Ջամբուլ Ջաբաև
Ջամբուլ Ջաբաև (ղազ.՝ Жамбыл Жабаев, փետրվարի 16 (28), 1846, Ալմաթի շրջան, Ավագ ժուզ - հունիսի 22, 1945[1], Ալմաթի, Ղազախական ԽՍՀ, ԽՍՀՄ[1]), ղազախ ժողովրդական բանաստեղծ-ակին։ Աշուղական մրցույթներում բազմիցս հաղթել է XIX-XX-րդ դարերի սկզբի հայտնի ակիններին։ Ստալինյան մրցանակի դափնեկիր (1941 թ.)։
Ջամբուլ Ջաբաև ղազ.՝ Жамбыл Жабаев | |
|---|---|
 | |
| Ծնվել է | փետրվարի 16 (28), 1846 |
| Ծննդավայր | Ալմաթի շրջան, Ավագ ժուզ |
| Վախճանվել է | հունիսի 22, 1945[1] (99 տարեկան) |
| Վախճանի վայր | Ալմաթի, Ղազախական ԽՍՀ, ԽՍՀՄ[1] |
| Մասնագիտություն | բանաստեղծ, հեղինակ-կատարող և ակին |
| Լեզու | ղազախերեն |
| Քաղաքացիություն | .svg){kind=small} ԽՍՀՄ և  Ռուսական կայսրություն |
| Ժանրեր | բանաստեղծություն և Aytysh? |
| Պարգևներ |     և  |
| Ջամբուլ Ջաբաև Վիքիքաղվածքում | |
 Jambyl Jabayev Վիքիպահեստում | |
Կենսագրություն խմբագրել
Ջամբուլ Ջաբաևը ծնվել է Ջաբուլ լեռան ստորոտում գտնվող Ժետիսու (Սեմիրեչյե) բնակավայրում։ Նրա բանաստեղծական տաղանդը ի հայտ է եկել 15 տարեկան հասակից։ Զանազան թեմաներով ստեղծել է հանպատրաստից երգեր։ Եղել է իմպրովիզացիայի խոշորագույն վարպետ-ակիններ Սույունբայի, Շոժեի աշակերտը, մասնակցել է բազմաթիվ ակինների մրցությունների (այտիսների)[2]։
Նախահեղափոխական շրջանի ստեղծագործություններից գրառված են «Սուրանշի-բատիր» և «Ուտեգեն-բատիր» էպոսների նրա պատումները, «Խանը և ակինը», «Ծույլի պատմությունը» հեքիաթները են։ Հոկտեմբերյան հեղափոխությունից հետո Ջաբուլ Ջաբաևի երգերն արտացոլել են ղազախ, աուլի նոր կենցաղը։ Հայրենական մեծ պատերազմի տարիներին երկրով մեկ հնչել են նրա հայրենասիրական գործերը («Լենինգրադցիներ, իմ զավակներ» և այլն)։ Ջաբուլ Ջաբաևի ստեղծագործությունները թարգմանվել են ԽՍՀՄ ժողովուրդների շատ լեզուներով։ Ղազախական ԽՍՀՄ Գերագույն խորհրդի դեպուտատ (1938 թվականից)։
Պարգևներ խմբագրել
- ԽՍՀՄ պետական մրցանակ (1941 թ.)
- Լենինի շքանշան
- Աշխատանքային կարմիր դրոշի շքանշան
- «Պատվո նշան» շքանշան (1939 թ.)
- «1941-1945 թթ. Հայրենական պատերազմում քաջարի աշխատանքի համար» մեդալ
Տես նաև խմբագրել
Ծանոթագրություններ խմբագրել
- ↑ 1,0 1,1 1,2 1,3 1,4 1,5 Джамбул Джабаев // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ Ղազախ բանաստեղծներ, Հայաստան հրատարակչություն, Երևան 1968
Արտաքին հղումներ խմբագրել
 | Վիքիքաղվածքն ունի նյութեր, որոնք վերաբերում են «Ջամբուլ Ջաբաև» հոդվածին։ |
 | Վիքիպահեստն ունի նյութեր, որոնք վերաբերում են «Ջամբուլ Ջաբաև» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|