Սան Դիեգոյի արվեստի թանգարան
Սան Դիեգոյի արվեստի թանգարան (անգլ.՝ San Diego Museum of Art, կրճատ SDMA), թանգարան ԱՄՆ-ի Սան Դիեգո քաղաքում, որը գտնվում է Balboa Park այգում[3]։ Թանգարանի հավաքածուն ներառում է 5-րդ հազարամյակից մինչ օրս ցուցադրված ցուցանմուշներ։ Ամեն տարի թանգարան է այցելում է մոտ կես միլիոն մարդ։
Սան Դիեգոյի արվեստի թանգարան | |
|---|---|
 | |
 | |
| Տեսակ | պատկերասրահ |
| Երկիր |  ԱՄՆ |
| Տեղագրություն | Սան Դիեգո |
| Վայր | Balboa Park? |
| Ղեկավարության նստավայր | Սան Դիեգո, Կալիֆոռնիա, ԱՄՆ |
| Հասցե | 1450 El Prado, Balboa Park, San Diego, CA 92101[1] |
| Հիմնադրվել է | 1926[2] |
| Տնօրեն | Reginald Poland?[2] |
| Կայք | sdmart.org(անգլ.) |
 | |
 | |
Բացվել է 1926 թվականի փետրվարի 28- ին, որպես Կերպարվեստի պատկերասրահ (անգլ.՝ Fine Arts Gallery), ներկայիս անվանումը կրում է 1978 թվականից։ Թանգարանի շենքը նախագծվել է ճարտարապետներ Ուիլյամ Ջոնսոնի[4] (անգլ.՝ William Templeton Johnson) և Ռոբերտ Սնայդերի (անգլ.՝ Robert W. Snyder) կողմից՝ պլատերեսկոյի ոճով, որպեսզի ներդաշնակեցվի 1915 թվականի Պանամո-Կալիֆոռնիական ցուցահանդեսի մյուս շենքերի հետ։ Դոմինանտ ճակատը խիստ զարդարված դուռ է, որը ոգեշնչված է Սալամանկայի համալսարանի դռան բացվածքով։
Վալյադոլիդի տաճարը ազդել է արտաքին դիզայնի վրա, իսկ շենքի ինտերիերն ունի Իսպանիայի Տոլեդո քաղաքի Սանտա Կրուս (անգլ.՝ Santa Cruz Hospital) հիվանդանոցի մոտիվներ։ Շենքի կառուցման համար երկու տարի է պահանջվել։ Հովանավոր Էփլթոն Բրիջեսն (անգլ.՝ Appleton S. Bridges) այս շենքը նվիրել է քաղաքին շինարարության ավարտից հետո։ 1966 թվականին շենքին ավելացվել է արևմտյան թևը, իսկ 1974 թվականին՝ արևելյան թևը, ինչը զգալիորեն ավելացրել է ցուցահանդեսային տարածքը։ Ներկայումս մշակվում են թանգարանային համալիրի վերակառուցման ծրագրեր։
Ամեն ապրիլ ամսին, սկսած 1981 թվականից, Սան Դիեգոյի արվեստի թանգարանում անցկացվում է «կենդանի արվեստ» (անգլ.՝ «Art Alive») ցուցահանդես-ներկայացումը, երբ ծաղկի դիզայներները օգտագործում են ծաղիկներ և այլ օրգանական նյութեր[5][6]։
Ծանոթագրություններ խմբագրել
- ↑ https://www.sdmart.org/directions-parking/
- ↑ 2,0 2,1 https://www.sdmart.org/mission-history/
- ↑ San Diego Museum of Art (անգլ.)
- ↑ William Templeton Johnson Արխիվացված 2015-06-23 Wayback Machine (անգլ.)
- ↑ Annual Art Alive Floral Displays Honor Balboa Park Centennial (անգլ.)
- ↑ Art Alive blooms in Balboa Park (անգլ.)
Արտաքին հղումներ խմբագրել
- Պաշտոնական կայքէջ (անգլ.)
- The San Diego Museum of Art Արխիվացված 2020-03-23 Wayback Machine (անգլ.)
 | Վիքիպահեստն ունի նյութեր, որոնք վերաբերում են «Սան Դիեգոյի արվեստի թանգարան» հոդվածին։ |