Սերբական Հանրապետության ֆուտբոլի ազգային հավաքական
Սերբական Հանրապետության ֆուտբոլի ազգային հավաքական, ֆուտբոլի ազգային հավաքական, որը ներկայացնում է Սերբական Հանրապետությունը ֆուտբոլի միջազգային մրցաշարերում և առանձին հանդիպումներում։ Չի մտնում ՖԻՖԱ-ի և ՈՒԵՖԱ-ի կազմ։ Հիմնադրվել է 1992 թվականին՝ Սերբական Հանրապետության կազմավորումից հետո։ Սերբական Հանրապետության ֆուտբոլային միությունը հիմնադրվել է 1992 թվականի սեպտեմբերի 5-ին՝ Բոսնիական պատերազմի ակտիվ շրջանում։ Հավաքականի և ակումբների խաղերը անցկացվում էին ռազմական դժվար ժամանակաշրջանում։
| Միություն | ՍՖՄ | ||
|---|---|---|---|
| Գլխավոր մարզիչ |  Ժելկո Բուվաչ | ||
| Հիմնական մարզադաշտ | Քաղաքային մարզադաշտ (Բանյա Լուկա) | ||
| |||
| Մասնակցություն | (Առաջինը՝ 1998) | ||
| Եվրոպայի առաջնություն | |||
| Մասնակցություն | 5 որակավորման փուլ (Առաջինը՝ 1996) | ||
| Կայք | fsrs.org | ||
Պատմություն խմբագրել
Սերբական Հանրապետության հավաքականը իր առաջին պրոֆեսիոնալ հանդիպումը անցկացրել է 1992 թվականի դեկտեմբերի 20-ին Բանյա Լուկայի քաղաքային մարզադաշտում՝ ընդդեմ Սերբական Հանրապետության Կրաինա ակումբի։ Առաջին պատմական գոլը խփել է Զորան Նեշկովիչը 16-րդ րոպեին, իսկ 45-րդ րոպեին Տիհոմիր Ժորիչը հավասարեցրել է հաշիվը։ Սերբական Հանրապետության հավաքականի կազմում դաշտ են մտել՝
- Նիկոլա Չոբանովիչ,
- Դրագան Մարկովիչ,
- Նեդո Զդելյար,
- Սրեդկո Վոյկիչ,
- Զորան Վրանյեշ և այլք։
Այդ խաղի ընթացքում գլխավոր մարզիչը եղել է Միլոշ Ջուրկովիչը, իսկ նրա օգնականը եղել է Մլադեն Կատիչը[1]։
1995 թվականին կազմավորվել են Սերբական Հանրապետության ֆուտբոլի առաջին լիգան և Սերբական Հանրապետության գավաթը։ Այդ ժամանակ պետության բոսնիական և խորվաթական հատվածներում հայտնվել են առանձին առաջնություններ։ 1996 թվականին ՖԻՖԱ-ն ճանաչել է Բոսնիա և Հերցեգովինայի ֆուտբոլի ֆեդերացիան, իսկ 1998 թվականին դա արել է ՈՒԵՖԱ-ն։ Այդ նախադեպից հետո ակումբները իրավունք են ստացել մասնակցել եվրագավաթներին, բացի Սերբական Հանրապետության ակումբներից։
2000 թվականին Սերբական Հանրապետության հավաքականը անցկացրել է առաջին պաշտոնական խաղը ընդդեմ հունական «Կավալա» ակումբի (հաղթանակ 4:0), մեկ տարի անց անցկացվել են երկու հանդիպումներ ընդդեմ գերմանական «Բավարիա» (պարտություն 0:1) և «Շվայնֆուրտ 05» (հաղթանակ 4:2) ակումբների։ Սակայն այսքանով Սերբական Հանրապետության խաղերի պատմությունն ավարտվում է, հիմնական կազմ այլևս չի ստեղծվում, երկրի պատիվը ներկայացնում է միայն երիտասարդական հավաքականը, որն ամեն տարի մասնակցում է միջազգային ընկերական առաջնությունների։ Բանակցություններ են վարվում Սերբիայի հավաքականի հետ հանդիպման համար[2]։
Երիտասարդական հավաքական խմբագրել
Սերբական Հանրապետության ֆուտբոլի երիտասարդական հավաքականը հիմնադրվել է 2000 թվականին և յուրաքանչյուր տարի մասնակցում է մի շարք երիտասարդական առաջնությունների (դրանց թվում Ստևան Նեշտիցովի առաջնությունը)։ Հավաքականը այդ առաջնությունը հաղթել է 2004 և 2012 թվականներին։
Ծանոթագրություններ խմբագրել
- ↑ Republika Srpska pre 21 godinu igrala prvi meč at sportlive.ba, 3-7-2013, retrieved 9-3-2015
- ↑ «Нови покушај активирања Репрезентације». Արխիվացված է օրիգինալից 2013 թ․ հոկտեմբերի 29-ին. Վերցված է 2017 թ․ մարտի 29-ին.
Արտաքին հղումներ խմբագրել
- Պաշտոնական կայքէջ (սերբ.)