Մեջիթլու (Բուլանըխի գավառ)

Անվան այլ կիրառումների համար տե՛ս՝ Մեջիթլու (այլ կիրառումներ)

Մեջիթլու, գյուղ Արևմտյան Հայաստանում, Բիթլիսի վիլայեթի Բուլանըխի գավառակում։ Գտնվում էր Մանազկերտ գյուղաքաղաքից 21 կմ հարավ-արևմուտք՝ Կոփ տանող ճանապարհին, Կոփ գետի Մրբար վտակի երկու ճյուղերի միջև։

Գյուղ
Մեջիթլու
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառակ	Բուլանըխի գավառակ
Այլ անվանումներ	Մաճիթլու, Մաշտլու, Մաչիտլու, Մաչտլի, Մաջիդլու, Մեճիտլու, Մեջետլու, Մեջիդլու, Մեջիթլի, Մեջիտլու, Մեջիդլու,Մեսջիդլի
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Ժամային գոտի	UTC+3

Պատմություն

Գյուղի հայերը 1915 թվականի Մեծ եղեռնի ժամանակ բնագաղթով անցել են Արևելյան Հայաստան։ 1918 թ.-ին կրկին վերադարձել են հայրենի գյուղ։ 1920 թ.-ին կրկին գաղթել են Արևելյան Հայաստան և հաստատվել Արագածի լանջերի գյուղերում։

Բնակչություն

XX դարի սկզբին ուներ 120 տուն, 1909 թ.-ին՝ 125 տուն, իսկ 1915 թ.-ին՝ 95 տուն հայ բնակիչ։

Տնտեսություն

Բնակչության հիմնական զբաղմունքը անասնապահություն, երկրագործություն և առևտուրն էր։

Պատմամշակութային կառույցներ

Մեջիթլուն ուներ Ս. Հովհաննես անունով մատուռ։

Հասարակական կառույցներ

Գյուղն ուներ հայկական դպրոց, որը գործում էր 1870 թ.-ից։

Անվանի մարդիկ

Մեջիթլուում է ծնվել բանաստեղծ Վահան Գրիգորյանը։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն