Ուգլևիկի ջերմաէլեկտրակայան
Ուգլևիկի ջերմաէլեկտրակայան (բոս․՝ Termoelektrana Ugljevik; սերբ.՝ Термоелектрана Угљевик / Termoelektrana Ugljevik; խորվ.՝ Termoelektrana Ugljevik), ածխով աշխատող էլեկտրակայան Բոսնիա և Հերցեգովինայի Սերբական Հանրապետության Ուգլևիկ քաղաքում։ Այն Rudnik i termoelektrana Ugljevik (RiTE Ugljevik) էլեկտրաէներգիա արտադրող կազմակերպության մասն է կազմում, որը Elektroprivreda Republike Srpske-ի դուստր ձեռնարկությունն է։
| Ուգլևիկի ջերմաէլեկտրակայան | |
|---|---|
 | |
| Տեսակ | coal-fired power station? |
| Երկիր |  Բոսնիա և Հերցեգովինա |
| Տեղադրություն | Ուգլևիկ |
| Սեփականատեր | Սերբական Հանրապետության էլեկտրաէներգետիկա |
| Էլեկտրակայան | |
| Տեղադրված հզորություն | 300 մեգավատտ[1] |
  | |
Պատմություն խմբագրել
Ուգլևիկը 1899 թվականից ի վեր ածխի արդյունահանման շրջան է համարվում։ Ածխով աշխատող այս էլեկտրակայանի շինարարությունը սկսվել է 1976 թվականին։ Առաջին և միակ էներգաբլոկը շահագործման է հանձնվել 1985 թվականին[2]։ Նոր արտադրության գործարկմանը զուգահեռ, Ուգլևիկի հին հանքը փակվել է, որի փոխարեն ստեղծվել է նոր հանքավայր և RiTE Ugljevik ընկերությունը՝ իրագործելով և՛ ածխի արդյունահանում, և՛ էլեկտրաէներգիայի արտադրություն։
Համաձայն ջէկի նախնական ուրվագծի նախատեսվում էր կառուցել ամենաքիչը չորս էներգաբլոկ` յուրաքանչյուրը 300 ՄՎտ հզորությամբ[3]։ Երկրորդ բլոկի շինարարությունը սկսվել է 1985 թվականին, սակայն դադարեցվել է Բոսնիական պատերազմի հետևանքով[2]։ Էլեկտրակայանի գործունեության ժամանակավորապես դադարը տևել է շուրջ 3 տարի՝ 1992 թվականի ապրիլից մինչև 1995 թվականի նոյեմբեր, բայց սարքավորումները պահպանվել են։
Գործարկման ժամանակ էներգաբլոկը չի հասել իր նախատեսված հզորությանը, և շահագործումը բարդացել է, քանի որ տարին մեկ անգամ ջէկն անջատվում էր ջեռուցման մակերեսների մաքրման համար, իսկ դա երկարատև պրոցես էր[3][4]։
Պոդոլսկի մեքենաշինական գործարանի «ОАО» և КОТЭС-ի «ЗАО» ռուսական ընկերությունների որոշման համաձայն 2010 թվականին էլեկտրակայանն արդիականացվել է[5][6], վերակառուցվել են կաթսայատան սարքավորումները, էներգաբլոկը հասել է իր նախագծված հզորությանը[3][4]։
Նկարագիր խմբագրել
Էներգաբլոկում խորհրդային սարքավորումներն են, ներառյալ T-shaped P-64-1 ուղղակի հոսքի կաթսայատունը, որը գործում է K-300-240-1 տուրբինային միավորով և նախատեսված է լիգնիտներ այրելու համար[4]։
Ածուխը բաց եղանակով արդյունահանվում է ջէկին կից տարածք և վերջինիս մատակարարվում հատուկ փոխադրիչի միջոցով։
Ծանոթագրություններ խմբագրել
- ↑ 1,0 1,1 https://www.riteugljevik.com/
- ↑ 2,0 2,1 «Coal-Fired Plants in Bosnia & Montenegro». industcards.com. Արխիվացված է օրիգինալից 2010 թ․ նոյեմբերի 18-ին. Վերցված է 2011 թ․ հունվարի 2-ին.
- ↑ 3,0 3,1 3,2 «TERMOELEKTRANA» (սերբերեն). Rudnik i Termoelektrana Ugljevik.
- ↑ 4,0 4,1 4,2 Волков В. С., Максютов Д. С., Остапенко В. Е. Реконструкция котла П-64-1 ТЭС «Углевик». Основные аспекты реконструктивных и наладочных работ(ռուս.) // Международная конференция TENOR 2010. — 2010.(չաշխատող հղում)
- ↑ «Bosnia's Ugljevik Power Plant To Spend 25.6 Mln Euro on Upgrades in 2010 - Media». SeeNews. 2010 թ․ փետրվարի 8. Արխիվացված է օրիգինալից 2011 թ․ հուլիսի 16-ին. Վերցված է 2011 թ․ հունվարի 2-ին.
- ↑ Bajtarević, Mirsad (2010 թ․ օգոստոսի 13). «Repair and maintenance works in Ugljevik mine and power plant are being conducted according to the plans». Energetika.net. Վերցված է 2011 թ․ հունվարի 2-ին.
Արտաքին հղումներ խմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ուգլևիկի ջերմաէլեկտրակայան կատեգորիայում։ |