Պառավը ձեռագործությամբ է զբաղվում
«Պառավը ձեռագործությամբ է զբաղվում» (Շոշափելիքի այլաբանություն), դանիական ծագմամբ «ռեալիստ նկարիչների» իտալական դպրոցի հայտնի ներկայացուցիչ, Ռեմբրանդտի սան Բերնարդ Կեյլի դիմանկարային աշխատանքը[1]։ Կտավը Սերպուխովի պատմության և արվեստի թանգարանի հավաքածուի ամենահայտնի գործերից է։
Պառավը ձեռագործությամբ է զբաղվում | |
---|---|
տեսակ | գեղանկար |
նկարիչ | Բերնարդ Կեյլ |
տարի | 1650 |
ժանր | կենցաղային ժանր |
գտնվում է | Սերպուխովի պատմության և արվեստի թանգարան |
հավաքածու | Սերպուխովի պատմության և արվեստի թանգարան |
պատկերված են
| |
Ծանոթագրություններ |
Պատմություն խմբագրել
Որոշ ժամանակ նկարը պատկանել է մոսկովյան կոլեկցիոներ Յու.Մերլինին, ումից այն ձեռք է բերել սերպուխովցի ձեռնարկատեր Աննա Վասիլևնա Մարաևան։ 1920 թվականին, ազգայնացումից հետո, այն տեղափոխվել է Սերպուխովի թանգարանի հավաքածուներ[2]։ Վերականգնվել է 1958 թվականին[2]։
2006 թվականին «Պառավը ձեռագործությամբ է զբաղվում» կտավը, Սերպուխովի թանգարանի հավաքածուներից Իզակա դե Յաուդդերվիլի «Գիտնականը աշխատասենյակում» նկարի հետ մեկտեղ, ներկայացվել է Պուշկինի անվան կերպարվեստի պետական թանգարանի «Ռեմբրանդտը, նրա նախորդներն ու հետևորդները» ցուցահանդեսում, Ռուսաստանի, ԱՄՆ-ի, Ֆրանսիայի տարբեր թանգարանների այլ կտավների հետ միասին[3]։
Գեղարվեստական բնութագիր խմբագրել
Ենթադրվում է, որ «Պառավը ձեռագործությամբ է զբաղվում» կտավի կերպարում արտացոլված է խորը հոգեբանության և սովորական, հասարակ մարդու ներաշխարհի հետաքրքրության համադրությունը, որը փոխառված է Ռեմբրանդտից։ Կտավին բնորոշ է նկարչության լայն, կորպուսային ոճը, ինչպես նաև հնչեղ, դեկորատիվ գունային բույլը, որը կրում է իտալական նկարչության ազդեցությունը։ Ենթադրվում է, որ այս կտավը, 1962 թվականին Պուշկինի անվան կերպարվեստի պետական թանգարանին հանձնված «Մոմով պառավը» կտավի հետ միասին, ի սկզբանե, հանդիսացել է «Հինգ զգացմունք» հավաքածուի մաս՝ անձնավորելով շոշափման զգացումը[1]։
Ծանոթագրություններ խմբագրել
- ↑ 1,0 1,1 В. А. Садков, Л. Г. Москалева. Западноевропейская живопись XVI-XX веков // Серпуховский историко-художественный музей. Русская и западноевропейская живопись. — Тула: Издательство «Власта», 2005. — С. 10—11. — 144 с. — ISBN 5-900998-20-7
- ↑ 2,0 2,1 «Старуха за рукоделием (Аллегория осязания?)». Музеи России. Վերցված է 2009 թ․ նոյեմբերի 21-ին.
- ↑ «Картины из коллекции серпуховского музея будут представлены на выставке «Рембрандт, его предшественники и последователи»». Портал Правительства Московской области. Վերցված է 2009 թ․ նոյեմբերի 21-ին.(չաշխատող հղում)