Ռոզ Պատմագրյան
Ռոզ Պատմագրյան (մոտ 1900, Թավրիզ, Իրան - օգոստոսի 25, 1959, Փարիզ), հայ երգչուհի։ Սփյուռքահայ երաժշտական գործիչ, խմբավար, մանկավարժ, կոմպոզիտոր Աշոտ Պատմագրյանի կինը։
| Ռոզ Պատմագրյան | |
|---|---|
 | |
| Հիմնական տվյալներ | |
| Ծնվել է | մոտ 1900 Թավրիզ, Իրան |
| Մահացել է | օգոստոսի 25, 1959 Փարիզ |
| Մասնագիտություն | երգչուհի |
| Կրթություն | Հովնանյան դպրոց և Սանկտ Պետերբուրգի կոնսերվատորիա |
| Ամուսին | Աշոտ Պատմագրյան |
Կենսագրություն խմբագրել
Ռոզ Պատմագրյանը ծնվել է մոտ 1900 թվականին Թավրիզում (Պարսկաստան)։ Առաջին համաշխարհային պատերազմի ժամանակ՝ 1914 թվականին, ծնողների հետ գաղթել է Թիֆլիս, որտեղ սովորել է Հովնանյան դպրոցում, միաժամանակ երգեցողության դասեր առել կոնսերվատորիայի վոկալ բաժնում։
1921 թվականին ընդունվել է Պետրոգրադի կոնսերվատորիան (ներկայում՝ Սանկտ Պետերբուրգ, պրոֆ. Երշովի դասարան), ավարտելուց հետո վերադարձել է Թիֆլիս։
1925 թվականին ամուսնու հետ բնակություն է հաստատել Փարիզում։ Առաջին անգամ ելույթ է ունեցել 1926 թվականին «Սառա Բեռնար» համեգասրահում, որտեղ հետագայում կատարել է Լ. վան Բեթհովենի 9-րդ սիմֆոնիայի, Վ. Ա. Մոցարտի Ռեքվիեմի սոպրանոյի երգամասերը, նաև Պ. Ի. Չայկովսկու, Մ. Պ. Մուսորգսկու ստեղծագործությունները։
Փարիզում՝ Ֆ. Ի. Շալյապինի հիմնադրած Ռուսական օպերայում, Պետրոգրադի և Մոսկվայի վտարանդի լավագույն երգիչ-երգչուհիների հետ հանդես գալու հրավեր է ստացել նաև Ռոզ Պատմագորյանը։ Նա ամուսնու՝ Աշոտ Պատմագրյանի հետ եղել է հայ երգարվեստը ներկայացնող ու տարածողներից ոչ միայն ֆրանսահայ իրականության մեջ, այլև ողջ Սփյուռքում։
Ռոզ Պատմագրյանը մահացել է 1959 թվականի օգոստոսի 25-ին Փարիզում։
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|