Միջազգային կոոպերատիվ ալյանս, ՄԿԱ (անգլ.՝ International Co-operative Alliance, ICA), միջազգային կազմակերպություն, որ միավորում է կոոպերատիվների (հիմնականում սպառողական, վարկային, գյուղատնտեսական) ազգային, տարածաշրջանային միություններ ու ֆեդերացիաներ։
Հիմնադրվել է 1895 թվականին, Լոնդոնում։ Միավորում է 109 երկրի 313 կոոպերատիվ կազմակերպություններ[3]։ Նպատակն է՝ աջակցել բոլոր երկրներում կոոպերացիաների զարգացմանը, պրոպագանդել կոոպերատիվ շարժման սկզբունքներն ու մեթոդները, պաշտպանել դրա շահերը, ընդլայնել տարբեր երկրների կոոպերատիվների տնտեսական կապերը և այլն։ Ղեկավար մարմիններն են կոնգրեսը, կենտրոնական կոմիտեն, գործադիր կոմիտեն։ Ընթացիկ աշխատանքները ղեկավարում են տնօրենն ու քարտուղարությունը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 579)։