Դոլֆ Զիգլեր
Նիքոլաս Թեոդոր «Նիք» Նեմեթ[1] (անգլ.՝ Nicholas Theodore "Nick" Nemeth, հուլիսի 27, 1980[2], Քլիվլենդ, Օհայո, ԱՄՆ), առավել հայտնի Դոլֆ Զիգլեր ռինգային անվամբ, ամերիկացի պրոֆեսիոնալ ըմբշամարտիկ (ռեստլեր) և կատակերգու։ Ներկա պահին հանդես է գալիս «WWE» կազմակերպությունում։
| Դոլֆ Զիգլեր Dolph Ziggler | |
|---|---|
 Զիգլերը 2014 թվականին | |
| Իրական անուն | Nicholas Theodore Nemeth Նիքոլաս Թեոդոր Նեմեթ |
| Ռինգային անուն(ներ) | Դոլֆ Զիգլեր[1] Նիք Նեմեթ Նիկ Նեմեթ Նիքի |
| Ընդհանուր տեղեկություններ | |
| Հայտարարվող քաշ | 97 կգ[1] |
| Հայտարարվող հասակ | 1,83 մ[1] |
| Ծննդյան թվական | հուլիսի 27, 1980 (43 տարեկան) |
| Ծննդավայր |  Կլիվլենդ, Օհայո, ԱՄՆ |
| Ապրելավայր | Ֆինիքս, Արիզոնա, ԱՄՆ |
| Մարզիչ | «Florida Championship Wrestling» «Ohio Valley Wrestling» Սթիվ Քիրն Թոմ Փրիչարդ Լենս Ստորմ |
| Դեբյուտ | 2004 |
Դպրոցական տարիներին սպորտային ըմբշամարտով զբաղվելուց և դպրոցական հավաքականի կազմում երկու անգամ համազգային չեմպիոն հռչակվելուց հետո Նեմեթն ստանում է սպորտային կրթաթոշակ և սկսում հանդես գալ Քենթի նահանգային համալսարանում՝ 2000-2003 թվականներին սահմանելով 121 անհատական հաղթանակ։
Համալսարանային կարիերան ամփոփելուց հետո 2004 թվականին Նեմեթը պայմանագիր է կնքում «WWE»-ի հետ և նշանակվում «Ohio Valley Wrestling» (OVW) կրտսեր առաջնությունում։ Խիստ կարճ ժամանակով «Raw» ապրանքանիշում ելույթներ ունենալուց, Նեմեթը վերադառնում է «OVW» և Նիքի ռինային անվամբ դառնում «Ոգու խումբ» (The Spirit Squad) խմբավորման անդամ։ Հիմնական կազմում խմբի նորամատուը տեղի է ունենում 2006 թվականի հունվարին։ Խումբը մինչև կրտսեր առաջնություն վերադառնալը մեկ անգամ դառնում է WWE աշխարհի թիմային չեմպիոն։
2007 թվականին Նեմեթն սկսում է հանդես գալ «Florida Championship Wrestling» (FCW)՝ երկու անգամ նվաճելով FCW Ֆլորիդայի թիմային տիտղոսը։
Նեմեթը մեկընմիշտ «WWE»-ի հիմնական կազմ է վերադառնում 2008 թվականին՝ Դոլֆ Զիգլեր ռինգային անվամբ։ Հիմնական կազմում ելույթ ունենալու տարիներին Զիգլերը երկու անգամ նվաճել է աշխարհի ծանրքաշային, չորս անգամ ՝ WWE միջմայրցամաքային և մեկ անգամ՝ WWE Միացյալ Նահանգների չեմպիոնական տիտղոսները, ինչպես նաև՝ հաղթանակ տարել 2012 թվականի «Փողը բանկում» մրցույթում։
2014 թվականին «Rolling Stone» ամսագրի կողմից ճանաչվել է «WWE-ի տարվա ռեստլեր»։
Ծանոթագրություններ խմբագրել
- ↑ 1,0 1,1 1,2 1,3 «Դոլֆ Զիգլերի էջը». «Ռեստլինգի առցանց աշխարհ». Վերցված է 2008 թ․ ապրիլի 27-ին.
- ↑ http://wrestlingdata.com/index.php?befehl=bios&wrestler=1612
Արտաքին հղումներ խմբագրել
- Պաշտոնական կայք Արխիվացված 2017-05-24 Wayback Machine(անգլ.)
- Էջը WWE.com կայքում(անգլ.)
 | Վիքիպահեստն ունի նյութեր, որոնք վերաբերում են «Դոլֆ Զիգլեր» հոդվածին։ |