Ռաֆիկ Եղոյան

Վիքիպեդիայում կան հոդվածներ Եղոյան ազգանունով այլ մարդկանց մասին։

Ռաֆիկ Գարեգինի Եղոյան (ապրիլի 2, 1931, Լենինական, Հայկական ԽՍՀ, ԱԽՖՍՀ, ԽՍՀՄ), հայ ճարտարապետ, ՀԽՍՀ վաստակավոր ճարտարապետ (1981)։

Ռաֆիկ Գարեգինի Եղոյան
Ծնվել է	ապրիլի 2, 1931(1931-04-02) (93 տարեկան)
Ծննդավայր	Լենինական, Հայկական ԽՍՀ, ԱԽՖՍՀ, ԽՍՀՄ
Կրթություն	ՀԱՊՀ
Ուշագրավ աշխատանքներ	Մայր Հայաստան և Ավետիք Իսահակյանի տուն-թանգարան

Ճարտարապետ Գարեգին Եղոյանի հայրն է։

Կենսագրություն

1961 թվականին ավարտել է Երևանի պոլիտեխնիկական ինստիտուտը։ 1961 թվականից եղել է Հայպետնախագիծ ինստիտուտի Գյումրու մասնաճյուղի գլխավոր ճարտարապետ, 1990 թվականից՝ Երևաննախագիծ ինստիտուտի «Գյումրի» արվեստանոցի գլխավոր ճարտարապետ, 1964-1977 թվականներին միաժամանակ՝ Գյումրու գլխավոր ճարտարապետ։

Ստեղծագործական գործունեություն

Ռաֆիկ Եղոյանի նախագծերով Գյումրիում կառուցվել են՝

• «1000-ամյա Անի» հուշակոթողը, 1962
• Սուրբ Ամենափրկիչ եկեղեցու զանգակատունը, 1964
• «Կումայրի» զբոսաշրջիկների հանգրվանը, 1970
• Երկաթուղային կայարանը, 1979
• «Մայր Հայաստան» հուշակոթողը, կոփածո պղինձ, բազալտ, 1974-1985
• Ավետիք Իսահակյանի տուն-թանգարան (Գյումրի), 1969
• «Արտյոմ Պետրոսյան», դիմաքանդակ- հուշարձան իր անվան դպրոցի դիմաց, քանդակագործ` Արարատ Հովսեփյան, Գյումրի, գրանիտ, 1970
• Սերգեյ Մերկուրովի տուն-թանգարան, Գյումրի, 1979
• Բնակելի շենքեր, հուշարձաններ

1988 թվականի դեկտեմբեորի 7-ի երկրաշարժից հետո Ռաֆիկ Եղոյանը մեծածավալ նախագծային կազմակերպչական աշխատանքներ է ծավալել Գյումրին վերականգնելու համար։ Եղոյանի նախագծերով կառուցվել են թիվ 5 և 8 դպրոցները, վերակառուցվել երկրաշարժից քանդված Սուրբ Ամենափրկիչ եկեղեցին որդու` Գարեգին Եղոյանի հետ։

Պատկերասրահ

• 
  «Մայր Հայաստան» հուշակոթողը
• 
  Ավետիք Իսահակյանի տուն-թանգարան (Գյումրի)
• 
  «Արտյոմ Պետրոսյան», դիմաքանդակ- հուշարձան իր անվան դպրոցի դիմաց
• 
  «Արտյոմ Պետրոսյան», դիմաքանդակ

Արտաքին հղումներ

• Ռաֆիկ Եղոյան. «Ներկայիս Գյումրու ճարտարապետական կերպարում կան «կլկլոցային» դրսևորումներ»