Մատնաչափիկը (մուլտֆիլմ, 1977)

«Մատնաչափիկը» (ռուս.՝ Мальчик с пальчик), 1977 թվականի խորհրդային նկարված մուլտիպլիկացիոն ֆիլմ՝ ստեղծված համանուն ռուսական ժողովրդական հեքիաթի հիման վրա։

Մատնաչափիկը
Տեսակ	մուլտֆիլմ
Ժանր	հեքիաթ
Ռեժիսոր	Ռոման Դավիդով
Սցենարիստ	Վլադիմիր Դանիլով
Հնչյունավորում	Նադեժդա Ռումյանցևա, Նինա Զորսկայա, Նիկոլայ Սերգեև և Վլադիմիր Բասով
Երաժշտություն	Վլադիմիր Կրիվցով
Օպերատոր	Բորիս Կոտով
Երկիր	ԽՍՀՄ
Ընկերություն	Սոյուզմուլտֆիլմ
Տևողություն	1092 վայրկյան
Թվական	1977

Անվան այլ կիրառումների համար տե՛ս՝ Մատնաչափիկը (այլ կիրառումներ)

Սյուժե

Ծերունին ու իր կինը, որ երեխաներ չունեն, երազում են իրենց օգնական որդի ունենալու մասին։ Անսպասելիորեն հայտնվում է Եգորուշկան՝ փոքրիկ մի տղա, որը, ըստ իր խոսքերի, ծնվել է պառավի դրած կաղամբակոթից։ Նա ծերունուն օգնում է փայտ ջարդել ու հողը վարել, պառավին՝ ասեղը թելել և խնձոր հավաքել, գայլից պաշտպանում է նրանց այծին։ Մոտակայքով անցնող բարինը, տեսնելով, թե ինչպես է գյուղացու զամբիկը մենակ գութան քաշում, ցանկանում է վերցնել այն։ Սակայն ծեր զամբիկը (իր ականջում նստած Եգորուշկայի ձայնով) բարինին համոզում է ծերունուն իր փոխարեն տալ 100 ռուբլի և նոր ձի։ Բարինը համաձայնում է և զամբիկին տանում իր կալվածք։ Ծերունին պառավի հետ սգում են Եգորուշկայի կորուստը, որը մնացել էր «խոսող» ձիու ականջում, սակայն գիշերը նա երջանիկ վերադառնում է տուն։

Ստեղծողներ

• Սցենարի հեղինակ՝ Վլադիմիր Դանիլով
• Ռեժիսորներ՝ Ռոման Դավիդով, Ալեքսանդր Տրուսով
• Բեմադրող նկարիչներ՝ Ալեքսանդր Տրուսով
• Մուլտիպլիկատորներ՝ Օլեգ Կոմարով, Վիկտոր Շևկով, Վլադիմիր Զարուբին, Ֆեոդոր Ելդինով, Օլեգ Սաֆրոնով
• Օպերատոր՝ Բորիս Կոտով
• Կոմպոզիտոր՝ Վլադիմիր Կրիվցով
• Հնչյունային ռեժիսոր՝ Վլադիմիր Կուտուզով
• Երգերի տեքստերի հեղինակ՝ Ալեքսանդր Տիմոֆեևսկի
• Մոնտաժող՝ Ելենա Տերտիչնայա
• Խմբագիր՝ Պյոտր Ֆրոլով
• Տնօրեն՝ Լյուբով Բուտիրինա
• Դերերը հնչյունավորել են՝
  • Նադեժդա Ռումյանցևա – Եգորուշկա
  • Նինա Զորսկայա – պառավ
  • Նիկոլայ Սերգեև – ծերունի
  • Վլադիմիր Բասով – բարին

Թողարկում DVD-ով

Մուլտֆիլմը բազմիցս թողարկվել է DVD-ով մուլտֆիլմերի հավաքածուներում, օրինակ՝

• «Чудо-мельница», մաս 1, «Սոյուզմուլտֆիլմ» (տեղայնացնող՝ Союз), սկավառակում ընդգրկված մուլտֆիլմեր՝ «Հրաշք ջրաղացը» (1950), «Կախարդական զանգակ» (1949), «Петух и боярин» (1986), «Ծերունին և կռունկը» (1958), «Կախարդական ջրհորը» (1956), «Մատնաչափիկը» (1977)։

Արտաքին հղումներ

• «Մատնաչափիկը»(անգլ.) ֆիլմը Internet Movie Database կայքում