Շարուրի շրջան
Շարուրի շրջան (ադրբ.՝ Şərur rayonu), շրջանի կարգավիճակով վարչատարածքային միավոր Ադրբեջանի Հանրապետության կազմում գտնվող Նախիջևանի Ինքնավար Հանրապետությունում։ Վարչական կենտրոնը Շարուր (Նորաշեն) քաղաքն է[1]։
 ադրբ.՝ Şərur rayonu | |
|---|---|
 | |
| Երկիր |  Ադրբեջան |
| Կարգավիճակ | Ադրբեջանի շրջան |
| Մտնում է | Նախիջևանի Ինքնավար Հանրապետություն և Նախիջևանի Ինքնավար Խորհրդային Սոցիալիստական Հանրապետություն |
| Ներառում է | 64 մունիցիպալիտետ |
| Վարչկենտրոն | Նորաշեն |
| ԲԾՄ | 952 մետր |
| Բնակչություն (2005) | 95 086 |
| Տարածք | 811,14 |
 | |
| Հիմնադրված է | օգոստոսի 8, 1930 թ. |
| ISO 3166-2 կոդ | AZ-SAR |
| Հեռախոսային կոդ | 994 36 |
| Փոստային ինդեքսներ | 6800 |
Պատմություն խմբագրել
Ժամանակակից պատմություն խմբագրել
Շարուրի շրջանը ձևավորվել է 1930 թվականի օգոստոսի 8-ին Խորհրդային Ադրբեջանի իշխանությունների կարգադրությամբ։ 1964-ից 1991 թվականներին կոչվել է Իլյիլչյովսկ[1]։
Աշխարհագրություն խմբագրել
Վարչատարածքային նկարագիր և տեղադրություն խմբագրել
Շարուրի շրջանը հյուսիս-արևելքում սահմանակից է Հայաստանի Հանրապետության Արարատի և Վայոց ձորի մարզերին, հարավում-արևմուտքում՝ Իրանի Իսլամական Հանրապետության Արևմտյան Ադրբեջան նահանգին[1]։
Շրջանի ընդհանուր տարածքը կազմում է 87,226 կմ2։ Վարչական կենտրոնը Շարուր քաղաքն է։ Բացի վարչական կենտրոնից շրջանն ունի նաև 65 գյուղ[1]։
Լեռնագրություն խմբագրել
Շրջանի տարածքը բաղկացած է լեռնային և թեք հարթավայրերից[1]։
Ջրագրություն խմբագրել
Շարուրի շրջանի տարածքով հոսում են Արաքս և Արփա գետերը։ Շրջանի տարածքում է գտնվում Տանձիկի ջրամբարը, որը հայտնի է նաև Արփայի ջրամբար անունով[1]։
Կլիմա խմբագրել
Տարվա եղանակով պայմանավորված՝ Շարուրի շրջանի կլիման փոփոխական է։ Ամռանը կլիման չոր շոգ է, կիսաանապատային, չոր տափաստանային, իսկ ձմռանը՝ չոր ցուրտ[1]։
Բնակչություն խմբագրել
2017 թվականի հունվարի 1-ի դրությամբ շրջանի բնակչությունը 11,460 է[1]։
Կրթություն և գիտություն խմբագրել
Շարուրի շրջանում գործում է 60 հանրակրթական դպրոց, 1 մասնագիտական ուսումնարան, 6 արտադպրոցական և 2 նախադպրոցական դաստիարակության հաստատություն, 6 մանկական երաժշտական դպրոց, ինչպես նաև 60 գրադարան[1]։
Մշակույթ խմբագրել
Շրջանում գործում է մեկ թանգարան, ինչպես նաև «Արփաչայի պատմակամշակութային արգելոցը», «Բահար» կինոթատրոնը[1]։
Առողջապահություն խմբագրել
Շրջանն ունի առողջապահական մի շարք հաստատություններ, այդ թվում՝ շրջանի կենտրոնական հիվանդանոց, 8 տարածքային հիվանդանոցներ, 20 բժշկական ամբուլատորիա, 9 ֆելդշերա-մանկաբարձական կենտրոններ, 27 ֆելդշերային հենակետեր, հիգիենիկ և համաճարակաբանական կենտրոն[1]։
Տես նաև խմբագրել
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 «Շարուրի շրջանի մասին տեղեկություններ nakhchivan.az կայքում» Արխիվացված 2015-04-09 Wayback Machine (արխիվացված)։(ռուս.)
 | Վիքիպահեստն ունի նյութեր, որոնք վերաբերում են «Շարուրի շրջան» հոդվածին։ |