Վիքիպեդիա

Սիսի երիտասարդ կայսրուհին (ֆիլմ)

ֆիլմ

«Սիսսի՝ երիտասարդ կայսրուհի» (գերմ.՝ Sissi — Die junge Kaiserin), ավստրաիական դրամա, որը նկարահանվել է 1956 թվականին ռեժիսոր Էռնստ Մարիշկայի կողմից։ Ֆիլմը պատմում է Ավստրիայի կայսրուհի Էլիզաբեթ Բավարացու՝ Ավստրիայի կայսր Ֆրանց Յոզեֆ I-ի հետ ամուսնական կյանքի սկզբնական շրջանի մասին։ Այն ժապավենային եռոլոգիայի երկրորդ ֆիլմն է՝ «Սիսի» ֆիլմից հետո[3][4]։

Սիսի երիտասարդ կայսրուհին
գերմ.՝ Sissi – Die junge Kaiserin
Երկիր Ավստրիա[1]
Ժանրդրամա, կենսագրական ֆիլմ, պատմական ֆիլմ և Heimatfilm?
Թվական1956[1]
Լեզուգերմաներեն
ՌեժիսորԷրնստ Մարիշկա[1][2]
ՊրոդյուսերԷրնստ Մարիշկա[1], Karl Ehrlich?[1] և Alexander Sawczynski?[1]
Սցենարի հեղինակԷրնստ Մարիշկա[1]
ԴերակատարներՌոմի Շնայդեր[1], Կառլհայնց Բյոմ[1], Մագդա Շնայդեր[1], Գուստավ Կնուտ[1], Յոզեֆ Մայնրադ[1], Վիլմա Դեգիշեր[1], Վալտեր Ռայեր[1], Սենտա Վենգրաֆ[1], Իվան Պետրովիչ[1], Հելենա Լաուտերբյոկ[1], Էրիխ Նիկովից[1], Հանս Ցիգլեր[1], Կարլ Ֆոխլեր[1], Ռիխարդ Էյբներ[1], Էգոն ֆոն Յորդան[1], Յազեֆ Էգգեր[1], Hugo Gottschlich?[1], Ֆրանց Բյոհելմ[1], Հիլդա Վագեներ, Օտտո Տրեսլեր[1], Ulrich Bettac?[1], Փիթեր Վեկ և Ուտա Ֆրանց
ՕպերատորԲրունո Մոնդի[1]
ԵրաժշտությունԱնտոն Պրոֆես[1]
ՄոնտաժAlfred Srp?[1]
Պատմվածքի վայրՎիեննա
Նկարահանման վայրSchloss Fuschl?[1], Halle I and Halle VI?[1], St. Michael's Church?[1] և Շյոնբրուն պալատ[1]
Տևողություն101 րոպե
Պաշտոնական կայքէջ

Սյուժե խմբագրել

Շլացուցիչ հարսանիքից հետո Սիսսին ամուսնու՝ Ավստրիայի կայսր Ֆրանց Յոզեֆ I-ի, սկեսրոջ՝ էրցհերցոգուհի Սոֆիայի և բազմաթիվ պալատականների հետ բնակվում է պալատում։ Քանի որ էրցհերցոգուհի Սոֆիան կարծում է, որ կայսրուհին դեռ չափազանց երիտասարդ է և չի կարող ինքնուրույն ճիշտ որոշումներ կայացնել, սկսում է զբաղվել կայսրուհու կրթությամբ։ Սիսսին սկսում է սովորում լեզուներ, աշխարհագրություն և այլ գիտություններ։ Էրցհերցոգուհին իր վստահելի պալատականներին կցում է կայսրուհուն, և այդ տիկնանց հանձնարարում հաշվետվություն տալ իրեն իր հարսի յուրաքանչյուր քայլի մասին։ Այդ պատճառով Էլիզաբեթն իրեն կապանքների մեջ է զգում, ինչպես ոսկե վանդակի մեջ թակարդն ընկածը կզգար։ Նա այս առիթով նույնիսկ գրում է ծնողներին,- «Ես ունեմ ամեն ինչ և ոչինչ»[4][5]։

Եվ չնայած որ Էլիզաբեթը մեծապես աջակցում է Ավստրիայի և Հունգարիայի միջև բարիդրացիական հարաբերությունների հաստատմանը, նրան չի հաջողվում համոզել էրցհերցոգուհուն, որ նա այլևս փոքրիկ աղջնակ չէ ու կարող է ինքնուրույն կատարել կայսրուհու իր պարտականությունները։ Գործորի դրվածքն էլ ավելի է բարդանում արքայադստեր Սոֆիայի ծնվելուց հետո[4][5]։

Սկզբնական շրջանում ամեն ինչ լավ է ընթանում. Սիսին և Ֆրանցը երջանիկ են առաջնեկի ծնվելու կապակցությամբ, բայց և այստեղ միջամտում է էրցհերցոգուհին։ Նա որոշում է, որ Էլիզաբեթը շատ անփորձ է մոր դերի համար և նրանից վերցնում է թոռնուհուն և բերում իր։ Ֆրանցը չի ընդիմանում իր մորը, և Սիսսին գնում է իր ծնողների մոտ՝ Փոսենհոֆեն։ Այնտեղ նա իր մտահոգություններով կիսում է հոր հետ։ Ֆրանցը որոշում է վերադարձնել Սիսիին, հիմնականումայն բանի համար որ կայսրուհու համար ամուսնուց առանձին ապրելը անթույլատրելի է։ Բայց այնուամենայնիվ, կնոջը տեսնելուն պես նրա անզգամությունն անհետանում է, և նրանք հաշտվում են։ Դրանից հետո Ֆրանցը Սիսիին տանում է լեռնային ռոմանտիկ ուղևորության։ Այնտեղ նրանք հիանալի ժամանակ են անցկացնում, սակայն Վիեննա վերադառնալուն պես խնդիրները նույնպես վերադառնում են։ Չնայած այն հանգամանքին, որ Ֆրանցը կնոջ կողմն է անցնում, մայրը չի համաձայնում վերադարձնել թոռնուհուն։ Եվ միայն Սիսիի մորը՝ էրցհերցոգուհու հարազատ քրոջն է հաջողվում համոզել Սոֆիային, որ երեխաները պետք է ապրեն իրենց ծնողների հետ։ Իրադարձությունը շատ տեղին է լինում, քանի որ այդ ժամանակ պետք է Ֆրանցի՝ որպես Հունգարիայի թագավորի, թագադրությունը տեղի ունենար, իսկ առանց Սիսիի հունգարացիները չէին ընդունի նոր թագավորին։ Ֆիլմը ավարտվում է Ֆրանցի թագադրման վայրում, երբ հունգարացիները ողջունում են նոր թագավորին ու թագուհուն[4][5]։

Դերերում խմբագրել

Ռոմի Շնայդեր՝ Էլիզաբեթ Բավարացու դերում (Սիսի)[6][7], Կառլհայնց Բյոմ՝ Ֆրանց Յոզեֆ I կայսեր դերում[6][7], Մագդա Շնայդեր՝ կայսրուհի Լյուդովիկա Բավարացու դերում[6][7], Ուտա Ֆրանց՝ Էլենայի դերում (Նենե)[6][7], Գուստավ Կնուտ՝ Բավարիայի հերցոգ Մաքսի դերում[6][7], Օտտո Տրեսլեր՝ ֆելդմարշալ Ռադեցկու դերում[6][7]։

Մրցանակներ խմբագրել

1957 թվականին «Սիսի երիտասարդ կայսրուհի» ֆիլմում դերակատարման համար Կառլհայնց Բյոմը (Ֆրանց Յոզեֆ I կայսեր դերակատար) և Ռոմի Շնայդերը (Էլիզաբեթ Բավարացու դերակատար) առաջադրվել են «Բամբի» մրցանակաբաշխությանը լավագույն դերասան և դերասանուհի անվանակարգերում[8]։ Նույն թվականին ֆիլմը ցուցադրվել է Կաննի կինոփառատոնի մրցութային ծրագրում[9].:

Տես նաև խմբագրել

Ծանոթագրություններ խմբագրել

  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 1,21 1,22 1,23 1,24 1,25 1,26 1,27 1,28 1,29 1,30 1,31 1,32 1,33 Internet Movie Database — 1990.
  2. ↑ filmportal.de — 2005.
  3. ↑ Sissi: The Young Empress (1956).(անգլ.)
  4. ↑ 4,0 4,1 4,2 4,3 Sissi: The Young Empress (1956).(անգլ.)
  5. ↑ 5,0 5,1 5,2 Կայսրուհի Էլիզաբեթ: Արխիվացված 2017-11-09 Wayback Machine(գերմ.)
  6. ↑ 6,0 6,1 6,2 6,3 6,4 6,5 Sissi: The Young Empress (1956), Full Cast & Crew.(անգլ.)
  7. ↑ 7,0 7,1 7,2 7,3 7,4 7,5 Ֆիլմի դերասանական կազմը: Արխիվացված 2007-02-25 Wayback Machine(գերմ.)
  8. ↑ «Bambi Awards» (անգլերեն). Արխիվացված օրիգինալից 2012 թ․ հոկտեմբերի 29-ին. Վերցված է 2012 թ․ օգոստոսի 31-ին.(անգլ.)
  9. ↑ «Cannes Film Festival» (անգլերեն). Արխիվացված օրիգինալից 2012 թ․ հոկտեմբերի 29-ին. Վերցված է 2012 թ․ օգոստոսի 31-ին.(անգլ.)

Արտաքին հղումներ խմբագրել

Ստացված է «https://hy.wikipedia.org/w/index.php?title=Սիսի_երիտասարդ_կայսրուհին_(ֆիլմ)&oldid=9389167» էջից