Սան Խուան ամրոց (Բլանես)
Սան Խուան ամրոց (իսպ.՝ Castillo de San Juan, կատ.՝ castell de Sant Joan), պաշտպանական կառույց Իսպանիայի հյուսիս-արևելքում՝ Կատալոնիայի ինքնավար մարզի Ժիրոնա պրովինցիայի Բլանես քաղաքում[2]։ 1988 թվականի նոյեմբերի 8-ին Իսպանիայի մշակույթի նախարարության կողմից Սան Խուան ամրոցն ընդգրկվել է Իսպանիայի պատմամշակութային արժեք ունեցող հուշարձանների ցանկի մեջ՝ RI-51-0005812 գրանցման համարի տակ:
_05.JPG) Նկարագրություն | |
| Տեսակ | դղյակ |
| Վարչական միավոր | Բլանես[1] |
| Երկիր |  Իսպանիա[1] |
| Կառուցված | 13-րդ դար |
| Կառուցող | վիկոնտ Գրաու դե Կաբրերա |
| Ճարտարապետական ոճ | ռոմանական ճարտարապետություն |
 | |
 | |
 Castell de Sant Joan de Blanes Վիքիպահեստում | |
Պատմություն
խմբագրելՍան Խուան ամրոցը տեղակայված է լեռան վրա՝ Լլորետ և Ֆենալս ծովափերի միջև։ Ամրոցն այդ տարածաշրջանի ամենահին շինությունն է. կառուցվել է հին հռոմեական ամրոցի ավերակների վրա վիկոնտ Գրաու դե Կաբրերայի հրամանով 13-րդ դարի կեսերին[3]։ Տեղակայված լինելով ծովի մակարդակից 173 մետր բարձրության վրա՝ Սան Խուան ամրոցն ապահովել է քաղաքի պաշտպանությունը ծովահենների նավերի հարձակումներից ու օտար նվաճողների ներխուժումից։ 16-րդ դարում, երբ ծովահեններնն առավել շատ էին հարձակվում ամրոցի վրա, որոշում է ընդունվել ամրոցի պատերից մեկի վրա կառուցել Պահակային աշտարակ։ Որոշ ժամանակ անց՝ նույն 16-րդ դարում, ամրոցը դարձել է իսպանացի ռազմական դիվանագետ Ֆրանչեսկո Մոնտսադի սեփականությունը։
Ամրոցի գոյության ընթացքում նրա որոշ հատվածներ ավերվել են։ Ավերված կառույցների մի մասը հաջողվել է վերականգնել իրենց նախնական տեսքով, իսկ Պահակային աշտարակը մնացել է գրեթե անվնաս։
Ներկայում Սան Խուան ամրոցը զբոսաշրջային կենտրոն է։ Նրա տարածքում գործում է թանգարան, որտեղ ներկայացված են շրջակա բնակավայրերի պատմությանը նվիրված ցուցանմուշներ[3]։
1949 թվականին Սան Խուան ամրոցն ստացել է ազգային պատմական հուշարձանի կարգավիճակ։
Ծանոթագրություններ
խմբագրել- ↑ 1,0 1,1 Wiki Loves Monuments monuments database — 2017.
- ↑ Direcció General del Patrimoni Cultural de la Generalitat de Catalunya (ed.). «Castell de Sant Joan de Blanes». Inventari del Patrimoni Arquitectònic. Վերցված է 19 հունվարի, 2016-ին.
- ↑ 3,0 3,1 «Սան Խուան ամրոց. լուսանկարներ, նկարագրություն». votpusk.ru. Վերցված է 22 սեպտեմբերի, 2016-ին. (ռուս.)
Գրականություն
խմբագրել- Catalunya Romànica,vol. V El Gironès, La Selva i el Pla de l'Estany. Barcelona: Enciclopèdia Catalana, 1991, p. 271 a 272. ISBN 84-7739-262-5.
Արտաքին հղումներ
խմբագրել- Document castell de Blanes a Castells Catalans
- Consell Comarcal de la Selva (ed.). «Castell de Sant Joan de Blanes». Patrimoni de la Selva.
- Direcció General del Patrimoni Cultural de la Generalitat de Catalunya (ed.). «Castell de Sant Joan de Blanes». Pat.mapa: Jaciments.(չաշխատող հղում)
 | Վիքիպահեստն ունի նյութեր, որոնք վերաբերում են «Սան Խուան ամրոց (Բլանես)» հոդվածին։ |