Նորայր Շահինյան
- Վիքիպեդիայում կան հոդվածներ Շահինյան ազգանունով այլ մարդկանց մասին։
Նորայր Հրայրի Շահինյան (Ստեփան Նորայր Շահինյան, մարտի 11, 1979, Սան Պաուլո, Բրազիլիա), բրազիլահայ ճարտարապետ, լուսանկարիչ։
| Նորայր Շահինյան | |
|---|---|
 | |
| Ծնվել է | մարտի 11, 1979 (45 տարեկան) |
| Ծննդավայր | Սան Պաուլո, Բրազիլիա |
| Քաղաքացիություն |  Բրազիլիա |
| Կրթություն | Mackenzie Presbyterian University? (2001) և Սան Պաուլուի համալսարան (2007) |
| Մասնագիտություն | լուսանկարիչ և ճարտարապետ |
| Կայք | norair.com.br |
Կենսագրություն խմբագրել
Նորայր Շահինյանը ծնվել է 1979 թվականին, Սան Պաուլոյում[1]։ Նախնիները սերում են Ուրֆայից, Մուշից, Քեսաբից[2]։ Նորայր Շահինյանը լուսանկարչությամբ զբաղվել է համալսարանական տարիներին՝ հետևելով պապիկին՝ Ավետիս Շահինյանին, որ ցեղասպանությունից հետո Հալեպում աշխատում էր որպես լուսանկարիչ։ 2001 թվականին Մաքկենզի համալսարանից ստացել է ճարտարապետի որակավորում, այնուհետև գեղագիտության ու արվեստի պատմություն է ուսումնասիրել Սան Պաուլոյի համալսարանում (2007)։ Ավարտելուց հետո շրջել է ողջ Հարավային Ամերիկայում, Եվրոպայում, Կովկասում և Մերձավոր Արևելքում լուսանկարչական ծրագրեր իրականացնելու համար, լուսանկարել է աշխարհի բազմաթիվ վայրեր, անդրադարձել հայկական ժառանգությանը։ Չորս տարի լուսանկարել է հայկական հետքը[3] կենտրոնական ու Արևելյան Թուրքիայում (Արևմտյան Հայաստան) և 2015 թվականին՝ Հայոց ցեղասպանության 100-րդ տարելիցի առթիվ Ստամբուլում տեղի է ունեցել այդ աշխատանքների ցուցահանդեսը[4]։
|
Լուսանկարչությունն իմ մեջ է եղել մանկուց, որովհետև այդ արվեստին տիրապետում էին և պապս, և հայրս[5]։ - Նորայր Շահինյան
|
|
Ընտանիք խմբագրել
Պապը՝ Ավետիս Շահինյանը, փրկվելով ցեղասպանությունից, հաստատվել է Հալեպում, իսկ 1963 թվականին ընտանիքով տեղափոխվել է Բրազիլիա՝ հաստատվելով Սան Պաուլո քաղաքում։ Հայրը՝ Հրայր Շահինյանը, ճարտարապետ է[2]։
Ցուցահանդեսներ խմբագրել
- Կանանց նվիրված ցուցահանդեսների շարք, Սան Պաուլո, 1999
- Բրազիլիայի հին և նոր ճարտարապետությանը նվիրված շարք, Սան Պաուլո և Չիլի, 2000
- Առաջին անհատական ցուցահանդեսը Երևանում՝ նվիրված Բրազիլիային, 2004
- «Էքսպո Արմենիա», Արգենտինայի Կորդոբա նահանգի խորհրդարանի Ռեխինո Մադերս սրահ, 2009[6]
- Դատարկության հզորությունը, ՆՓԱԿ, 2016[7]
Գրքեր խմբագրել
Գրականություն խմբագրել
- Քոչար, Վահան։ Հայ լուսանկարիչներ, հեղինակային հրատարակություն, 2007, 159 էջ։
Ծանոթագրություններ խմբագրել
- ↑ «Կենսագրություն». Արխիվացված է օրիգինալից 2018 թ․ սեպտեմբերի 3-ին. Վերցված է 2019 թ․ հունվարի 15-ին.
- ↑ 2,0 2,1 «Նորայր Շահինյան – Կյանքի պատմություն, որն արժե կարդալ». AURORA PRIZE. Վերցված է 2017 թ․ մարտի 20-ին.
- ↑ Photographing Historical Armenia: Facing a Past of Pain, Creating a Future of Peace
- ↑ «Դատարկութեան զօրութիւնը. քարերուն հետ խօսիլ պատմական Հայաստանի մէջ» (“The Power of Emptiness: Talking with Stones in Historical Armenia”)
- ↑ Նորայր Շահինյան. «Ես ինձ համար հայտնագործել եմ Հայաստանը ու այն պիտի ներկայացնեմ Բրազիլիայում»
- ↑ Ստեփան Նորայր Շահինյանի լուսանկարների ցուցահանդեսը Արգենտինայում
- ↑ Դատարկության հզորությունը Նորայր Շահինյան 2016
- ↑ The power of emptiness: Talking with stones in historical Armenia.= Boslugun gücü: Tarihi Ermenistan'da taslarla konusmak
- ↑ Photographer Norair Chahinian to Present New Book About Historical Armenia