Ռոզինա Անսելմի

Ռոզինա Անսելմի (իտալ.՝ Rosina Anselmi, սից.՝ Rusina Anselmi, հուլիսի 26, 1880(1880-07-26), Կալտաջիրոնե, Կատանիա, Սիցիլիա, Իտալիայի թագավորություն - մայիսի 23, 1965(1965-05-23), Կատանիա, Սիցիլիա, Իտալիա), թատրոնի և կինոյի իտալացի (սիցիլիացի) դերասանուհի։

Ռոզինա Անսելմի իտալ.՝ Rosina Anselmi
Ծնվել է	հուլիսի 26, 1880(1880-07-26)
Ծննդավայր	Կալտաջիրոնե, Կատանիա, Սիցիլիա, Իտալիայի թագավորություն
Մահացել է	մայիսի 23, 1965(1965-05-23) (84 տարեկան)
Մահվան վայր	Կատանիա, Սիցիլիա, Իտալիա
Քաղաքացիություն	Իտալիա և  Իտալիայի թագավորություն
Մասնագիտություն	դերասանուհի, թատրոնի դերասանուհի և կինոդերասանուհի

Կենսագրություն

Ռոզինա Անսելմին ծնվել է Իտալիայի Թագավորության Կալտաջիրոնե կոմունայում 1880 թվականին՝ դերասաններ Ալեքսանդրո Անսելմիի և Ֆրանչեսկա Կվինտավալլայի ընտանիքում։ Երիտասարդ տարիքից խաղացել է Սիցիլիայի բարբառային թատրոնի կոմեդիաներում։ 1905 թվականին միացել է Նինո Մարտոլյոյի թատերախմբին, որի հետ շրջագայել է ԱՄՆ-ում, ելույթ ունեցել Իտալիայից մեկնած գաղթականների համար, մասնավորապես՝ սիցիլիացիների։ Որոշ ժամանակ խաղացել է Միմի Ագուլյայի հետ։ 1910 թվականին վերադարձել է հայրենիք։ Դերասան Անջելո Մուսկոյի հետ մշտական հիմունքներով համագործակցությունը սկսել է 1914 թվականին և տևել մինչև նրա մահը։ Ռոզինան առաջին դերասանուհին էր, որին նա վերցրեց իր թատերախումբ։ Այն ժամանակ Ռոզինա Անսելմիի կոմեդիական տաղանդն ընդունվեց քննադատների և հանդիսատեսի կողմից։

1916 թվականին հանդես է եկել ռեժիսոր Ռաֆայել Կոզենտինոյի «Քեզ համար, սեր» համր ֆիլմում, 1934 թվականին՝ ռեժիսոր Ամլետո Պալերմիի «Բարեհոգի քեռու ժառանգությունը» հնչյունային ֆիլմում»։ 1930-ական թվականներին ակտիվորեն հանդես է եկել ֆիլմերում, ինչպես նաև խաղացել է թատրոնում։

Անջելո Մուսկոյի մահից հետո 1937 թվականին դերասանուհին Միքելե Աբրուցցոյի, Թուրի Պանդոլֆինի և Ջովաննի Գրասսոյի հետ հիմնել է թատերախումբ, մասնակցել Իտալական հեռարձակման գործակալության ռադիոհաղորդումներին, այնուհետև՝ իտալական ռադիոյի և հեռուստատեսության հաղորդումներին։ Հեռուստատեսության հայտնվելուց հետո նկարվել է մի շարք հեռուստատեսային ծրագրերում և հեռուստատեսային կատակերգական ֆիլմերում։ 1952 թվականին դարձել է Կատանիայի Ստաբիլե թատրոնի (իտալ.՝ Teatro Stabile di Catania) հիմնադիրներից։

Ռոզինա Անսելմին ամուսնացել է դերասան Լինդորո Կոլոմբոյի հետ։ Խաղացել է մինչև ութսուն տարեկան։ Մահացել է Կատանիայում 1965 թվականի մայիսի 23-ին։

Ֆիլմագրություն

Տարի	Ֆիլմ	Ռեժիսոր	Դեր
1916	«Քեզ համար, սեր» իտալ.՝ Per te, amore!	Ռաֆայելե Կոզենտինո
1917	«Սուրբ Հովհաննեսի գլխատումը» իտալ.՝ San Giovanni decollato	Տելեմակո Ռուջերի
1934	«Բարեհոգի քեռու ժառանգությունը» իտալ.՝ L'eredità dello zio buonanima	Ամլետո Պալերմի	Մարիանտոնիա
	«Խնամախոս» իտալ.՝ Paraninfo
1935	«Տարածաշրջանային ոստիկանություն» իտալ.՝ Milizia territoriale	Մարիո Բոնարդ	Էրմինիա
	«Ալդեբարան» իտալ.՝ Aldebaran	Ալեսսանդրո Բլազետտի	Օրսոլինա
	«Լոենգրին» իտալ.՝ Lohengrin	Նունցիո Մալազոմմա	Չեզիրա
	«Մայրցամաքի օդը» իտալ.՝ L'aria del continente	Ջեննարո Ռիգելլի
1936	«Հարուստ թագավորը» իտալ.՝ Re di denari	Էնրիկո Գուացցոնի	Գրացիա Մարինո
1937	«Ինչ-որ բան այն չէ» իտալ.՝ Gatta ci cova	Ջեննարո Ռիգելլի	Անտոնինա Պասկուչի
	«Հույս թող» իտալ.՝ Lasciate ogni speranza		Ֆիլոմենա
	«Սալադինի զայրույթը» իտալ.՝ Il feroce Saladino	Մարիո Բոննարդ	Ամալյա
1938	«Տիկինը ծննդաբերել է» իտալ.՝ L'ha fatto una signora	Մարիո Մատտոլի	Ռոզա Սարդո
1939	«Մարկիզ Ռուվոլիտո» իտալ.՝ Il marchese di Ruvolito	Ռաֆայելո Մատարացցո	Պլաչիդա Չիմոզատա
1942	«Անկայուն տիկին» իտալ.՝ La donna è mobile	Մարիո Մատտոլի	դպրոցի տնօրենի կին

Գրականություն

• Lancia, Enrico. Poppi, Roberto. Dizionario del cinema italiano: testi e strumenti per la scuola e l'università : [итал.]. - Roma : Gremese, 2003. - P. 15–16. - 379 p. - ISBN 978-8-88-440214-1.

Արտաքին հղումներ

• Raffaello Brullo. — Статья о Розине Ансельмо на сайте «Сataniaperte»«Rosina Anselmi». Сataniaperte.com. (իտալ.)
• Donatella Pezzino. — Статья о Розине Ансельмо на сайте «La donna siciliana nella storia e nella poesia»«Rosina Anselmi». Wordpress.com. Արխիվացված է օրիգինալից 2016 թ․ մարտի 4-ին.

Վիքիպահեստն ունի նյութեր, որոնք վերաբերում են «Ռոզինա Անսելմի» հոդվածին։