSID8026060
ECHA InfoCard	100.005.128
Քիմիական և ֆիզիկական տվյալներ
Քիմիական բանաձև	C8H10N2O3S
Մոլային զանգված	214.243 g·mol−1

Դեղաբանական ազդեցություն

Հակամանրէային բակտերիոստատիկ միջոց, սուլֆանիլամիդ։ Գործողության մեխանիզմը պայմանավորված է պարա-ամիոնբենզոյական թթվի հետ մրցակցային անտագոնիզմով, դիհիդրոպտերոատսինթետազի արգելակումով, տետրահիդրոֆոլաթթվի սինթեզի խախտմամբ, որն անհրաժեշտ է պուրինների և պիրիմիդինների սինթեզի համար։ Ակտիվ է Գրամ դրական և Գրամ բացասական կոկերի, Escherichia coli, Shigella spp․, Vibrio cholerae, Clostridium perfringens, Bacillus anthracis, Corynebacterium diphtheriae, Yersinia pestis, Chlamydia spp., Actinomyces israelii, Toxoplasma gondii մանրէների նկատմամբ։

Դեղորայքային ձև․ աչքի կաթիլներ, քսուք արտաքին օգտագործման համար

«Սուլֆացիլ-նատրիում» աչքի կաթիլներ (միանգամյա օգտագործման պոլիմերային պիպետ)

Ֆարմակոկինետիկա

Թափանցում է աչքի հյուսվածքների և հեղուկների մեջ։ Այն ներծծվում է համակարգային շրջանառության մեջ՝ բորբոքված շաղկապենու միջոցով։

Ցուցումներ

Շաղկապենաբորբ, կոպաբորբ, եղջերաթաղանթի թարախային խոց, նորածինների բլենոռեայի բուժում և կանխարգելում, մեծահասակների աչքի գոնորեալ և խլամիդիալ հիվանդություններ։

Հակացուցումներ

Գերզգայունություն։

Դեղաչափի կիրառում

Տեղային, յուրաքանչյուր կոնյուկտիվային պարկի մեջ 1-2 կաթիլ օրական 4-6 անգամ։ Նորածինների մոտ բլենոռեայի կանխարգելման համար՝ յուրաքանչյուր կոնյուկտիվային պարկի մեջ 2 կաթիլ ծնվելուց անմիջապես հետո և 2 կաթիլ` 2 ժամ հետո։ Քսուքը քսել կոպին օրական 3-4 անգամ։

Կողմնակի ազդեցություն

Այրոց, արցունքաբերություն, ցավ, քոր աչքերում, ալերգիկ ռեակցիաներ։

Հատուկ հրահանգներ

Ֆուրոսեմիդի, թիազիդային միզամուղ դեղամիջոցների, կարբոանհիդրազի ինհիբիտորների նկատմամբ գերզգայունություն ունեցող հիվանդները կարող են գերզգայուն լինել սուլֆացետամիդի նկատմամբ։

Փոխազդեցություն

Պրոկաինի և տետրակաինի հետ համատեղ օգտագործումը նվազեցնում է բակտերիոստատիկ ազդեցությունը։

Դեղորայքային ձև. լուծույթ ներերակային և միջմկանային օգտագործման համար

Ցուցումներ

Թոքաբորբ, թարախային տրախեոբրոնխիտ, միզուղիների վարակներ։

Հակացուցումներ

Գերզգայունություն, ոսկրածուծի արյունաստեղծման ճնշում, ուրեմիա։

Դեղաչափի կիրառում

Կոնյուկտիվային պարկի մեջ մեծահասակները և երեխաները ներարկում են դեղամիջոցի 1-2 կաթիլ՝ օրական 4-6 անգամ։

Նորածինների մոտ բլենոռեայի կանխարգելման համար դեղամիջոցի 2 կաթիլ ներարկվում է յուրաքանչյուր կոնյուկտիվային պարկի մեջ՝ ծնվելուց անմիջապես հետո, իսկ 2 կաթիլ` 2 ժամ հետո։

Կողմնակի ազդեցություն

Ալերգիկ ռեակցիաներ, լեյկոպենիա, սրտխառնոց։

Հատուկ հրահանգներ

Հիվանդները, ովքեր գերզգայուն են ֆուրոսեմիդի, թիազիդային միզամուղ դեղամիջոցների, կարբոանհիդրազի ինհիբիտորների նկատմամբ գերզգայունություն ունեցող հիվանդները կարող են գերզգայուն լինել սուլֆացետամիդի նկատմամբ։

Արտաքին հղումներ

• Машковский М. Д. Сульфацетамид // Лекарственные средства. — 15-е изд. — М.: Новая Волна, 2005. — 1200 с. — ISBN 5-7864-0203-7.
• Սուլֆացետամիդ (Sulfacetamide) (рус.). Դեղերի և դեղագործական արտադրանքի հանրագիտարան. Դեղամիջոցների ռեգիստր. — Հրահանգ, կիրառություն և բանաձև։