Շիրլի Էնն Գրաու
Շիրլի Էնն Գրաու (անգլ.՝ Shirley Ann Grau, հուլիսի 8, 1929[1][2], Օռլեան շրջան, Լուիզիանա, ԱՄՆ[3] - օգոստոսի 3, 2020[4], Kenner, Ջեֆերսոն շրջան, Լուիզիանա, ԱՄՆ), ամերիկացի գրող, Պուլիտցերյան մրցանակի դափնեկիր։
Շիրլի Էնն Գրաու անգլ.՝ Shirley Ann Grau | |
---|---|
![]() | |
Ծնվել է | հուլիսի 8, 1929[1][2] |
Ծննդավայր | Օռլեան շրջան, Լուիզիանա, ԱՄՆ[3] |
Վախճանվել է | օգոստոսի 3, 2020[4] (91 տարեկան) |
Վախճանի վայր | Kenner, Ջեֆերսոն շրջան, Լուիզիանա, ԱՄՆ |
Մասնագիտություն | գրող, վիպասան և վիպասան |
Քաղաքացիություն | ![]() |
Կրթություն | H. Sophie Newcomb Memorial College? (1950)[5] և Tulane University School of Liberal Arts? |
Ժանրեր | վեպ և պատմվածք |
Ուշագրավ աշխատանքներ | Տնպահները[6] |
Պարգևներ | |
![]() |
Կենսագրություն խմբագրել
Շիրլին ծնվել է Նոր Օռլեանում (Լուիզիանա նահանգ)[8] և իր ստեղծագործությունների նյութը հիմնականում վերցրել է հեռավոր ու խոր Հարավի կյանքից[8]։
Մանկությունը մեծ մասամբ անց է կացրել Ալաբամա նահանգի Մոնթգոմերի և Սելմա քաղաքներում կամ դրանց մերձակայքում, մոր հետ[9]։ 1950 թվականին ավարտել է Phi Sigma Kappa-ն[10], ապա բակալավրի որակավորումով՝ Թուլեյն համալսարանի կանանց կոորդինացման կենտրոնի Նյուքոմբ քոլեջը[11]։ 1956 թվականին նրա «Սև արքայազնը» («The Black Prince») խորագիրը կրող պատմվածքների ժողովածուն Գրքի ազգային մրցանակի (National Book Award) է ներկայացվել «Գեղարվեստական արձակ» անվանակարգում։ Իսկ 1964 թվականին Շիրլի Էնն Գրաուի հրատարակած «Տնպահները» («The Keepers of the House») սագան հաջորդ տարի արժանացել է Պուլիտցերյան մրցանակի՝ դարձյալ «Գեղարվեստական արձակ» անվանակարգում[12][13]։ Երբ մրցութային հանձնաժողովի անդամներից մեկը հեռախոսով հայտնել է նրան այդ լուրը, Շիրլին, նրա ձայնը նմանեցնելով իր ծանոթներից մեկի ձայնին, մտածել է, որ կատակում են կամ ձեռ են առնում և վրա է բերել՝ «Չմոռանաք, որ ես նաև Անգլիայի թագուհին եմ», ու կախել է լսափողը։ Կարճ ժամանակ անց Շիրլիին զանգահարել է նաև «Տնպահները» գրքի հրատարակիչը ու շփոթահար կին գրողին հայտնել, որ առանց կատակի՝ Շիրլիին Պուլիտցերյան մրցանակ է շնորհվել[14]։
Նրա ստեղծագործություններում գլխավորապես արծարծվում են ռասայական և սեռային անհավասարությանն առնչվող հիմնահարցեր, գեղարվեստի միջոցներով հետազոտվում են մահվան, կործանումի, հղիության արհեստական ընդհատման և համանման այլ թեմաներ՝ հիմնականում Ալաբամայի կամ Լուիզիանայի անցյալից վերցված նյութի հիման վրա[15]։ Եվ չնայած Շիրլին իր գրվածքների նյութը չի սահմանափակում հեռավոր ու խոր Հարավով կամ միայն կանանց հիմնախնդիրների մասին պատմություններով, նրան առաջին հերթին համարում են ֆեմինիստական և Հարավի մասին գրականության կարևոր ներկայացուցիչներից մեկը[16]։
Մատենագրություն խմբագրել
- «Սև արքայազնը» /The Black Prince, and Other Stories (պատմվածքներ, 1955)[11]
- «Ծանր կապույտ երկինք» /The Hard Blue Sky (1958)[11]
- «Կոլիզեյ փողոցի տունը» /The House on Coliseum Street (1961)[11]
- «Տնպահները» /The Keepers of the House (1964)[11]
- «Կոնդորն է անցնում» /The Condor Passes (1971)[11]
- «Արևմուտքը ցնցող քամին» /The Wind Shifting West (պատմվածքներ, 1973)[11]
- «Սիրո վկայություն» /Evidence of Love (1977)[11]
- «Ինը կին» /Nine Women (պատմվածքներ, 1986)[11]
- «Ոտքով ճանապարհ գնացողները» /Roadwalkers (1994)[11]
- «Ընտիր պատմվածքներ» /Selected Stories (2006)
Ծանոթագրություններ խմբագրել
- ↑ 1,0 1,1 FemBio տվյալների շտեմարան (գերմ.)
- ↑ 2,0 2,1 Բրոքհաուզի հանրագիտարան (գերմ.)
- ↑ 3,0 3,1 3,2 Deutsche Nationalbibliothek Record #118718509 // Gemeinsame Normdatei (գերմ.) — 2012—2016.
- ↑ 4,0 4,1 4,2 Shirley Ann Grau, Metairie author who won Pulitzer Prize in 1965, dies at 91 // The Times-Picayune — New Orleans: 2020. — ISSN 1055-3053
- ↑ Blain V., Grundy I., Clements P. The Feminist Companion to Literature in English: Women Writers from the Middle Ages to the Present — 1990. — P. 453.
- ↑ https://openlibrary.org/works/OL2949615W/The_keepers_of_the_house
- ↑ http://www.pulitzer.org/winners/shirley-ann-grau
- ↑ 8,0 8,1 «Shirley Ann Grau, Never Backing Down». The Washington Post. 2003 թ․ դեկտեմբերի 26. Արխիվացված է օրիգինալից 2012 թ․ նոյեմբերի 5-ին. Վերցված է 2011 թ․ հունվարի 8-ին.
- ↑ «Interview with Deep South Magazine». Վերցված է 2017 թ․ հուլիսի 28-ին.
- ↑ «Shirley Ann Grau Biography». biography.jrank.org (անգլերեն). Վերցված է 2017 թ․ հուլիսի 4-ին.
- ↑ 11,00 11,01 11,02 11,03 11,04 11,05 11,06 11,07 11,08 11,09 «Grau, Shirley Ann». Contemporary Novelists. 2001 թ․ հունվարի 1. Վերցված է 2011 թ․ հունվարի 8-ին.(չաշխատող հղում)
- ↑ «Pulitzer Winner Writes Between Domestic Crises». Edmonton Journal. 1965 թ․ հուլիսի 5. էջ 13. Վերցված է 2011 թ․ հունվարի 8-ին.
- ↑ Allen-Taylor, J. Douglas (1998). "The World According To Grau", Metro Newspaper, San Jose, California (February 26, 1998)
- ↑ «The Undramatic Life of Shirley Ann Grau». Deep South Magazine. 2013 թ․ հոկտեմբերի 31. Վերցված է 2017 թ․ հուլիսի 4-ին.
- ↑ «Shirley Ann Grau profile». Encyclopedia of Alabama. Վերցված է 2017 թ․ հուլիսի 4-ին.
- ↑ «Shirley Ann Grau - Know Louisiana». Know Louisiana. Արխիվացված է օրիգինալից 2017 թ․ հուլիսի 29-ին. Վերցված է 2017 թ․ հուլիսի 4-ին.
Արտաքին հղումներ խմբագրել
- Կենսագրությունը (eNotes.com)
- Կենսագրությունը (biography.jrank.org)
- Կենսագրությունը (Encyclopedia of Alabama) Արխիվացված 2014-07-26 Wayback Machine
- http://www.alabamaliterarymap.org/author.cfm?AuthorID=27 Արխիվացված 2011-03-09 Wayback Machine | wayback=20070707094353 | text=Կենսագրությունը (Alabama Literary Map)
Վիքիպահեստն ունի նյութեր, որոնք վերաբերում են «Շիրլի Էնն Գրաու» հոդվածին։ |