Ռոբերտ Քարդաշյան
Ռոբերտ Ջորջ Քարդաշյան (անգլ.՝ Robert George Kardashian, փետրվարի 22, 1944, Լոս Անջելես, Կալիֆոռնիա, ԱՄՆ - սեպտեմբերի 30, 2003, Լոս Անջելես, Կալիֆոռնիա, ԱՄՆ), ամերիկահայ փաստաբան, որը հայտնի է դարձել հայտնի ամերիկյան ֆուտբոլիստ Օ Ջեյ Սիմփսոնի գործը հաղթելով։
| Ռոբերտ Քարդաշյան անգլ.՝ Robert George Kardashian | |
|---|---|
| Ծնվել է | փետրվարի 22, 1944 |
| Ծննդավայր | Լոս Անջելես, Կալիֆոռնիա, ԱՄՆ |
| Մահացել է | սեպտեմբերի 30, 2003 (59 տարեկան) |
| Մահվան վայր | Լոս Անջելես, Կալիֆոռնիա, ԱՄՆ |
| Գերեզման | Ինգլվուդ Պարկ |
| Քաղաքացիություն |  ԱՄՆ |
| Ազգություն | ամերիկահայ |
| Կրթություն | Հարավային Կալիֆոռնիայի համալսարան, Հարավային Կալիֆոռնիայի համալսարանի Մարշալ բիզնեսի դպրոց, Susan Miller Dorsey High School?, University of San Diego School of Law? և Սան Դիեգոյի համալսարան |
| Երկեր | Սիմփսոնի գործ |
| Մասնագիտություն | փաստաբան, ձեռնարկատեր և իրավաբան |
| Ամուսին | Քրիս Ջեններ և Ellen Pierson? |
| Երեխաներ | Քորթնի Քարդաշյան, Քիմ Քարդաշյան, Ռոբ Քարդաշյան և Քլոյի Քարդաշյան |
Կենսագրություն խմբագրել
Ծնվել է Լոս Անջելեսի հաջողակ ձեռներեցների ընտանիքում[1]։ Նրա նախապապն ու մեծ մայրը՝ Սեմ և Հարոմ Քարդաշովները, Կարսի շրջանի հայեր էին, ովքեր գաղթել էին ԱՄՆ։ Նրա ընտանիքը զբաղվում էր մսամթերքի փաթեթավորման բիզնեսով, սակայն նա նախընտրեց դառնալ իրավաբան և 1967 թվականին ստացել է իրավաբանի դոկտորի կոչում Սան Դիեգոյի համալսարանի իրավաբանական դպրոցից։ Նա մոտ 10 տարի աշխատել է իր մասնագիտությամբ, իսկ հետո զբաղվել բիզնեսով։ Նա իրավաբանական գործունեությանը վերադարձավ միայն Օ.Ջեյ Սիմփսոնի գործի մեկնարկից հետո՝ 1995 թվականին։ Մահացել է 2003 թվականի սեպտեմբերի 30-ին, 59 տարեկան հասակում, կերակրափողի քաղցկեղից[2].
Ընտանիքը խմբագրել
1978-ից մինչև 1990 թվականները նա ամուսնացած էր Քրիս Ջեների (Հութոն) հետ, այս ամուսնությունից նրանք ունեցան երեք դուստր՝ Քորթնին, Քիմը և Քլոեն, ինչպես նաև որդի՝ Ռոբերտ Քարդաշյան կրտսերը։ 2007 թվականի հոկտեմբերին՝ Ռոբերտ Քարդաշյանի մահից չորս տարի անց, ամերիկյան «E» հեռուսալիքը թողարկել է «Քարդաշյանների ընտանիքը» ռեալիթի շոուն՝ նրա երեխաների և նախկին կնոջ մասնակցությամբ[3].:
Սիմփսոնի գործը խմբագրել
Քարդաշյանն ու Սիմփսոնն առաջին անգամ հանդիպել են թենիս խաղալիս 1970-ականների սկզբին և մտերիմ ընկերներ են դարձել։ Երբ Սիմփսոնին մեղադրեցին սպանության մեջ, մոտ 20 տարի էր, ինչ Քարդաշյանը վերջին անգամ դատարանում էր, և նրա փաստաբանական արտոնագիրը երեք տարով ժամկետանց էր։ Այնուամենայնիվ, Քարդաշյանը թարմացրեց իր լիցենզիան՝ միանալու Սիմփսոնի գործով աշխատանքին, և Սիմփսոնի նախաձեռնությամբ դարձավ նրա գործի գլխավոր փաստաբանը[1][4]։ Նիկոլ Սիմփսոնի (Օ. Ջ. Սիմփսոնի նախկին կինը) և Ռոնալդ Գոլդմանի (նրա ընկերը) սպանությունից անմիջապես հետո Օ. Ջեյ Սիմփսոնն ապրել է Քարդաշյանների տանը, որտեղից փախել է ոստիկանությունից։ Քարդաշյանին նկատել են Սիմփսոնի պայուսակը կրելիս այն օրը, երբ վերջինս Չիկագոյից ներս է մտել։ Դատախազն օգտագործել է այս փաստը մեղադրող կողմում՝ ենթադրելով, որ Սիմփսոնի վերաբերյալ ապացույցները կարող են լինել ճամպրուկում՝ հագուստ կամ սպանության զենք, սակայն այս մեղադրանքը երբեք չի ապացուցվել, և մի քանի ամիս անց կատարված պայուսակի խուզարկումը նույնպես պարզաբանում չի կատարում գործում[1]։ Ակնկալվում էր, որ Սիմփսոնը ոստիկանություն կներկայանա 1994 թվականի հունիսի 17-ին, սակայն նա չներկայացավ, և Քարդաշյանը հավաքված լրագրողներին կարդաց Սիմփսոնի նամակը լրատվամիջոցներին, որը շատերի կողմից մեկնաբանվեց որպես ինքնասպանության գրություն[4]։
Սիմփսոնի գործի ավարտից որոշ ժամանակ անց Քարդաշյանը բացահայտորեն կասկածներ հայտնեց Սիմփսոնի անմեղության վերաբերյալ, ինչը որոշ ժամանակ բարդացրեց նրա հարաբերությունները ամբաստանյալի հետ[4]։ Այնուամենայնիվ, Քարդաշյանն ու Սիմփսոնը հետագայում նորից մտերմացան, և նրա մահից հետո Սիմփսոնը նշեց. «Ռոբը իմ կողքին էր, երբ ես դրա կարիքն ամենաշատն ունեի»[2]։
Ծանոթագրություններ խմբագրել
- ↑ 1,0 1,1 1,2 «Некролог Роберта Кардашяна в [[The Guardian]], Лондон». Արխիվացված օրիգինալից 2008 թ․ հունվարի 17-ին. Վերցված է 2008 թ․ ապրիլի 23-ին.
- ↑ 2,0 2,1 «CNN Некролог Роберта Кардашяна, 1 октября, 2003 год». Արխիվացված օրիգինալից 2014 թ․ օգոստոսի 15-ին. Վերցված է 2008 թ․ ապրիլի 23-ին.
- ↑ «Eonline: Keeping up with Kardashians». Արխիվացված օրիգինալից 2008 թ․ ապրիլի 23-ին. Վերցված է 2008 թ․ ապրիլի 23-ին.
- ↑ 4,0 4,1 4,2 CourtTV News, Роберт Шмидт, 21 октября 1996 года.
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |