Մեծ Բրիտանիայի տնային առաջնություն 1910/1911
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
1910/1911 մրցաշրջանի Մեծ Բրիտանիայի տնային առաջնությունը քսանութերորդն էր։ Ընդամենը մեկ միավորի առավելությամբ միանձնյա հաղթող դարձավ Անգլիայի հավաքականը։ Մրցաշարային աղյուսակը եզրափակեցին իռլանդացիները՝ չվաստակելով և ոչ մի միավոր։
Ի հեճուկս ավանդույթի՝ մրցաշարը մեկնարկեց Իռլանդիա- Ուելս խաղով, որում իռլանդացիները համառ պայքարում զիջեցին 1-2 հաշվով։ Հաջորդ խաղում անգլիացիները նույն հաշվով հաղթեցին իռլանդացիներին և ուելսցիների հետ մեկտեղ դարձան առաջատար։ Շոտլանդացիները 2-2 հաշվով ոչ-ոքի խաղացին ուելսցիների հետ, ապա 2-0 հաշվով հաղթեցին իռլանդացիներին, որոնք ավարտեցին իրենց ելույթները մրցաշարում։ Անգլիա- Ուելս խաղում հաղթելու դեպքում ուելսցիները կնվաճեին հաղթողի տիտղոսը, սակայն ուժեղ գտնվեցին անգլիացիները՝ վստահ հաղթանակ տանելով 3-0 հաշվով։ Այդ խաղում երկու գոլի հեղինակ դարձավ Վիվիան Վուդվարդը։ Նրա երկրորդ գոլն այդ խաղում 29-րդն ու վերջինն էր հավաքականի կազմում, և այդպիսով նա մեկ գոլով գերազանցեց Սթիվ Բլումերի ռեկորդը։ Վուդվարդի ռեկորդը դիմացավ 47 տարի և գերազանցվեց 1958 թ. հոկտեմբերին, երբ Թոմ Ֆիննին խփեց իր 30-րդ և վերջին գոլը հավաքականի կազմում։
Մրցաշարի ելքը ավանդաբար վճռվեց Լիվերպուլում կայացած Անգլիա- Շոտլանդիա խաղում, ուր անգլիացիներին չեմպիոնի տիտղոսը միանձնյա նվաճելու համար բավարարում էր ոչ-ոքին, որին և նրանք հասան։
Մրցաշարային աղյուսակ խմբագրել
Դ | Թիմ | Խ | Հ | Ո | Պ | ԽԳ | ԲԳ | ԳՏ | Մ | |
1. | Անգլիա | 3 | 2 | 1 | 0 | 6 | 2 | +4 | 5 | |
2. | Շոտլանդիա | 3 | 1 | 2 | 0 | 5 | 3 | +2 | 4 | |
3. | Ուելս | 3 | 1 | 1 | 1 | 4 | 6 | -2 | 3 | |
4. | Իռլանդիա | 3 | 0 | 0 | 3 | 2 | 6 | -4 | 0 |
Խ = Խաղ; Հ = Հաղթանակ; Ո = Ոչ-ոքի; Պ = Պարտություն; ԽԳ = Խփած Գնդակ; ԲԳ = Բաց Թողած Գնդակ; ԳՏ = Գնդակների Տարբերություն; Մ = Միավոր
Աղբյուր.
Հաղթանակի համար շնորհվում էր 2 միավոր, ոչ-ոքիի համար՝ 1։
Արդյունքներ խմբագրել
Հունվարի 28, 1911 |
Իռլանդիա | 1 - 2 | Ուելս | Վինձոր պարկ, Բելֆաստ |
---|---|---|---|---|
Ուիլյամ Հալիգան | Ուիլյամ Դևիս Գրենվիլ Մորիս |
Փետրվարի 11, 1911 |
Անգլիա | 2 – 1 | Իռլանդիա | Բեյսբոլ գրաունդ, Դերբի |
---|---|---|---|---|
Ալբերտ Շեպերդ Ռոբերտ Էվանս | Ջեյմս ՄաքՕուլի |
Մարտի 6, 1911 |
Ուելս | 2 – 2 | Շոտլանդիա | Նինիան պարկ, Կարդիֆ |
---|---|---|---|---|
Գրենվիլ Մորիս | Ռոբերտ Հեմիլթոն |
Մարտի 18, 1911 |
Շոտլանդիա | 2 – 0 | Իռլանդիա | Սելթիկ պարկ, Գլազգո |
---|---|---|---|---|
Ուիլյամ Ռեյդ Ջեյմս ՄաքՄենեմի |
Մարտի 13, 1911 |
Անգլիա | 3 – 0 | Ուելս | Դեն, Լոնդոն |
---|---|---|---|---|
Վիվիան Վուդվարդ Ջորջ Ուեբ |
Ապրիլի 1, 1911 |
Անգլիա | 2 – 0 | Շոտլանդիա | Գուդիսոն պարկ, Լիվերպուլ |
---|---|---|---|---|
Ջեյմս Սթյուարտ | Ալեքսանդեր Հիգինս |
Հաղթող խմբագրել
Մեծ Բրիտանիայի տնային առաջնություն 1910/1911 |
---|
Անգլիա |