Ջուղայի քաղաքային բաղնիք
Ջուղայի քաղաքային բաղնիք, պատմամշակութային արժեք ներկայացրած քաղաքային բաղնիք ներկայիս Ադրբեջանի Հանրապետության կազմում գտնվող Նախիջևանի Ինքնավար Հանրապետության Ջուղայի շրջանի վարչական կենտրոն Ջուղա քաղաքում։ Ներկայում ավերված է[1]։
 | |
|---|---|
| Շինության ձև | գմբեթավոր, կամարակապ |
| Ներկա վիճակ | Ավերված |
Տեղադրություն
խմբագրելՔաղաքային բաղնիքը գտնվել է Ջուղայի աշխարհահռչակ քաղաքային գերեզմանատան և Արաքս գետի ափամերձ տարածքի շրջակայքում[1]։
Պատմություն
խմբագրելԲաղնիքն ամենայն հավանականությամբ կառուցվել է 16-րդ դարում, քանի որ տարածված ավանդության համաձայն այն վերագրվում է Ջուղայի քաղաքապետ խոջա Խաչիկին[1]։
1875 թվականին կատարած իր ճանապարհորդության ժամանակ հուշարձանը նկարագրել է Քաջբերունին՝ պատկերելով նաև բաղնիքի հորինվածքը[1][2]։
Նկարագրություն
խմբագրելՔաղաքային բաղնիքը ունեցել է բավականին հետաքրքիր հորինվածք։ Կառուցվել է կրաշաղախով։ Գմբեթավոր բաղնիքի նախասրահը երեք դռնով բացվել է դեպի Արաքս գետը։ Նախասրահը միակ կամարաձև դռնով միացված է եղել կամարակապ շեմին, որի ծայրում եղել են փոքր սենյակներ։ Դրանք հավանաբար ծառայել են հագուստը փոխելու համար։ Շեմից եղել է մուտք դեպի կամարակապ լողարանի մեծ սենյակ, որի գմբեթի վրա եղել են փոքրիկ պատուհաններ։ Լողարանի անկյուններում եղել են փոքրիկ կամարակապ սենյակներ։ Ետևի մասում՝ կամարակապ շինության մեջ, գտնվել է ջրի ամբարը, հնոցը և այլ անհրաժեշտ կառույցներ[1][2]։