Միքայել Հայրապետյան (կուսակցական գործիչ)
Անվան այլ կիրառումների համար տե՛ս՝ Միքայել Հայրապետյան (այլ կիրառումներ)- Վիքիպեդիայում կան հոդվածներ Հայրապետյան ազգանունով այլ մարդկանց մասին։
Միքայել Հայրապետյան (դեկտեմբերի 12, 1965, Երևան, Հայկական ԽՍՀ, ԽՍՀՄ), հայ հասարակական-քաղաքական գործիչ, Պահպանողական կուսակցության նախագահ 1998-2022թթ․։
| Միքայել Հայրապետյան Պահպանողական կուսակցության նախագահ | |
|---|---|
 | |
| Ծնվել է | դեկտեմբերի 12, 1965 (58 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի պետական համալսարան (1987) և ՀՀ ԳԱԱ գրականության ինստիտուտ (1990) |
| Մասնագիտություն | բանասեր, մանկավարժ, հասարակական գործիչ և քաղաքական գործիչ |
Ուսումնառություն խմբագրել
1972-1982 թթ. սովորել է Երևանի թիվ 133 միջնակարգ դպրոցում, 1982-1987 թթ.` Երևանի պետական համալսարանի բանասիրական ֆակուլտետում, 1987-1990 թթ.` ՀԽՍՀ Գիտությունների ակադեմիայի Մանուկ Աբեղյանի անվան գրականության ինստիտուտի ասպիրանտուրայում։
Աշխատանքային գործունեություն խմբագրել
- 1987-1991 թթ. - Հայոց լեզվի և գրականության ուսուցիչ Երևանի Ալեքսանդր Պուշկինի անվան թիվ 8 միջնակարգ դպրոցում։ Զուգահեռաբար վարել է Հայաստանի պետական հեռուստատեսության «Մայրենի» հաղորդաշարի «Ճանաչել զիմաստութիւն և զխրատ» բաժինը։
- 1991 թ. - ՀՀ Լուսավորության նախարարության ծրագրամեթոդական և դասագրքերի վարչության պետ։
- 1991-1993 թթ. - Հայոց լեզվի և գրականության ուսուցիչ և հայոց լեզվի և գրականության մեթոդմիավորման վարիչ Երևանի Ա.Շիրակացու անվան հանրակրթական ճեմարանում։
- 1992 թ. - ԱԻՄ «Անկախություն» պաշտոնաթերթի փոխխմբագիր (համատեղությամբ)։
- 1993 թ. - «Ար» շաբաթաթերթի թղթակից (համատեղությամբ)։
- 1993 թ. - ՀՀ ՊՆ «Զինվոր» պաշտոնաթերթի թղթակից (համատեղությամբ)։
- 1993-2008 թթ. - Հայաստանի պետական ճարտարագիտական համալսարանի (Պոլիտեխնիկ) հայոց լեզվի ամբիոնի դոցենտ։
- 1994 թ. - Վարդգես Պետրոսյանի և հիմնադիր կազմի հետ հիմնել է «Երկիր Նաիրի» թերթը՝ դառնալով մշակույթի բաժնի վարիչը (համատեղությամբ)։
- 1994 թ. - ՀՀ Լեզվի պետական տեսչության գլխավոր խորհրդական (համատեղությամբ)։
- 1994-1995 թ. - «Ազգային պետություն» կուսակցության «Շրջան» պաշտոնաթերթի առաջին գլխավոր խմբագիր (համատեղությամբ)։
- 1995 թ. - «Օրեր» եռօրյա թերթի հիմնադիր և գլխավոր խմբագիր (համատեղությամբ)։
- 1996 թ. - ՀՀ ՊՆ անձնակազմի հետ տարվող աշխատանքների վարչության գաղափարախոսության բաժնի հատուկ քարոզչության բաժանմունքի պետ (համատեղությամբ)։
- 1996-1997 թթ. - «Երևանյան օրեր» եռօրյա թերթի հիմնադիր և գլխավոր խմբագիր (համատեղությամբ)։
- 1998 թ. - ԵԿՄ «Երկրապահ» պաշտոնաթերթի առաջին գլխավոր խմբագիր (համատեղությամբ)։
- 2008 թ. - Մարտի 1-ի դեպքերի պատճառով հեռացվել է Հայաստանի պետական ճարտարագիտական համալսարանից, գտնվել է ընդհատակում։
- 2009 թ. - Ժամանակակից հայոց լեզվի և հայոց լեզվի դասավանդման մեթոդիկայի դասախոս Հ. Օրբելու անվան համալսարանում։
- 2010-2011 թթ. - Հայոց լեզվի և գրականության դասախոս Երևանի գյուղատնտեսական համալսարանում։
- 2012 թ. - Մասնակցել է Հայաստանի ազգային պոլիտեխնիկական համալսարանի՝ դոցենտի թափուր հաստիքի պաշտոնակալման մրցույթին և վերստին դոցենտ է աշխատում ՀԱՊՀ-ում։
Գիտական գործունեություն խմբագրել
1990 թ. հաջողությամբ անցնելով «Գեղարվեստական հուշագրությունը 1920-1930-ական թվականների հայ արձակում» թեմայով թեկնածուական ատենախոսության նախապաշտպանությունը՝ բոյկոտել է սեփական պաշտպանությունը՝ պահանջելով, որ անկախության ուղին բռնած Հայաստանը ստեղծի սեփական ԲՈՀ-ը, որի կազմավորումից հետո է միայն պաշտպանել ատենախոսությունը (1994 թ.)` ստանալով բանասիրական գիտությունների թեկնածուի գիտական աստիճան։ 1997 թվականից ՀՊՃՀ դոցենտ։ 2006 թվականից` դիպլոմավորված դոցենտ։
Հասարակական-քաղաքական գործունեություն խմբագրել
Մինչև 1998 թ. որևէ կուսակցության անդամ չի եղել։ 1998 թվականին անդամակցել է Պահպանողական կուսակցությանը՝ դառնալով նրա նախագահը[1]։ 2022 թվականի հուլիսի 18-ին հրաժարական է տվել Պահպանողական կուսակցության նախագահի պաշտոնից և դուրս եկել կուսակցությունից։
Ընտանիք խմբագրել
Ունի երկու դուստր։
Ծանոթագրություններ խմբագրել
- ↑ «21 հարց ու պատասխան. այսօրվա և վաղվա». Արխիվացված է օրիգինալից 2018 թ․ սեպտեմբերի 3-ին. Վերցված է 2018 թ․ հուլիսի 12-ին.