Ջերմուկ (Ջերմիկի գավառ)

Անվան այլ կիրառումների համար տե՛ս՝ Ջերմուկ (այլ կիրառումներ)

Ջերմուկ, ավան, բերդ, գյուղաքաղաք, քաղաք Արևմտյան Հայաստանում, Ջերմիկի գավառակում։ Գտնվում էր Եփրատի միջին հոսանքի վտակներից մեկի ափին, Դիարբեքիր քաղաքից արևմուտք։ Հանդիսանում էր Ջերմիկի գավառակի կենտրոնը։

Քաղաք
Ջերմուկ
Վարչական տարածք	Արևմտյան Հայաստան
Վիլայեթ	Դիարբեքիրի վիլայեթԴիարբեքիրի վիլայեթ
Գավառակ	Ջերմիկի գավառակ
Այլ անվանումներ	Չերմիկ, Չերմուկ, Ջերմիկ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Ժամային գոտի	UTC+3

Անվան ստուգաբանություն

Բնակավայրի անվանումը առաջացել է գյուղից 2-3 կմ հեռու բխող տաք հանքային աղբյուրներից։ Աղբյուրների մոտ կար բաղնիք։

Պատմություն

Միջին դարերում բնակավայրն ուներ Ջերմիկ անունով բերդ, որի պատճառով համարվում էր բերդավան։

Բնակչություն

XIX դարի սկզբին ուներ 1000 տուն բնակիչ, որի մի մասը հայեր էին։ XX դարի սկզբին ուներ 1500 տուն բնակիչ։

Տնտեսություն

Բնակչության հիմնական զբաղմունքը այգեգործություն, երկրագործություն և աևհեստներն էր։ Զբաղվում էին դարբնությամբ, կոշկակարությամբ, տավագործությամբ և ջրաղացպանությամբ։

Պատմամշակութային կառույցներ

Ջերմուկն ուներ 2 եկեղեցի, որից մեկը կոչվում էր Ս. Աբդլմսեհ։ Գյուղի մերձակա լեռան գագաթին գտնվում է Ջերմիկ բերդը։ Բերդի ավերակները հասանելի էին մինչև 1986 թվականը։

Կրթություն

Քաղաքում գործում էր 2 վարժարան` արական` 50 աշակերտով և իգական` 21 աշակերտուհիներով։

Տես նաև

• Դիարբեքիրի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն