Նեա-Իոնիա (Ատտիկա)
Նեա-Իոնիա (հուն․՝ Νέα Ιωνία «Նեա-Իոնիա»), քաղաք Հունաստանում, Աթենքի հյուսիսային արվարձան։ Գտնվում է ծովի մակարդակից 130 մ բարձրության վրա՝ Աթենական հարթավայրում, Տուրկովունիա լեռնաշղթայի ստորոտում, Աթենքից 7 կմ դեպի հյուսիս-արևելք։ Հյուսիսում սահմանակից է Իրակլիոնին, հարավում՝ Գալացիոնին, արևմուտքում՝ Նեա-Ֆիլադելֆիային և Նեա-Խալկիդոնին, արևելքում՝ Ամարուսիոնին։ Համանուն համայնքի ադմինիստրատիվ կենտրոնն է Հյուսիսային Աթենքում՝ Ատտիկա պատմական շրջանում։ 2011 թվականի մարդահամարի տվյալներով բնակչության թիվը կազմել է 67 134 մարդ։ Տարածքը 4,421 կմ²[1]։ Բնակչության խտությունը կազմում է15 185,25 մարդ 1 կմ քառակուսի տարածքի վրա։ 2014 թվականի տեղական ընտրությունների ժամանակ քաղաքագլուխ է ընտրվել Իրակլիս Գոցիսը (հուն․՝ Ηρακλής Γκότσης): 1923 թվականին[2] փոքրասիական տեղահանությունից և հույն-թուրքական բնակչության փոխատեղությունից հետո Պոդարադեսի (հուն․՝ «Ποδαράδες») շրջանում բնակություն հաստատեցին փախստականներ Սպարտայից և Պիսիդիայից (այժմ Ըսփարթա Թուրքիայում)։ Բնակավայրն ստացել է Նեա-Պիսիդիա անվանումը (հուն․՝ Νέα Πισιδία): Ավելի ուշ բնակչությունը համալրվել է փախստականներով, ովքեր տեղափոխվել էին Նեապոլից Կապադովկիա (այժմ Նևշեհիր), Անթալիայից և Ալանիայից Պամփիլիա, Զմյուռնիայից և շրջակա գյուղերից՝ Ուռլի և Այվալըք, Սաֆրանբոլուից Ինեբոլու, Կաստամոնու և Ակխիսարա։ Նեա-Իոնիա քաղաքը հիմնադրվել է 1928 թվականին[3]։ Համայնքն ստեղծվել է 1933 թվականին[4]։ Քաղաքի Իոնիա անվանումը ծագում է անտիկ աշխարհագրությունից. այդպես է անվանվել Փոքր Ասիայի արևմտյան ափը, որը հարավում սահմանակից էր Կարիային, իսկ հյուսիսում՝ Էոլիդային։ 1931 թվականին քաղաքում բացվել է «Նեա-Իոնիա» երկաթուղային կայարանը։
Քաղաք | ||
---|---|---|
Նեա-Իոնիա | ||
Երկիր | Հունաստան | |
Հիմնադրված է | 1923 թ. | |
Մակերես | 4,4 կմ² | |
ԲԾՄ | 130 մետր | |
Բնակչություն | ▼64 611 մարդ (2021) | |
Հեռախոսային կոդ | 210 | |
Փոստային դասիչ | 142 xx | |
Պաշտոնական կայք | neaionia.gr | |
| ||
Քաղաքում գործում են երեք կայարաններ՝ Աթենական մետրոպոլիտեն, «Պեֆկակիա» և «Պերիսոս»։
Քաղաքում է գտնվում Նեա-Իոնիայի և Նեա Ֆիլադելֆիայի թեմական առաջնորդարանը։ Սուրբ Անշահախնդիրների Մայր տաճարը գտնվում Է քաղաքի կենտրոնում՝ համանուն հրապարակում։ Քաղաքի հովանավորը սուրբ նահատակ Գեորգի Նեապոլիտն է։ Փոքրասիական հույների Հունաստան տեղափոխվելու ժամանակ 1924 թվականին Գեորգի Նեապոլիտի մասունքները տեղափոխվել են Նեա-Իոնիայի Եվստաթեոս նահատակի եկեղեցի[5]։
Բնակչություն խմբագրել
Թիվ | Բնակչություն |
---|---|
1920 | 79[6] |
1928 | 16 382 |
1940 | 27 775 |
1951 | 33 821 |
1961 | 48 149 |
1971 | 54 906 |
1981 | 59 202 |
1991 | 62 137 |
2001 | 69 508 |
2011 | 67 134 |
Ծանոթագրություններ խմբագրել
- ↑ «Population & housing census 2001 (incl. area and average elevation)» (PDF) (հունարեն). National Statistical Service of Greece.
- ↑ «Ιστορία». neaionia.gr. Արխիվացված է օրիգինալից 2016 թ․ մարտի 4-ին. Վերցված է 2015 թ․ սեպտեմբերի 17-ին.
- ↑ «Νέα Ιωνία (Αττικής και Βοιωτίας)» (հունարեն). ΕΕΤΑΑ. Վերցված է 2018 թ․ օգոստոսի 17-ին.
- ↑ «Διοικητικές μεταβολές δήμων και κοινοτήτων. Δ. Νέας Ιωνίας (Αττικής και Βοιωτίας)» (հունարեն). ΕΕΤΑΑ. Վերցված է 2018 թ․ օգոստոսի 17-ին.
- ↑ Կաղապար:Православная энциклопедия
- ↑ 6,0 6,1 6,2 6,3 6,4 6,5 6,6 Κοτζαμάνης, Βύρων Αθήνα, 1848 - 1995. Η δημογραφική ανάδυση μιας μητρόπολης(հուն.) // Επιθεώρηση Κοινωνικών Ερευνών. — 1997. — № 92—93. — С. 3—30. Архивировано из первоисточника 27 Հոկտեմբերի 2021.
- ↑ 7,0 7,1 «Μόνιμος και Πραγματικός Πληθυσμός της Ελλάδος. Σύνολο Ελλάδος, νομοί, δήμοι/κοινότητες, δημοτικα/κοινοτικά διαμερίσμα και οικισμοί. Απογραφές πληθυσμού 2001 και 1991» (հունարեն). Հունաստանի վիճակագրական ծառայություն. Արխիվացված է օրիգինալից 2006 թ․ հուլիսի 16-ին. Վերցված է 2017 թ․ հունիսի 22-ին.
Արտաքին հղումներ խմբագրել
Վիքիպահեստն ունի նյութեր, որոնք վերաբերում են «Նեա-Իոնիա (Ատտիկա)» հոդվածին։ |