Մարտուն Գրիգորյան (ճարտարապետ)

Անվան այլ կիրառումների համար տե՛ս՝ Մարտուն Գրիգորյան (այլ կիրառումներ)

Մարտուն Արմենակի Գրիգորյան (սեպտեմբերի 5, 1925(1925-09-05), Երևան, Հայկական ԽՍՀ, ԱԽՖՍՀ, ԽՍՀՄ), հայ ճարտարապետ, ՀԽՍՀ վաստակավոր ճարտարապետ (1983)։

Մարտուն Գրիգորյան
Ծնվել է	սեպտեմբերի 5, 1925(1925-09-05) (98 տարեկան)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Կրթություն	ՀԱՊՀ
Պարգևներ

Կենսագրություն

1950 թվականին ավարտել է Երևանի պոլիտեխնիկական ինստիտուտը։ 1958-1979 թվականներին եղել է Հայպետնախագիծ ինստիտուտի գլխավոր ճարտարապետ։ 1968 թվականից դասավանդել է ԵՊԻ-ում, դոցենտ։

Մարտուն Գրիգորյանի ԳՀ աշխատանքները վերաբերում են շենքի տարբեր տարրերի խնայողական և երկարակեցություն ապահոված լուծումներին, հավաքովի տնաշինությանը։

Ստեղծագործական գործունեություն

Մարտուն Գրիգորյանի նախագծերով կառուցվել են՝

• Երևանում Հայաստանի երաժշտական ընկերության բնակելի և վարչաակումբային համալիր, Երևան, 1966
• Գյումրիում Սանէպիդկայանի համալիր, 1954 (դիմացել է 1988 թվականի երկրաշարժին)
• Հրազդան-Հանքավան մայրուղուն առընթեր՝ արագընթաց տրանսպորտի փորձարարական «Մարմարիկ» պոլիգոնը, 1981-1983
• Կառույցներ Կապանում, Ջերմուկում, Աշտարակում, Մարտունիում
• Կազմել է Երևանի Կոնդ թաղամասի մանրամասն հատակագիծը (1967-1969)
• Նոր Ամբերդի գիտական կենտրոնի նախագիծը (1979-1980)
• Երկրաշարժից տուժած բնակելի շենքերի վերափոխման և ամրացման նախագծերը (1989, իրագործել են Վանաձորում)