Ռոբերտ Էքհարթ
Ռոբերտ Էքհարթ (գերմ.՝ Robert Ekhart, 1935, Թավրիզ, Իրան - 1994), իրանցի ռեժիսոր, գլխավոր խմբագիր։
 | |
|---|---|
| Ծնվել է | 1935 |
| Ծննդավայր | Թավրիզ, Իրան |
| Մահացել է | 1994 |
| Քաղաքացիություն |  Իրան |
| Մասնագիտացում | կինոռեժիսոր |
| IMDb | ID ID 1037441 |
Կենսագրություն խմբագրել
Էքհարթը ծնվել է Թավրիզում։ Հայրը եղել է գերմանացի, մայրը՝ հայ։ Էքհարթի հայրը Թավրիզում եղել է գործարանի սեփականատեր, որին 1940 թվականի սեպտեմբերին սպանել են Իրանը գրավող դաշնակից զորքերը[1]։
Պատանի տարիքում Էքհարթը մոր հետ տեղափոխվել է Թեհրան և ներգրավել Jahan-e Cinema [Կինոյի աշխարհ ամսագիր] և սկսել է գրել ամենամսյա Setare Cinema-ում [Ֆիլմի աստղ ամսագիր][2]։ 1956 թվականին դարձել է ամսագրի գլխավոր խմբագիր։
Մոր մահից հետո թողել է աշխատանքն ամսագրում և 1958 թվականին տեղափոխվել Գերմանիա, որտեղ սովորել է ռեժիսուրա և աշխատել Բավարիա ֆիլմ ստուդիայում։ 1961 թվականին վերադարձել է Իրան։
Էքհարթը Թեհրանում սկսել է «Villa Movie Studio»-ն և 1962 թվականին Բաբկեն Ավետիսյանի գործադիր-արտադրության ներքո մեկնարկել է իր դեբյուտային «Մեծ քաղաքը» ֆիլմը։ Մինչև 1973 թվականը Էքհարթը նկարահանել է մի շարք ֆիլմեր, այնուհետև կենտրոնացել է օտարալեզու ֆիլմերի ներմուծման և ամբողջ երկրում կինոթատրոնների ստեղծման վրա։ Նրա ֆիլմերից են «Ոսկե ձեռք», «Սիրո ուժը», «Ջունգլիների վայրագություն», «Հարսնացուի գինը» և «Հետևիր մինչև դժոխք»։
1977 թվականին Էքհարթն արտագաղթել է ԱՄՆ և բնակություն հաստատել Լոս Անջելեսում։ Նա մահացել է 1994 թվականի գարնանը` 59 տարեկան հասակում։
Գրականություն խմբագրել
- Armenians And Iranian Cinema. Tehran: Film Museum Of Iran. Summer 2004. էջ 115. ISBN 964-6728-44-8.
Ծանոթագրություններ խմբագրել
- ↑ Sayyed Morteza Sayyed Mohammadi (1999). A Guide To Iranian Cinema Directors 1930-1999. Tehran: Simroo Publishing House. էջ 40. ISBN 964-5685-35-4.
- ↑ Sayyed Morteza Sayyed Mohammadi (1999). A Guide To Iranian Cinema Directors 1930–1999. Tehran: Simroo Publishing House. էջ 40. ISBN 964-5685-35-4.