Ջեյմս Վոսս
Ջեյմս Շելթոն Վոսսը (անգլ.՝ James Shelton Voss) (մարտի 3, 1949[2], Cordova, Ուոքեր շրջան, Ալաբամա, ԱՄՆ[2]), աշխատում է ՆԱՍԱ-ում, որպես տիեզերագնաց։ Վոսսը տիեզերք է թռել հինգ անգամ։ Նա նաև ծառայել է տիեզերական կայանում, որպես շահագործման գրասենյակի թռիչքային գործողությունների փոխնախագահ։ Վոսսը նաև Կոլորադոյի համալսարանի գիտաշխատող է։
 James Shelton Voss | |||
 |
|||
| Բնօրինակ անուն ազգանուն | James Shelton Voss | ||
| Պետություն |  ԱՄՆ
| ||
| Մասնագիտություն | ԱՄՆ
| ||
| Ծնվել է | մարտի 3, 1949 | ||
| Ծննդավայր | Կորդովա | ||
| Պարգևներ | |||
Կենսագրություն խմբագրել
Վոսսը ծնվել է 1949 թվականի մարտի 3-ին Ալաբամա նահանգի Կորդովա քաղաքում և մեծացել է Ալեքպեյի Օպելիկայում իր տատիկի և պապիկի տանը։ Մանկության տարիներին կարդացել է մի շարք գիտական գրքեր, որոնցից մոտ կեսը տիեզերքի մասին[3]։ Հաճախել է Օպելիկա ավագ դպրոցը, որտեղ մասնակցել է ըմբշամարտի, և ֆուտբոլի դպրոցական առաջնություններին։ Ավարտելուց հետո Վոսսը ընդունվում է Աուբուռն համալսարան։ Համալսարանում նույնպես մասնակցում է ըմբշամարտի առաջնություններին։ Վոսսը նաև հանդիսացել է Theta Xi եղբայրության Beta Zeta խմբի անդամ, որտեղ 1970-1971 ուսումնական տարվա ընթացքում ծառայել է, որպես խմբի հրամանատար։ 1972 թ. համալսարանի ավիացիոն տեխնիկայի բաժինը ավարտելուց հետո նշանակվում է, որպես երկրորդ կարգի լեյտենանտ ԱՄՆ զինված ուժերում։ 1974 թ. ստացել է Ավիացիոն տեխնիկայի գիտությունների մագիստրոսի կոչում։
Կարիերան խմբագրել
Համալսարանը ավարտելուց հետո Վոսսը պարգևատրվում է մի շարք մրցանակներով։ Վոսսը ծառայում է որպես դասակի ղեկավար Արևմտյան Գերմանիայի 2-րդ գումարտակի 48-րդ ստորաբաժանմունքում, հետախուզության աշխատակից և <<C>> ընկերության հրամանատար։ 1979 թվականին վերադառնում է Միացյալ Նահանգներ, ներկա է գտնվում հակահրդեհային սպայական առաջադիմության դասընթացին, ընդգրկվելով հրամանատարների ցուցակի մեջ։ Դասավանդում է Միացյալ Նահանգների ռազմական ակադեմիայի մեխանիկայի ֆակուլտետում։ Ուեսթ Փետում Վոսսը մասնակցել է ՆԱՍԱ-ի Ամառային ծրագրի հետազոտական աշխատանքներին և ստանում է Ուիլյամ Պ. Կլեմես Ջրին կրթության գերազանցության պարգևը, որպես ակադեմիայի առաջատար պրոֆեսոր։ Այնուհետև նա մասնակցում է ԱՄՆ ռազմածովային դպրոցի փորձնական թեստին, 1983 թ-ին ստանում է ևս մեկ ուսանողական մրցանակ։ Դրանից հետո Վոսսը մասնակցում է Զինված ուժերի անձնակազմի քոլեջի կողմից կազմակերպված մրցույթին։ Հետագայում Վոսսը նշանակվում է, որպես թռիչքի փորձարկման ինժեներ / հետազոտական եւ զարգացման համակարգող։ Նա ՆԱՍԱ-ի անդամ դառնալուց առաջ մասնակցում է թռիչքի թեստային ծրագրերի։ ՆԱՍԱ-ում աշխատել է Ջոնսոնի տիեզերական կենտրոնում 1984 թ. Նոյեմբերից մինչեւ 1987 թ. Հունիսը։ Աշխատել է որպես STS-51-D, STS-51-F, STS-61-C և STS-51- L փորձագետ։ 1987 թվականի հունիսին Ջեյմս Վոսսը պարգևատրվել է ՆԱՍԱ-ի կողմից։
Տիեզերագնաց խմբագրել
Վոսսը 1988 թվականի օգոստոսին ավարտում է մեկամյա ուսումնական և գնահատման ծրագիրը, որը նրան որակավորում է որպես տիեզերական փոխադրման գծով մասնագետ։ Նա աշխատում է թռիչքի անձնակազմի ներկայացուցչությունում, որպես փորձագետ։ Նրա երրորդ տիեզերական թռիչքից հետո երկու տարի անցկացնում է Ռուսաստանի Սթար քաղաքում, Յուրի Գագարինի ուսումնական կենտրոնում։ Նա աշխատել է որպես STS-84 / Mir 23 / Mir 24 / STS-86: Հինգերորդ թռիչքից հետո Վոսսը ծառայել է որպես տիեզերական կայանի թռիչքային գործողությունների փոխնախագահ։
Ծանոթագրություններ խմբագրել
- ↑ 1,0 1,1 https://searchpub.nssc.nasa.gov/servlet/sm.web.Fetch/Agency_Awards_Historical_Recipient_List.pdf?rhid=1000&did=2120817&type=released
- ↑ 2,0 2,1 2,2 http://www.jsc.nasa.gov/Bios/htmlbios/voss-ji.html
- ↑ «Expedition 2 preflight interview». NASA. 2002 թ․ մայիսի 9. Արխիվացված օրիգինալից 2012 թ․ դեկտեմբերի 28-ին. Վերցված է 2011 թ․ հուլիսի 19-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Ջեյմս Վոսս» հոդվածին։ |