Վիքիպեդիա

Ռութ Հումբել

շվեյցարացի քաղաքական գործիչ

Ռութ Հումբել (գերմ.՝ Ruth Humbel, հուլիսի 23, 1957(1957-07-23), Բադեն (Շվեյցարիա), Արգաու, Շվեյցարիա[1]), շվեյցարացի քաղաքական գործիչ (Շվեյցարիայի Քրիստոնեա-դեմոկրատական ժողովրդական կուսակցություն), Շվեյցարիայի դաշնային ժողովի անդամ։ Երեք անգամ (1978, 1981 և 1985 թվականներին) դարձել է բրոնզե մեդալակիր սպորտային  կողմնորոշման էստաֆետի աշխարհի առաջնությունում։

Ռութ Հումբել
շվեյց. գերմ.՝ Ruth Humbel
Դիմանկար
Ծնվել էհուլիսի 23, 1957(1957-07-23) (66 տարեկան)
ԾննդավայրԲադեն (Շվեյցարիա), Արգաու, Շվեյցարիա
Քաղաքացիություն Շվեյցարիա
Մասնագիտությունքաղաքական գործիչ և orienteer
Զբաղեցրած պաշտոններՇվեյցարիայի ազգային խորհրդի անդամ
ԿուսակցությունCVP/PDC/PPD?
Կայքruthhumbel.ch
 Ruth Humbel Näf Վիքիպահեստում

Անձնական կյանք խմբագրել

Ռութն իր ընտանիքի հետ ապրում է Շվեյցարիայի քաղաքում[1]։ Ամուսնացած է պատմաբան դոկտոր Բիթ Նյոֆի հետ։ Ունի երկու երեխա՝ Ֆլավիան (ծն.՝ 1991) և Ֆաբիան (ծն.՝ 1994)[2]։ Ամուսնությունից հետո նա փոխել է իր ազգանունը՝ դառնալով Հումբել Նյոֆ։

Սպորտային կարիերա խմբագրել

Հումբելը 5 անգամ դարձել է սպորտային կողմնորոշման Շվեյցարիայի չեմպիոն։ 1975-1987 թվականներին եղել է երկրի ազգային հավաքականի անդամ, յոթ անգամ մասնակցել է աշխարհի առաջնություններին[2]։

1976 թվականին Շոտլանդիայի Ավիմոր (Aviemore) քաղաքում անցկացված աշխարհի առաջնությունում անհատական մրցատարածությունում զբաղեցրել է 19-րդ տեղը[3]։ Երկու տարի անց Կոնգսբերգում կայացած հաջորդ առաջնությունում Հումբելը հանդես է եկել անհատական մրցատարածությունում, որտեղ փոխանցումավազքում 13-րդն է եղել։ Բրոնզե մեդալը համառ պայքարում նվաճել է Շվեյցարիայի հավաքականը՝ զիջելով Ֆինլանդիայի ու Շվեդիայի հավաքականներին ու ընդամենը երկու վայրկյան առաջ անցնելով Նորվեգիայի ընտրանուց։ Ռութ Հումբելի կողքին էստաֆետային թիմում վազել են Ռութ Բաումբերգերը (առաջին փուլում) և Հաննի Ֆրայսը (եզրափակիչ երրորդ փուլում)[4]։

 
Ռութ Հումբելը 2010 թվականի վետերանների աշխարհի առաջնությունում։ Սպրինտում հաղթողների և մրցանակակիրների պարգևատրումը

1979 թվականին Ֆինլանդիայի Տամպերե քաղաքում կայացած աշխարհի առաջնությունում Հումբելը 25-րդն է եղել անհատական մրցատարածությունում և զբաղեցրել է հինգերորդ տեղը թիմային փոխանցումավազքում[5]։

1981 թվականի աշխարհի առաջնությունը կայացել է Շվեյցարիայի Թուն քաղաքում՝ Հումբելի հայրենիքում։ Այստեղ Հումբելն անհատական մրցատարածությունում ցույց է տվել աշխարհի առաջնությունում իր լավագույն արդյունքը՝ գրավելով չորրորդ տեղը։ Շվեյցարիայի կանանց փոխանցումավազքի թիմը (Ռութ Շմիդտ, Անելիս Մայեր, Իրենա Բուխեր և Ռութ Հումբել) զբաղեցրել է երրորդ տեղը՝ զիջելով Շվեդիային և Ֆինլանդիային[6]։

Հունգարիայում, 1983 թվականի առաջնությունում, նա ցույց է տվել 31-րդ արդյունքը անհատական տարածությունում և գրավել հինգերորդ տեղը փոխանցումավազքում[7]։ Երկու տարի անց ավստրալական Բենդիգոյում գրավել է 28-րդ տեղը անհատական ծրագրում և նվաճել բրոնզ փոխանցումավազքի թիմի կազմում[8]։ Վերջին անգամ աշխարհի առաջնությունում հանդես է եկել 1987 թվականին, երբ աշխարհի առաջնությունն անցկացվել է Ֆրանսիայում։ Ռութ Հումբելը զբաղեցրել է 18-րդ տեղը անհատական ծրագրում և վեցերորդ տեղը փոխանցումավազքում[9]։

Մասնակցել է վետերանների խմբի սպորտային կողմնորոշման մրցումներին[2]։

Հաղթել է W50 խմբի 2010 թվականի վետերանների աշխարհի առաջնությունում ինչպես երկար տարածություններում[10], այնպես էլ սպրինտում[11]։

Քաղաքական կարիերա խմբագրել

1978-1981 թվականներին աշխատել է որպես տարրական դպրոցի ուսուցիչ։ 1982-1987 թվականներին սովորել է Ցյուրիխի համալսարանի իրավագիտության ֆակուլտետում։ 1981-2003 թվականներին Ռութ Հումբելը եղել է Արգաու կանտոնի (գերմ.՝ Kantonsparlament) խորհրդարանի անդամ (գերմ.՝ Grossrätin)։ 2003 թվականին ընտրվել է Շվեյցարիայի Ազգային խորհրդի անդամ (Շվեյցարիայի խորհրդարանի ստորին պալատ) և կրկին վերընտրվել 2007 թվականին։ Ազգային խորհրդում ներկայացրել է Արգաու կանտոնը և Շվեյցարիայի Քրիստոնեա-դեմոկրատական ժողովրդական կուսակցությունը, եղել է Սոցիալական ապահովության և առողջապահության հանձնաժողովի (գերմ.՝ Kommission für soziale Sicherheit und Gesundheit) և Պետական քաղաքական հանձնաժողովի անդամ (Staatspolitische Kommissionen)[2]։

Ծանոթագրություններ խմբագրել

  1. ↑ 1,0 1,1 (գերմաներեն) http://www.parlament.ch/D/Suche/Seiten/biografie.aspx?biografie_id=1071. Արխիվացված օրիգինալից 2011 թ․ փետրվարի 23-ին. Վերցված է 2010 թ․ օգոստոսի 24-ին. {{cite web}}: Missing or empty |title= (օգնություն); Unknown parameter |Բիրմենստորֆtitle= ignored (օգնություն)
  2. ↑ 2,0 2,1 2,2 2,3 «Ruth Humbel, CVP Nationalrätin Aargau - Mein Porträt» (գերմաներեն). Արխիվացված է օրիգինալից 2011 թ․ փետրվարի 23-ին. Վերցված է 2010 թ․ օգոստոսի 24-ին.
  3. ↑ «WOC 1976 GBR. Aviemore, Great Britain, 24–26 September 1976». IOF. Արխիվացված օրիգինալից 2011 թ․ փետրվարի 23-ին. Վերցված է 2011 թ․ փետրվարի 11-ին.
  4. ↑ «WOC 1978 NOR. Kongsberg, Norway, 15–17 September 1978». IOF. Արխիվացված օրիգինալից 2011 թ․ փետրվարի 23-ին. Վերցված է 2011 թ․ փետրվարի 11-ին.
  5. ↑ «WOC 1979 FIN. Tampere, Finland, 2–4 September 1979». IOF. Արխիվացված օրիգինալից 2011 թ․ փետրվարի 23-ին. Վերցված է 2011 թ․ փետրվարի 11-ին.
  6. ↑ «WOC 1981 SUI. Thun, Switzerland, 4–6 September 1981». IOF. Արխիվացված օրիգինալից 2011 թ․ փետրվարի 23-ին. Վերցված է 2011 թ․ փետրվարի 11-ին.
  7. ↑ «WOC 1983 HUN. Zalaegerszeg, Hungary, 1–4 September 1983». IOF. Արխիվացված օրիգինալից 2011 թ․ փետրվարի 23-ին. Վերցված է 2011 թ․ փետրվարի 11-ին.
  8. ↑ «WOC 1985 AUS. Bendigo, Australia, 4–6 September 1985». IOF. Արխիվացված օրիգինալից 2011 թ․ փետրվարի 23-ին. Վերցված է 2011 թ․ փետրվարի 11-ին.
  9. ↑ «WOC 1987 FRA. Gerardmer, France, 3–5 September 1987». IOF. Արխիվացված օրիգինալից 2011 թ․ փետրվարի 23-ին. Վերցված է 2011 թ․ փետրվարի 11-ին.
  10. ↑ «WMOC 2010 Long Final. W50A» (անգլերեն) — результаты соревнований. Արխիվացված օրիգինալից 2011 թ․ փետրվարի 23-ին. Վերցված է 2010 թ․ սեպտեմբերի 6-ին.
  11. ↑ «WMOC 2010 Sprint Final. W50-A» (անգլերեն) — результаты соревнований. Արխիվացված օրիգինալից 2011 թ․ փետրվարի 23-ին. Վերցված է 2010 թ․ սեպտեմբերի 6-ին.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Ռութ Հումբել» հոդվածին։
Ստացված է «https://hy.wikipedia.org/w/index.php?title=Ռութ_Հումբել&oldid=9793392» էջից