Պատերազմ էր
«Պատերազմ էր» (ռուս.՝ «Была война»), 2015 թվականի ռուսական կարճամետրաժ գեղարվեստական ֆիլմ, դրամա մի երեխայի ճակատագրի մասին, որը պատերազմի առաջին օրերին կորցրել է ծնողներին և փորձում է գոյատևել գերմանացիների կողմից գրավված տարածքում։ Պատերազմից հետո Իլյան՝ ֆիլմի գլխավոր հերոսը, փորձում է գտնել մի մարդու, որը պատերազմի ժամանակ փրկել է իր կյանքը։ Արդյունքում պատմությունն իր պատկերացրածի պես չի դասավորվում։ Ֆիլմը, որը նկարահանել է ռեժիսոր Օլեգ Վ. Սեմենեցը, հիմնված է իրական պատմության վրա։
Պատերազմ էր ռուս.՝ Была война | |
---|---|
Երկիր | Ռուսաստան |
Ժանր | դրամա |
Թվական | 2015 |
Լեզու | ռուսերեն |
Սյուժե խմբագրել
1941 թվական։ Երեխաներին տանում են Գերմանիա։ Էշելոնը ընկնում է հրետակոծության տակ։ Երեխաները դուրս են ցատկում այրվող վագոններից և փորձում փախչել ու թաքնվել անտառում։ Ֆիլմի գլխավոր հերոս Իլյան իր կրտսեր քրոջ հետ փախչում է ու ապաստան է գտնում գերմանացիների կողմից օկուպացված գյուղում։ Չնայած աղետալի վիճակին՝ տեղի բնակիչները մահվան վախի տակ թաքցնում են երեխաներին և ամեն կերպ օգնում նրանց գոյատևել։ Երեսուն տարի անց Իլյան վերադառնում է գյուղ՝ երախտագիտություն հայտնելու իր կյանքը փրկած մարդուն։
Դերերում խմբագրել
- Մաքսիմ Բուտեկո – Իլյա
- Վասիլի Վերովչուկ – ծերունի
- Էդուարդ Մուսնիցկի – Իլյան մանկության տարիներին
- Անֆիսա Յակիմովա – Իլյայի քույրը
- Սերգեյ Արխիպով – ավտովարորդ
- Կատերինա Կիսելյովա – Նյուրա, հարսանիքի հյուր
- Ալեքսեյ Վեշկուրցև – Ստեպան, հարսանիքի հյուր
- Աննա Պրոկլովա – Ալյոնկա, աղջիկ
Ստեղծում խմբագրել
Ֆիլմի սցենարը պատրաստ էր 2013 թվականի նոյեմբերին։ Նույն թվականի դեկտեմբերին սկսվել են նկարահանումները։ Նկարահանումները տեղի են ունեցել Ամուրի մարզում՝ Բլագովեշչենսկի արվարձանում և Տամբովի շրջանում, որտեղ ջերմաստիճանը ցերեկը իջել է 30 °C-ից ցածր, և որպեսզի վտանգի չենթարկեն երեխաների և նկարահանող խմբի առողջությունը՝ կապված անհրաժեշտ նյութական բազայի բացակայության հետ, որոշվել է նկարահանումները հետաձգել մինչև 2014 թվականի աշուն։
Ֆիլմի պրեմիերան տեղի է ունեցել 2015 թվականի սեպտեմբերի 19-ին «Ամուրյան աշուն» փառատոնի շրջանակներում։
Ֆիլմի լուսանկարչական փորձերի ժամանակ արված «Ռուս աղջկա կերպարը, որը 1941 թվականի խորը աշնանը անտառում փրկվել է գերմանացիներից» լուսանկարը երկրորդ տեղն է զբաղեցրել Մակեդոնիայի Circuit Exhibition of Photography փառատոնի Child («Երեխաներ») անվանակարգում[1]։
Ծանոթագրություններ խմբագրել
Արտաքին հղումներ խմբագրել
- Ֆիլմի թրեյլերը ՅուԹյուբում
- О фильме «Была война», Программа «В центре внимания» на канале «Первый областной»
- Сюжет на канале ГТРК-Благовещенск
- «Была война» – это не оправдание: фильм благовещенца Олега Семенца показали на фестивале «Амурская осень»
- Фильм амурского фотографа Олега Семенца о войне покажут в мае // Амурская правда, 7 июня 2017
- Взгляд блогера: фильм «Была война»
- Олег Семенец снимает игровой фильм о Великой Отечественной войне