Միքայել Անդրեասյան
- Վիքիպեդիայում կան հոդվածներ Անդրեասյան ազգանունով այլ մարդկանց մասին։
Միքայել Նիկոլայի Անդրեասյան (փետրվարի 3, 1952, Կիսլովոդսկ, Ստավրոպոլի երկրամաս, ՌԽՖՍՀ, ԽՍՀՄ), օդաչու-հրամանատար։ Ինքնաթիռային սպորտի վարպետ, ԽՍՀՄ բազմակի չեմպիոն։
Միքայել Անդրեասյան | |
---|---|
Ծնվել է | փետրվար 3, 1952 |
Ծննդավայր | Կիսլովոդսկ, Ռուսաստան |
Քաղաքացիություն | Հայաստան |
Ազգություն | Հայ |
Մասնագիտություն | օդաչու |
Աշխատանք | օդաչու-հրամանատար |
Պարգևներ և մրցանակներ | ԽՍՀՄ բազմակի չեմպիոն, ԼՂՀ «Մարտական խաչ»1-ին աստիճանի շքանշան, |
Ավարտել է Վոլչանսկի (Ուկրաինա) քաղաքացիական ավիացիայի օդաչուական ուսումնարանը (1974)։ 1974–1977 թվականներին աշխատել է Երևանի ավիաակումբում, 1977–2001 թվականներին՝ «Էրեբունի» և «Զվարթնոց» օդանավակայաններում՝ ՅԱԿ-40 ինքնաթիռի հրամանատար։ 1988–1992 թվականներին մասնակցել է ԼՂ ինքնապաշտպանությանը։ Շուշիի ազատագրմանը նախորդող օրերին մարտական գոտում կատարել է 60-ից ավելի թռիչք։ 1992 թվականի մարտի 27-ին և մայիսի 10-ին գնդակոծված և խափանված շարժիչներով բարեհաջող վայրէջք է կատարել համապատասխանաբար «Էրեբունի» և Սիսիանի օդանավակայաններում՝ փրկելով անձնակազմի, վիրավոր ազատամարտիկների և 40-ից ավելի երեխաների կյանքը։ Վերջին վայրէջքի ժամանակ ստացել է ողնաշարի վնասվածք։ Ընդհանուր թռիչքաժամը ԼՂ կազմել է 280 ժամ։ Պարգևատրվել է ԼՂՀ «Մարտական խաչ» 1-ին աստիճանի շքանշանով և «Արիության համար» մեդալով։ [1]
Ծանոթագրություններ խմբագրել
- ↑ Ղարաբաղյան ազատագրական պատերազմ.1988-1994, Ե., ՀՀՀ, 2004, էջ 672։