Ռոզա Բլոխ
Ռոզա Բլոխ-Բոլագ (անգլ.՝ Rosa Bloch-Bollag, հունիսի 30, 1880[1], Ցյուրիխ, Շվեյցարիա[1] - հուլիսի 13, 1922[1], Ցյուրիխ, Շվեյցարիա[1]), շվեյցարացի քաղաքական գործիչ և ակտիվիստ, որը, որպես շվեյցարական սոցիալիստական կուսակցության անդամ, 1918 թվականին արդյունավետորեն ղեկավարել է կանանց ցույցն ընդդեմ պարենային ապրանքների գների բարձրացման։ 1920 թվականին հանդիսացել է Շվեյցարիայի կոմունիստական կուսակցության հիմնադիր անդամներից մեկը[3][4]։
| Ռոզա Բլոխ | |
|---|---|
 | |
| Ծնվել է | հունիսի 30, 1880[1] |
| Ծննդավայր | Ցյուրիխ, Շվեյցարիա[1] |
| Մահացել է | հուլիսի 13, 1922[1] (42 տարեկան) |
| Մահվան վայր | Ցյուրիխ, Շվեյցարիա[1] |
| Քաղաքացիություն |  Շվեյցարիա[1] |
| Մասնագիտություն | քաղաքական գործիչ և խմբագիր |
| Կուսակցություն | Շվեյցարիայի կոմունիստական կուսակցություն[2] և Շվեյցարիայի սոցիալ-դեմոկրատական կուսակցություն[2] |
| Անդամություն | Frauenkommission der Sozialdemokratischen Partei der Schweiz?[2] և Comité d'Olten?[2] |
 Rosa Bloch-Bollag Վիքիպահեստում | |
Կենսագրություն խմբագրել
Ռոզա Բլոխը ծնվել է 1880 թվականի հունիսի 30-ին Ցյուրիխում և հանդիսացել հացահատիկի վաճառական Բերտոլդ Բլոխի և Ջուլի Գուգենհայմի դուստրը։ Դաստիարակվելով աղքատ հրեա վաճառականի ընտանիքում՝ իր անկախությունն ստանալուց հետո (չափահաս դառնալուց հետո) նա աշխատել է որպես ոսկերչական խանութի ներկայացուցիչ։ Սկզբնապես անարխիստ լինելով՝ 1912 թվականին անդամագրվել է սոցիալիստական կուսակցությանը, սակայն հետագայում մարքսիստ դարձել։ . Ապացուցել է, որ հանդիսանում է կին աշխատողների Die Vorkämperin ամսագրի հմուտ խմբագիր և ներկայացրել հոդվածներ, որոնք ոչ միայն քաղաքականապես գրավիչ էին, այլև շատ լավ էին մշակված[3]։
Ամուսնացել է Շվեյցարիայի սոցիալական արխիվի տնօրեն Զիգֆրիդ Բոլագի հետ[3]։
Լինելով խելացի և տաղանդավոր հռետոր՝ 1918 թվականի սկզբին միացել է Օլտենի գործողությունների կոմիտեի ձախ թևին ու ակտիվորեն ներգրավվել կանանց սոցիալիստական շարժման մեջ։ Նույն տարվա հունիսին կանանց արդյունավետ ցույց է կազմակերպել ընդդեմ սննդամթերքի գների բարձրացման ու իր պահանջները ներկայացրել գավառական խորհրդին[3]։
Նույն 1918 թվականին դարձել է Սոցիալիստական կուսակցության կանանց հանձնաժողովի առաջին նախագահը[3][5]։ 1921 թվականին սոցիալիստական կուսակցության փլուզումից հետո մյուս ձախթևայինների հետ դարձել է Կոմունիստական կուսակցության հիմնադիր անդամ[3]։
Ռոզա Բլոխ-Բոլագը մահացել է 1922 թվականի հուլիսի 13-ին Ցյուրիխում, խպիպի վիրահատության ենթարկվելուց հետո[4]։ Նրան հիշում են որպես Շվեյցարիայի բանվորական շարժման ամենաարդյունավետ կանանցից մեկի[3]։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 WeChangEd
- ↑ 2,0 2,1 2,2 2,3 Historische Lexikon der Schweiz, Dictionnaire historique de la Suisse, Dizionario storico della Svizzera (գերմ.) — Bern: 2017.
- ↑ 3,0 3,1 3,2 3,3 3,4 3,5 3,6 «Bloch [-Bollag], Rosa» (German). Historisches Lexikon der Schweiz. 2017 թ․ դեկտեմբերի 8. Վերցված է 2018 թ․ նոյեմբերի 19-ին.
{{cite web}}: CS1 սպաս․ չճանաչված լեզու (link) - ↑ 4,0 4,1 Spillmann, Anna (2018 թ․ նոյեմբերի 16). «Rosa Bloch, militante à facettes multiples» (French). Gauchebdo. Վերցված է 2018 թ․ նոյեմբերի 19-ին.
{{cite web}}: CS1 սպաս․ չճանաչված լեզու (link) - ↑ Rauber, André (2015 թ․ ապրիլի 3). «Héros et héroïnes du mouvement communiste suisse du 20ème siècle» (French). Parti Communiste Genevois. Արխիվացված է օրիգինալից 2017 թ․ հոկտեմբերի 29-ին. Վերցված է 2018 թ․ նոյեմբերի 19-ին.
{{cite web}}: CS1 սպաս․ չճանաչված լեզու (link)
 | Վիքիպահեստն ունի նյութեր, որոնք վերաբերում են «Ռոզա Բլոխ» հոդվածին։ |