Շարտաշյան քարե վրաններ
Շարտաշյան քարե վրաններ (ռուս.՝ Шарташские каменные палатки), գրանիտե ժայռերի մնացորդներ Ռուսաստանի Սվերդլովսկի մարզի Եկատերինբուրգ քաղաքի մոտ գտնվող Շարտաշ լճի մերձակայքում։ Համարվում է բնության գեոմորֆոլոգիական և պատմամշակութային հուշարձան[1]։ Քաղաքի բնակչության համար հայտնի հանգստավայր է։
| Շարտաշյան քարե վրաններ | |
|---|---|
 | |
| Տեսակ | ժայռերի կազմավորում, տեսարժան վայր, Ռուսաստանի հատուկ պաշտպանվող տարածք և պուրակ |
| Երկիր |  Ռուսաստան |
| Վարչատարածք | Եկատերինբուրգ |
| ԲԾՄ | 25 մետր |
| Հարաբերական բարձրություն | 12 մետր |
| Մակերես | 2 հեկտար |
| Ձևավորում | 1983 |
 | |
 | |
Նկարագրություն խմբագրել
Գեղատեսիլ բնության հուշարձան է Եկատերինբուրգ քաղաքի մերձակայքում, քամու, ջրի և ջերմաստիճանի ազդեցությունների շնորհիվ այն ստացել է ներքնակաձև տեսք։ Ժայռերի բարձրությունը հասնում է 12 մետրի, իսկ հողաբլրի հետ, որի վրա տեղակայված են, հասնում է մինչև 25 մետր բարձրության։
Քարե Վրանները գտնվել են քաղաքից դուրս անտառներում, բայց Եկատերինբուրգի ընդլայնումից հետո 1980 թվականից մտել են նրա տարածքի մեջ և գտնվում են Կիրովսկի շրջանում` համարվելով քաղաքացիների ամենասիրած վայրերից մեկը` հետիոտների, հեծանվային և դահուկային զբոսանքների, զբոսախնջույքների, թարմ օդում երեխաների հանգստի կազմակերպման համար։ Հյուսիսից Քարե Վրանների ստորոտում կառուցված է գրանիտե ամֆիթատրոն։
Քաղաքի կողմից ժայռերի մատույցներում տեղադրվել էր հուշատախտակ (ներկայումս գոյություն չունի), որը հիշեցնում է, որ մինչև Հոկտեմբերյան մեծ հեղափոխությունը այստեղ 1905-1917 թվականներին անցկացվել են անլեգալ բանվորական ժողովներ, մայովկաներ, բոլշևիկների հավաքներ, որտեղ բազմիցս ելույթ է ունեցել ուրալյան բոլշևիկների ղեկավար Յակով Միխայլովիչ Սվերդլովը։
Ժամանակակից հնագիտական տվյալների համաձայն` Շարտաշ լճի ափերին տեղակայված են 10 բնակավայրեր, հնագույն մարդու կեցավայրեր, որոնցից ամենահինը վերաբերում է մ.թ.ա. 3-րդ հազարամյակին և նույնիսկ ավելի վաղ ժամանակաշրջաններին։ Այդ կեցավայրերը պարունակում են հնագույն կրոնական պաշտամունքի և ապրանքային արտադրության տարրեր։
Հնագույն բնակավայրերի պայմանական կենտրոն, զոհաբերությունների վայրեր և «մետալուրգիական բազա» էին ծառայում խոշոր գրանիտե գլաքարերը, որոնք այսօր կրում են Շարտաշյան քարե վրաններ անվանումը։
Տեղադրություն խմբագրել
Եկատերինբուրգում Քարե վրաններին կարելի է հասնել 8, 13, 15, 23, 32 տրամվայներով և «Ա» երթուղով, ինչպես նաև 04, 15, 25, 27, 059, 61, 077, 082 ավտոբուսներով մինչև «Քարե վրաններ» կանգառ։ Ավտոմեքենայով երթուղին շարունակվում է Մալիշևի և Վիսոցկու փողոցներով։
Պատկերասրահ խմբագրել
.jpg)
.jpg)
.jpg)
.jpg)
Ծանոթագրություններ խմբագրել
- ↑ Раздел «Каменные палатки» на сайте, посвящённом озеру Шарташ Արխիվացված 2016-03-04 Wayback Machine Скалы «Шарташские Каменные палатки» — геологический, археологический, исторический памятник природы
Արտաքին հղումներ խմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Շարտաշյան քարե վրաններ կատեգորիայում։ |