Ռուկավիշնիկովի տուն
Ռուկավիշնիկովի տուն (ռուս.՝ Дом Рукавишникова), XIX դարի առանձնատուն Մոսկվայում։ Հասցեն` Բոլշայա Նիկիտսկայա փողոց, տուն 41։
Տեսակ | տեսարժան վայր |
---|---|
Երկիր | Ռուսաստան |
Տեղագրություն | Մոսկվա |
Պատմություն խմբագրել
Տնատիրության տիրապետման պատմությունը սկսվում է XVIII դարի կեսերից. Բեզսոնովների դաստակերտի մեծ հողատարածքում 1757 թվականի հատակագծում պատկերված է կիսանկուղով մեկհարկանի քարե ապարանք։ 1812 թվականի հրդեհից փրկված տունը 1830 թվականին պետական խորհրդական Ն. Ա. Սիմոնովի դուստրը վերնակառուցել է կիսահարկով։ 1876 թվականին հողակտորը հերթական անգամ բաժանվել է. նրա արևմտյան մասը տիրուհին` կոլեգիալ քարտուղար Ե. Դ. Վիկուլինի կինը, վաճառել է Ռուկավիշնիկովների վաճառականների տոհմի հիմնադիր Վասիլի Նիկիտիչ Ռուկավիշնիկովին։ Հողամասը ձևակերպվել է նրա կնոջ` Ելենա Կուզմինիչնայի անունով, որը նույն թվականին Ա. Ս. Կամինսկու նախագծով տունը վերակառուցելու վերաբերյալ խնդրագիր է ներկայացրել։ Վերնակառուցելով երկրորդ հարկը և հյուսիսային կողմից կցակառուցելով ելուն` Կամինսկին նաև էապես փոխել է ճակատի ճարտարապետական դիմագիծը «իրեն բնորոշ էկլեկտիկ ձևով` օգտագործելով մոսկովյան նեոբարոկկոյի թեմաներ»։
Այստեղ ապրած Կ. Վ. Ռուկավիշնիկովը հաճախ անցկացնում էր Ռուսական երաժշտական ընկերության վարչության մոսկովյան բաժանմունքի ժողովներ։
Ռուս-ճապոնական պատերազմի ժամանակ ամբողջ երկրորդ հարկը վերածվել է վիրաբուժական հիվանդանոցի, որը հետագայում վերակահավորվել է «Ե. Ն. Ռուկավիշնիկովայի վիրաբուժարանի»[1]։
Խորհրդային տարիներին տունը մինչև 1960 թվականը եղել է Մոսկվայի առողջապահության բաժնի վարույթում, այնուհետև հանձնվել է դիվանագիտական ներկայացուցչություններին։ Այժմ այստեղ է գտնվում Մյանմայի դեսպանությունը։
Ծանոթագրություններ խմբագրել
- ↑ Եվդոկիա Նիկոլաևնա Ռուկավիշնիկովան (օրիորդական ազգանունը` Մամոնտովա) եղել է Կ. Վ. Ռուկավիշնիկովի կինը։
Աղբյուրներ խմբագրել
- Никифоров А. С. Дом Рукавишниковых // Московский журнал. — 2015. — № 10. — С. 52—55. — ISSN 0868-7110.