Ռոմանոս Միշվիլյան
Ռոմանոս Հովհաննեսի Միշվիլյան, (մարտի 5, 1845[1], Ղզլար, Kizlyarsky Otdel, Թերեքի մարզ, Ռուսական կայսրություն[1] - սեպտեմբերի 26, 1923[1], Ղզլար, Kizlyarsky Otdel, Թերեքի մարզ, Խորհրդային Ռուսաստան[1]), հայ բժիշկ, հասարակական գործիչ։ Բժշկական գիտությունների դոկտոր (1891)։
Ծնվել է | մարտի 5, 1845[1] |
---|---|
Ծննդավայր | Ղզլար, Kizlyarsky Otdel, Թերեքի մարզ, Ռուսական կայսրություն[1] |
Մահացել է | սեպտեմբերի 26, 1923[1] (78 տարեկան) |
Մահվան վայր | Ղզլար, Kizlyarsky Otdel, Թերեքի մարզ, Խորհրդային Ռուսաստան[1] |
Քաղաքացիություն | Ռուսական կայսրություն և Խորհրդային Ռուսաստան |
Ազգություն | հայ |
Կրթություն | Կայսերական բժշկա-վիրաբուժական ակադեմիա (1870)[1] |
Մասնագիտություն | բժիշկ և հասարակական գործիչ |
Գիտական աստիճան | բժշկական գիտությունների դոկտոր[1] (1891) |
Կենսագրություն խմբագրել
Ավարտել է Պետերբուրգի կայսերական բժշկավիրաբուժական ակադեմիան (1870) և աշխատել որպես զինվորական բժիշկ։ 1880 թվականին եղել է Խասնավյուրտի զինվորական հոսպիտալի, ապա՝ Ղզլարի զինվորական գնդի բժիշկ, 1886-1896 թվականներին՝ Ղզլարի զինվորական հոսպիտալի գլխավոր, 1896 թվականին՝ 2-րդ կազակային կամավոր դիվիզիայի բժիշկ։ 1898 թվականին պաշտոնաթող է եղել որպես պետ․ խորհրդական։ Միշվիլյանի և Ա․ Սուլթանշահի նախաձեռնությամբ 1908 թվականին Ղզլարում բացվել է հիվանդանոց, որը նա գլխավորել է ավելի քան 15 տարի։ 1909 թվականից եղել է հայկական երկսեռ դպրոցների հոգաբարձու և օրիորդաց գիմնազիայի հոգաբարձական խորհրդի նախագահը։ Միշվիլյանին հատուկ անկյուն է հատկացված Ղզլարի հայրենագիտական թանգարանում։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 565)։ |