Սեյրան Քոչարյան
Սեյրան Պայքարի Քոչարյան (ծնվ.՝ 1985թ. հուլիսի 22), հայ կիրառական մաթեմատիկայի մասնագետ, կենսաբանական գիտությունների թեկնածու, Երևանի պետական բժշկական համալսարանի գիտության վարչության պետ[1], բժշկական ֆիզիկայի ամբիոնի վարիչ, դոցենտ։
| Սեյրան Քոչարյան | |
|---|---|
| Ծնվել է | հուլիսի 22, 1965 (58 տարեկան) |
| Ծննդավայր |  Հայաստան, Դիլիջան |
| Ազգություն | հայ |
| Կրթություն | ԵՊՀ |
| Աշխատավայր | ԵՊԲՀ |
ՀՀ առողջապահության նախարարին կից գիտական խորհրդի անդամ է, ԵՊԲՀ գիտակոորդինացիոն խորհրդի փոխնախագահ, Քրոնոկենսաբանների հայկական ասոցիացիայի անդամ, «Գրեյթմեդ» գիտաբժշկական հասարակական կազմակերպության հիմնադիր-նախագահ, «Առողջապահության կազմակերպիչների միավորում» ՀԿ անդամ, Գաստրոէնտերոլոգների հայկական ասոցիացիայի անդամ, Կենսաֆիզիկայի հայկական ասոցիացիայի անդամ[2]։
Կրթություն խմբագրել
Ավարտել է Երևանի պետական համալսարանի կիրառական մաթեմատիկայի ֆակուլտետը։
1985-1987թթ.՝ ԵՊՀ հումանիտար մասնագիտությունների ֆակուլտետ (հոգեբանություն մասնագիտությամբ)։
2004-2005թթ. Հայաստանի ամերիկյան համալսարանի անգլերեն լեզվի ֆակուլտետ։
Աշխատանքային գործունեություն խմբագրել
1989թ. ից աշխատում է Երևանի պետական բժշկական համալսարանում։
1995-1998թթ. զբաղեցրել է ԵՊԲՀ գիտահետազոտական կենտրոնի փոխտնօրենը
1998-2000թթ.՝ ԵՊԲՀ վարչական աշխատանքների գծով պրոռեկտոր
2001-2002թթ. ԵՊԲՀ գրանտային ծրագրերի համակարգման հանձնաժողովի նախագահ, այնուհետև՝ գրանտային ծրագրերի համակարգման կենտրոնի տնօրեն
2004թ.՝ ԵՊԲՀ գիտահետազոտական կենտրոնի տնօրեն
2008-2011թթ. եղել է ՀՀ կրթության և գիտության նախարարության գիտության պետական կոմիտեի, Գիտական քաղաքականության և զարգացման ծրագրերի բաժնի պետ, ԳՊԿ աշխատակազմի քարտուղարության պետ
2013թ. ից զբաղեցնում է ԵՊԲՀ գիտական վարչության պետի և 2016թ. ից՝ բժշկական ֆիզիկայի ամբիոնի վարիչի պաշտոնները։
Գիտական գործունեություն խմբագրել
2000թ.-ին պաշտպանել է թեկնածուական ատենախոսություն՝ ստանալով կենսաբանական գիտությունների թեկնածուի գիտական աստիճան[3]
2002թ.-ին շնորհվել է դոցենտի գիտական կոչում կենսաբանություն մասնագիտությամբ
Զեկույցներով հանդես է եկել բազմաթիվ տեղական և միջազգային կոնֆերանսներում, եղել է մի շարք միջազգային գիտաժողովների անդամ։
Հրատարակումներ խմբագրել
50 գիտական հոդվածների, բժշկական ինֆորմատիկայի ուսումնամեթոդական ձեռնարկների և 1 գյուտի (արտոնագիր` N1009, 2001թ.) հեղինակ է[4]։
Պարգևներ խմբագրել
2000թ.-ին պարգևատրվել է ԵՊԲՀ ոսկե մեդալով, 2005թ.-ին՝ ԵՊԲՀ 75-ամյակի ոսկե մեդալով, 2014թ.-ին՝ ՀՀ ՊՆ «Գարեգին Նժդեհ» մեդալով[5]։
Ծանոթագրություններ խմբագրել
- ↑ «Ռեկտորատ». ԵՐԵՎԱՆԻ ՄԽԻԹԱՐ ՀԵՐԱՑՈւ ԱՆՎԱՆ ՊԵՏԱԿԱՆ ԲԺՇԿԱԿԱՆ ՀԱՄԱԼՍԱՐԱՆ. Վերցված է 2023 թ․ դեկտեմբերի 29-ին.
- ↑ «Սեյրան Պայքարի Քոչարյան». ԵՐԵՎԱՆԻ ՄԽԻԹԱՐ ՀԵՐԱՑՈւ ԱՆՎԱՆ ՊԵՏԱԿԱՆ ԲԺՇԿԱԿԱՆ ՀԱՄԱԼՍԱՐԱՆ. Վերցված է 2023 թ․ դեկտեմբերի 29-ին.
- ↑ «Supreme Certifying Committee». bok.am. 2000 թ․ դեկտեմբերի 6. Վերցված է 2023 թ․ դեկտեմբերի 29-ին.
- ↑ «Սեյրան Քոչարյան | ԵՊԲՀ ֆեյսբուքյան էջ». www.facebook.com. Վերցված է 2023 թ․ դեկտեմբերի 29-ին.
- ↑ «Սեյրան Պայքարի Քոչարյան | ՊԱՐԳԵՎՆԵՐ». ԵՐԵՎԱՆԻ ՄԽԻԹԱՐ ՀԵՐԱՑՈւ ԱՆՎԱՆ ՊԵՏԱԿԱՆ ԲԺՇԿԱԿԱՆ ՀԱՄԱԼՍԱՐԱՆ. Վերցված է 2023 թ․ դեկտեմբերի 29-ին.