Միրյանա Տոմաշևիչ

Միրյանա Տոմաշևիչ
Ծնվել է	1967
Ծննդավայր	Բելգրադ, ՀՍՖՀ
Մասնագիտություն	նկարչուհի
Ժանր	գրաֆիկա
	Mirjana Tomasevic Վիքիպահեստում

Միրյանա Տոմաշևիչ (Мирјана Томашевић, 1967, Բելգրադ, ՀՍՖՀ), սերբ նկարչուհի։ Գրաֆիկայի Բելգրադյան դպրոցի պրոֆեսոր Բոժիդար Ջմերկովիչի սան։

Կենսագրություն խմբագրել

Միրյանա Տոմաշևիչը ծնվել է 1967 թվականին, Բելգրադում։ 1991 թվականին ավարտել է Բելգրադի Արվեստների համալսարանի կիրառական արվեստի ֆակուլտետի գրաֆիկայի բաժինը, 1994 թվականին՝ նույն ֆակուլտետի մագիստրատուրան։ Գրաֆիկա է դասավանդում Կիրառական արվեստի ֆակուլտետում^[1]։

Մասնակցել է անհատական և խմբակային տարբեր ցուցահանդեսների^[2], բիենալեների և տրիենալեների։ 2017 թվականին Հայաստանում Սերբիայի Հանրապետության հյուպատոսության նախաձեռնությամբ և Հովհաննես Շարամբեյանի անվան ժողովրդական ստեղծագործության կենտրոնի աջակցությամբ Երևանում տեղի է ունեցել Տոմաշևիչի գրաֆիկական աշխատանքների ցուցահանդեսը^[3]^[4]։ Արժանացել է բազմաթիվ մրցանակների և պարգևների։ Միրյանա Տոմաշևիչի աշխատանքները գտնվում են տարբեր թանգարաններում և մասնավոր հավաքածուներում։