Մորմ սև
Մորմ սև | |
Մորմ սև | |
Դասակարգում | |
Թագավորություն | Բույսեր (Plantae) |
Ենթատիպ | Սերմնավոր բույսեր (Spermatophytes) |
Կարգ | Մորմածաղկավորներ (Solanales) |
Ընտանիք | Մորմազգիներ (Solanaceae) |
Ենթաընտանիք | Մորմայիններ (Solanoideae) |
Տրիբա | Solaneae |
Ցեղ | Մորմ (Solanum) |
Տեսակ | Մորմ սև (S. nigrum) |
Միջազգային անվանում | |
Solanum nigrum |
Մորմ սև (լատին․՝ Solanum nigrum), մորմազգիների ընտանիքին պատկանող դեղաբույս։
Նկարագրություն խմբագրել
10-70 սմ բարձրությամբ, թունավոր միամյա խոտաբույս է։ Հաճախ պարզ խոզաններով կամ երկար գեղձային մազիկներով ծածկված կողավոր ցողունը ուղիղ է։ Ձվաձև-ռոմբաձև, սրածայր, ամբողջաեզր տերևները կոթունավոր են։ Կիսահովանոցներում հավաքված, փոքր բաժակով, կարճ խողովակ ունեցող սպիտակ պսակով, հինգ առէջներով, հնգանդամ ծաղիկները համեմատաբար փոքր են։ Երկբույն, բազմասերմ, գնդաձև, սև հատապտուղները երբեմն կանաչ են[1]։
Տարածվածություն խմբագրել
Աճում է աղբավայրերում, այգիներում, թփուտներում և բանջարանոցներում։ Հանդիպում է Տավուշի, Արարատի, Սյունիքի մարզերում և Երևանում[1]։
Նշանակություն խմբագրել
Բուժական նպատակներով օգտագործում են երիտասարդ տերևներով ընձյուղները և պտուղները։ Որպես խորխաբեր և միզամուղ միջոց կիրառում են ծաղիկների թուրմը։ Թարմ տերևներն ու պտուղները խառնած բուսական յուղի հետ դնում են թարախային վերքերի վրա[1]։
Ծանոթագրություններ խմբագրել
- ↑ 1,0 1,1 1,2 Ծատուրյան, Թամարա; Գևորգյան, Մարգարիտա (2014). Պողոսյան, Ա․; Զաքարյան, Ն․ (eds.). Հայաստանի վայրի դեղաբույսեր. Երևան: Լուսակն. էջ 315. ISBN 9789939834689.
Վիքիցեղերն ունի նյութեր, որոնք վերաբերում են «Մորմ սև» հոդվածին։ |
Վիքիպահեստն ունի նյութեր, որոնք վերաբերում են «Մորմ սև» հոդվածին։ |