Սամվել Վլադիմիրի Սարգսյան
Անվան այլ կիրառումների համար տե՛ս՝ Սամվել Սարգսյան (այլ կիրառումներ)
Սամվել Վլադիմիրի Սարգսյան (սեպտեմբերի 1, 1957, Երևան, Հայկական ԽՍՀ, ԽՍՀՄ - նոյեմբերի 27, 2020, Երևան, Հայաստան[1]), մեխանիկոս։ Ֆիզմաթ գիտությունների դոկտոր[2] (1997), պրոֆեսոր (2000)։ Տեսական և կիրառական մեխանիկայի հայկական ազգային կոմիտեի անդամ (1997):
Վլադիմիր Սարգսյանի որդին է։
| Սամվել Վլադիմիրի Սարգսյան | |
|---|---|
| Ծնվել է | սեպտեմբերի 1, 1957 |
| Ծննդավայր | Երևան, Հայկական ԽՍՀ, ԽՍՀՄ |
| Մահացել է | նոյեմբերի 27, 2020 (63 տարեկան) |
| Մահվան վայր | Երևան, Հայաստան |
| Քաղաքացիություն |  Հայաստան |
| Կրթություն | Երևանի պետական համալսարան |
| Գիտական աստիճան | ֆիզիկամաթեմատիկական գիտությունների դոկտոր (1997) և պրոֆեսոր (2000) |
| Մասնագիտություն | մեխանիկոս |
| Աշխատավայր | Երևանի պետական համալսարան |
| Ծնողներ | հայր՝ Վլադիմիր Սարգսյան |
Կենսագրություն խմբագրել
1974-1979 թվականներին սովորել և ավարտել է Երևանի պետական համալսարանի մեխանիկամաթեմատիկական ֆակուլտետը, 1979-1982 թվականներին եղել է ԵՊՀ հոծ միջավայրի մեխանիկայի ամբիոնի ասպիրանտ։ 1981 թվականից աշխատել է ԵՊՀ-ում։ 1983 թվականին ԵՊՀ-ում պաշտպանել է թեկնածուական ատենախոսություն՝ «Магнитоупругие колебания и волны в пластинах с учетом поперечных сдвигов» թեմայով, 1997 թվականին ՀՀ ԳԱԱ Մեխանիկայի ինստիտուտում դոկտոր ատենախոսություն՝ «Динамические задачи электропроводящих пластин в сильных магнитных полях» թեմայով։
1982-1986 թվականներին եղել է ԵՊՀ հոծ միջավայրի մեխանիկայի ամբիոնի ասիստենտ, 1986-2000 թվականներին՝ ԵՊՀ հոծ միջավայրի մեխանիկայի ամբիոնի դոցենտ, 2000 թվականից եղել է ԵՊՀ մեխանիկայի ամբիոնի պրոֆեսոր, 2000-2001, 2005-2007 թվականներին՝ ԵՊՀ հոծ միջավայրի մեխանիկայի ամբիոնի վարիչ, 2007-2020 թվականներին՝ ԵՊՀ մեխանիկայի ամբիոնի վարիչ[1], 2012–2020 թվականներին՝ ԵՊՀ «Մեխանիկայի տեսական հարցեր և կիրառություններ» ծրագրի գիտական լաբորատորիայի ղեկավար։
Աշխատանքները վերաբերում են դեֆորմացվող պինդ մարմնի մեխանիկային, սալերի և թաղանթների տեսության դինամիկական խնդիրներին, բարակապատ մարմինների մագնիսա-առաձգականության տեսությանը[3]։
Անդամակցություն խմբագրել
- Հայաստանի տեսական և կիրառական մեխանիկայի ազգային կոմիտեի անդամ,
- ՀՀ ԳԱԱ «Մեխանիկա» և «ԵՊՀ գիտական տեղեկագիր» ամսագրերի խմբագրական կոլեգիայի անդամ,
- ՀՀ ԲՈՀ-ի 047 մասնագիտական խորհրդի անդամ,
- ԵՊՀ մաթեմատիկայի և մեխանիկայի ֆակուլտետի գիտական խորհրդի անդամ,
- ԵՊՀ գիտական խորհրդի անդամ։
Ծանոթագրություններ խմբագրել
- ↑ 1,0 1,1 Մահացել է Սամվել Սարգսյանը
- ↑ Սարգսյան Սամվել Վլադիմիրի, Ֆիզիկամաթեմատիկականգիտությունների դոկտոր
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
Աղբյուրներ խմբագրել
 | Վիքիդարանն ունի նյութեր, որոնք վերաբերում են «Սամվել Վլադիմիրի Սարգսյան» հոդվածին։ |