Մենտոր Բունիաթյան
- Վիքիպեդիայում կան հոդվածներ Բունիաթյան ազգանունով այլ մարդկանց մասին։
Մենտոր Աբրահամի Բունիաթյան (1877[1][2][3], Ցղնա, Նախիջևանի գավառ, Երևանի նահանգ, Կովկասի փոխարքայություն, Ռուսական կայսրություն[2][3] - հունվարի 31, 1969[4] կամ դեկտեմբերի 31, 1969[2][3], Փարիզ[2][3][5]), հայ տնտեսագետ, բուրժուական քաղաքատնտեսության սուբյեկտիվ դպրոցի ներկայացուցիչ։ Քաղաքական գիտությունների դոկտոր (1903), պրոֆեսոր (1915)[6]։
Մենտոր Բունիաթյան | |
|---|---|
| Ծնվել է | 1877[1][2][3] Ցղնա, Նախիջևանի գավառ, Երևանի նահանգ, Կովկասի փոխարքայություն, Ռուսական կայսրություն[2][3] |
| Մահացել է | հունվարի 31, 1969[4] կամ դեկտեմբերի 31, 1969[2][3] Փարիզ[2][3] |
| Բնակության վայր(եր) | Փարիզ[2] |
| Ազգություն | հայ |
| Մասնագիտություն | տնտեսագետ |
| Հաստատություն(ներ) | Մոսկվայի պետական համալսարան, Վրաստանի տեխնիկական համալսարան և Փարիզի համալսարան |
| Գործունեության ոլորտ | Բիզնես ցիկլ |
| Անդամակցություն | Société d'économie politique?, Ամերիկյան տնտեսական ասոցիացիա և Տնտեսաչափական ընկերություն |
| Ալմա մատեր | Լյուդվիգ Մաքսիմիլիանի Մյունխենի համալսարան |
| Գիտական ղեկավար | Լույո Բրենտանո և Walther Lotz? |
Կենսագրություն խմբագրել
Մենտոր Բունիաթյանն ծնվել է 1888 թվականին Գողթնի Ցղնա ավանում։ Ուսումը ստացել է Բեռլինի, Լայպցիգի, Մյունխենի և Ստրասբուրգի համալսարաններում։
Մահացել է 1969 թվականի դեկտեմբերի 31-ին Ֆրանսիայի մայրաքաղաք Փարիզում[6]։
Գործունեություն խմբագրել
Դասախոսություններ է կարդացել Ժնևի համալսարանի բարձրագույն միջազգային հետազոտությունների ինստիտուտում, Մյունխենում, Մոսկվայում, Թիֆլիսում, Երևանում։ 1920 թվականինից ապրել է Փարիզում։ Եղել է ԱՄՆ-ի և Ֆրանսիայի տնտեսագիտության ընկերությունների անդամ։ Վարկի ու կապիտալի, փողի ու ապրանքի, ճգնաժամերի ու կապիտալիզմի մյուս տնտեսական կատեգորիաների մասին մի շարք գիտական աշխատություններ է հրատարակվել[6]։
Բունիաթյանի աշխատություններում արծարծվել են քաղաքատնտեսության գրեթե բոլոր կարևոր հարցերը։ Արժեքի մեկնաբանության հարցում նա մնացել է որպես քաղաքատնտեսության սուբյեկտիվ դպրոցի կողմնակից։ Նա կապիտալի հանդես գալը կապում էր մեքենական արտադրության առաջացման հետ և կապիտալը բաժանում էր «հասարակական կամ սոցիալական կապիտալի», «մասնագիտական կապիտալի», «ազատ կապիտալի»։ Ըստ նրա, հասարակական կապիտալը հասարակության տնօրինության ներքո գտնվող արտադրության միջոցներն են, մասնագիտական կապիտալն ունեցվածք Է, որն առանձին անձանց տալիս է եկամուտ, իսկ ազատ կապիտալը փոխատվական կապիտալի գործողությունն է։ Բունիաթյանը կապիտալի նկատմամբ պատմական մոտեցում է ունեցել, սակայն որոշակի չի ասել, որ կապիտալն արտահայտում է շահագործողական հարաբերություններ։ Բունիաթյանը արժեքավոր դատողություններ ունի շահույթի և տնտեսական ճգնաժամերի մասին։ Այս հարցերում նկատվում է Կարլ Մարքսի ազդեցությունը Բունիաթյանի վրա։
Երկեր խմբագրել
- Экономические кризисы, М., 1915;
- Les fluctuations economiques, P․, 1959;
- Les theories economiques et Albert Aftalion, P․, 1966
Ծանոթագրություններ խմբագրել
- ↑ 1,0 1,1 BNE authority file
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 Ով ով է. հայեր (հայ.) / Հ. Այվազյան — Երևան: Հայկական հանրագիտարան հրատարակչություն, 2005. — հատոր 1. — էջ 239.
- ↑ 4,0 4,1 4,2 Library of Congress Authorities — Library of Congress.
- ↑ Հայկական Սովետական Հանրագիտարան, հ. 2, Երևան, «Հայ սովետական հանրագիտարան հրատարակչություն», 1976, էջ 610։
- ↑ 6,0 6,1 6,2 Ա․ Ա․ Այվազյան, ՆԱԽԻՋԵՎԱՆ․ պատկերազարդ բնաշխարհիկ հանրագիտակ, Երևան, «Հուշարձան», 1995, էջ 235 — 368 էջ. — 2700 հատ, ISBN 5-8079-0911-9։
 | Վիքիդարանն ունի նյութեր, որոնք վերաբերում են «Մենտոր Բունիաթյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 610)։ 
|